San Lucas 18:16 - Ti Baro a Naimbag a Damag Biblia

¹⁶ Ngem inayaban ni Jesus dagiti ubbing, ket kinunana, “Palubosanyo dagiti ubbing nga umay kaniak. Diyo paritan ida, ta dagiti kas kadakuada ti agtagikua iti Pagarian ti Dios.

Ti Biblia (1973)

¹⁶ Ngem ni Jesus inayabanna ida ket kinunana: Bayanyo dagiti ububbing nga umay caniac, ket dicay pawilan ida: ta isuda ti akincucua iti pagarian ti Dios.

San Lucas 18:16 Iomraidhean Croise

Genesis 21:4

Idi walo nga aldawnan, kinugit ni Abraham, kas imbilin ti Dios kenkuana.

2 Cronicas 20:13

Adda amin a lallaki iti Juda, agraman dagiti assawa ken annakda; nakatakderda iti imatang ni Yahweh.

Jeremias 32:39

Ikkakto ida iti maymaysa a panggep iti biag: ti panagdayawda kaniak iti amin a tiempo para iti pagimbaganda ken iti pagimbagan dagiti kaputotanda.

San Mateo 19:14

“Palubosanyo dagiti ubbing nga umay kaniak,” kinuna ni Jesus. “Diyo paritan ida ta dagiti kas kadakuada ti agtagikua iti Pagarian ti Langit.”

San Lucas 18:15

Adda sumagmamano a tattao a nangyeg kadagiti ubbingda tapno ipatay ni Jesus ti imana kadakuada. Nakita dagiti adalan ket inungtanda ida iti kasta nga inaramidda.

San Lucas 18:17

Laglagipenyo a ti siasinoman a di umawat iti Pagarian ti Dios a kas iti panangawat ti maysa nga ubing, saanto a makastrek sadiay.”

Dagiti Aramid 2:39

Agpaay daytoy a kari kadakayo ken kadagiti annakyo, kasta met kadagiti amin nga adda iti adayo. Wen, maipaay iti tunggal maysa nga ayabanto ti Apo a Diostayo iti sidongna.”

1 Taga-Corinto 14:20

Saan koma nga inuubing ti panagpampanunotyo, kakabsatko. Agbalinkayo laeng nga ubbing nga awan ammona no maipapan iti kinadakes, ngem nataengan koma ti panagpampanunotyo.

1 Taga-Corinto 7:14

Ta naidaton iti Dios ti saan a mamati a lalaki gapu iti pannakitiponna iti asawana. Kasta met a naidaton iti Dios ti saan a mamati a babai gapu iti pannakitiponna iti asawana. No saan koma a kasta, mayarig dagiti annakda nga ubbing kadagiti saan a mamati, ngem iti kinapudnona, naidatonda iti Dios.

Deuteronomio 29:11

babbai ken ubbing ken dagiti ganggannaet a makipagnaed kadakayo a para-pukan iti kayo ken para-sakdoyo.

Deuteronomio 31:12

Ummongenyonto dagiti amin a lallaki, babbai ken ubbing ken dagiti ganggannaet nga agnaed kadagiti iliyo tapno mangngeg ti amin ket masursuroda ti agbuteng iti Apo a Diosyo ken tapno agtungpalda a sipapasnek kadagiti pannursurona.

1 Pedro 2:2

Kaskay la koma kayyanak a maladaga a kanayon a mawaw iti puro a gatas a naespirituan tapno iti yiinumyo, dumakkelkayo ket maisalakankayo.