San Lucas 18:7 - Ti Baro a Naimbag a Damag Biblia

⁷ Ket dinto aya tulongan ti Dios dagiti tattaona nga umas-asug kenkuana iti aldaw ken rabii? Dinanto kadi dardarasen ti tumulong kadakuada?

Ti Biblia (1973)

⁷ Ket ti Dios dinanto aramiden aya ti kinalinteg cadagiti pinilina, nga umawawag kencuana iti aldaw ken rabii, ket addanto anusna cadacuada?

San Lucas 18:7 Iomraidhean Croise

Dagiti Salmo 88:1

Agmalmalem nga umaw-awagak, O Apo a Diosko, ket iti rabii, umayak iti saklangmo.

Dagiti Salmo 9:8

Agturay a sililinteg iti lubong; awan idumdumana ti panangukomna kadagiti nasion.

Exodo 22:23

No aramidenyo ti kasta, siak, ni Yahweh, ipangagkonto ti asug dagiti agpatulong kaniak.

Isaias 40:27

Apay nga agririka, Israel? Apay a kunam a di ammo ti Apo dagiti parikutmo ket saan a pasayaaten ti Dios ti kasasaadmo?

Habakuk 2:3

Isuratmo agsipud ta saan pay a mapasamak. Ngem dandanin dumteng ti tiempo, ket mapasamakto ti ipakitak kenka. Kasla mabayag ti idadatengna ngem urayem. Awan duadua a mapasamak iti tiempo nga inkeddengko ket saanto nga agtaktak.

San Mateo 24:22

Ngem kinissayan ti Dios ti bilang dagita nga al-aldaw, ta no saan, awan ti makalasat. Ngem gapu kadagiti pinilina a tattao, kissayanna ti bilang dagita nga al-aldaw.

San Mateo 24:24

Ta agparangto dagiti sinan-Cristo ken dagiti sinan-profeta, ket agipakitadanto kadagiti datdatlag ken nakaskasdaaw a banag tapno, no mabalin, yaw-awanda uray dagiti pinili ti Dios.

San Mateo 7:11

No dakayo idinto a dakeskayo, ammoyo ti mangted iti naimbag kadagiti annakyo, dinto ket ad-addan ti pannangted ni Amayo sadi langit iti naimbag kadagiti agdawat kenkuana?

San Lucas 11:13

No dakayo, idinto a dakeskayo, ammoyo ti mangted iti naimbag kadagiti annakyo, dinto ket ad-addan ti pannangted ti Ama sadi langit iti Espiritu Santo kadagiti agdawat kenkuana!”

San Lucas 2:37

ket 84 a tawenen a nabalo. Saan a pimmampanaw iti Templo. Aldaw-rabii a nagdaydayaw iti Dios, nagay-ayunar ken nagkarkararag.

San Lucas 21:28

Inton mangrugi dagitoy a mapasamak, tumakder ken tumangadkayo, ta asidegen ti pannakaisalakanyo.”

Taga-Roma 8:33

Siasinonto ti mangidarum kadagiti pinili ti Dios? Ti mismo a Dios, ibilangna ida nga awan basolda!

Taga-Colosas 3:12

Tattaonakayo ti Dios. Inayat ken pinilinakayo a kukuana. Ngarud, ipakitayo a naasikayo, naimbag, napakumbaba, nasingpet ken naanus.

1 Taga-Tesalonica 3:10

Aldaw-rabii a sipapasnek ti panagdawatmi iti Dios tapno makitadakayo iti rupanrupa, ket punnoanmi ti pagkurangan ti pammatiyo.

2 Taga-Tesalonica 1:6

Ngamin, nalinteg ti aramiden ti Dios: Pagsagabaennanto dagiti mangparparigat kadakayo.

1 Timoteo 5:5

Ti pudno a balo nga agbibiag nga agmaymaysa, intaleknan ti namnamana iti Dios ket aldaw-rabii nga agkararag ken agdawat kenkuana iti tulong.

2 Timoteo 1:3

Agyamanak iti Dios a pagserbiak iti nadalus a konsensia, kas iti panagserbi met idi dagiti kapuonak. Wen, agyamanak kenkuana iti pannakalagipko kenka kadagiti kararagko iti aldaw ken rabii.

2 Timoteo 2:10

Isut' gapuna nga ibturak ti amin gapu kadagiti napili a tattao ti Dios tapno awatendanto met ti pannakaisalakan nga adda ken ni Cristo Jesus, agraman ti agnanayon a gloria.

Tito 1:1

Kenka, Tito, a napaypayso nga anakko iti pammati nga adda kadatay amin: Sapay koma ta parabur ken talna ti ited ti Dios Ama ken ni Cristo Jesus a Mangisalakan kadatayo. Siak, ni Pablo nga adipen ti Dios ken apostol ni Jesu-Cristo, ti naggapuan daytoy a surat. Naibaonak a tumulong kadagiti tattao tapno maidalanda iti kinapudno ken kinasanto. Naibatay daytoy iti namnama iti biag nga agnanayon nga inkari ti Dios sakbay ti panangrugi daytoy a lubong. Saan nga agulbod ti Dios. Iti intudingna a tiempo, impaltiingna daytoy a namnama iti mensahena a naitalek kaniak ket ipakaammok babaen iti bilin ti Dios a Mangisalakan kadatayo.

1 Pedro 1:1

Patgek a Kakabsat: Kablaawankayo a napili a tattao ti Dios a naiwaraswaras a kas ganggannaet nga agnanaed iti Ponto, Galacia, Capadocia, Asia ken Bitinia. Napilikayo a kas mayannurot iti panggep ti Dios Ama ken napasantokayo babaen iti Espirituna ken tapno agtulnogkayo ken ni Jesu-Cristo ket madalusankay iti darana. Sapay koma ta maaddaankay iti naan-anay a parabur ken talna. Siak ni Pedro nga apostol ni Jesu-Cristo.

2 Pedro 3:9

Saan nga itantan ti Apo a tungpalen ti inkarina, kas ipagarup ti dadduma. Ngem an-anusannakayo ti Apo gapu ta dina kayat a madadael ti siasinoman, no di ket kayatna nga agbabawi ti amin a tattao kadagiti basbasolda.

Paltiing 18:20

Agragsakka, O langit, gapu iti pannakadadaelna; agragsakkayo, dakayo a tattao ti Dios, dakayo nga apostoles ken dakayo a profeta! Ta inukom ti Dios gapu iti inaramidna kadakayo!

Paltiing 6:10

Impukkawda, “Kangatoan nga Apo, nasantoan ken napudno! Kasano pay kabayag ti panaguraymi? Kaano ti panangukom ken panangdusam kadagiti tattao a pimmatay kadakami?”

Paltiing 7:15

Dayta ti gapuna nga addada iti sangoanan ti trono ti Dios ket aldaw-rabii nga agserserbida kenkuana iti templona. Aywananto ida ti agtugtugaw iti trono.