San Lucas 18:14 - Ti Baro a Naimbag a Damag Biblia

¹⁴ Kinuna ni Jesus, “Ibagak kadakayo, nagawid ti agsingsingir iti buis a napalinteg iti sangoanan ti Dios. Ngem ti Fariseo, saan a napalinteg. Ta ti mangitantan-ok iti bagina, maipababanto. Ngem ti mangipababa iti bagina, maitan-okto.”

Ti Biblia (1973)

¹⁴ Cunac cadacayo a daytoy nagawid iti balayna a napacawan nga immun-una ngem daydi maysa; ta uray siasino nga agpasindayaw maipababanto; ket ti agpacumbaba, maitanocto.

San Lucas 18:14 Iomraidhean Croise

Ti Libro ni Job 22:29

Itan-ok ti Dios dagiti napakumbaba ket ipababana dagiti natangsit.

Ti Libro ni Job 25:4

Adda aya tao a nalinteg iti imatang ti Dios? Adda aya maibilang a nadalus iti sangoananna?

Ti Libro ni Job 9:20

Awan basolko ket napudnoak, ngem iti panagsaok, kasla nakabasolak, ket amin a sawek kasla ukomendak.

Dagiti Salmo 138:6

Nupay natan-ok unay ti Apo, padayawanna dagiti nanumo, ket saan a malemmengan dagiti natangsit a tattao.

Dagiti Salmo 143:2

Dinak kadi ukomen nga adipenmo; awan ti saan a nagbasol iti imatangmo.

Exodo 18:11

Ita, ammokon a nabilbileg ti Apo ngem dagiti amin a didiosen gapu iti panangispalna kadagiti Israelita iti kinaranggas dagiti Egipcio.”

Dagiti Proverbio 15:33

Ti panagbuteng iti Apo maysa a kita ti sursuro. Masapul a napakumbabaka sakbay a mabalinmo ti umawat iti pammadayaw.

Dagiti Proverbio 18:12

Saan a maraem ti maysa a tao no saan a napakumbaba; ti natangsit a tao agturong iti pannakadadael.

Dagiti Proverbio 25:7

Nasaysayaat a maibaga kenka nga akmem ti nangatngato a saad ngem ti maibaga kenka nga itedmo ti saadmo iti tao a nangatngato ngem sika.

Dagiti Proverbio 29:23

Ti kinatangsit ti tao isut' mangipababa kenkuana, ngem mararaem no napakumbaba.

Dagiti Proverbio 3:34

Dina pagan-ano dagiti natangsit ngem paraburanna dagiti napakumbaba.

Eclesiastes 9:7

Sige, manganka ket agragsakka. Uminumka iti arak ket aglinglingayka. Ipalubos daytoy ti Dios.

Isaias 45:25

Siak, ni Yahweh, ti mangisalakanto kadagiti amin a kaputotan ni Jacob, ket idaydayawdakto.

Isaias 53:11

Agrag-onto manen kalpasan ti panagtutuokna; maammoannanto nga adda serbi ti panagsagabana. Isu ti nalinteg nga adipenko, awitennanto ti dusa dagiti adu, ket gapu kenkuana pakawanekto ida.

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

Isaias 66:2

Siak a mismo ti nangparsua iti sangalubongan! Maay-ayoak kadagiti napakumbaba ken managbabawi, kadagiti agbuteng ken agtulnog kaniak.

Daniel 4:37

“Ita, siak a Nebucadnesar, idayaw ken itan-okko ti Ari ti langit. Umno ken nainkalintegan amin nga aramidna ket mabalinna nga ipababa ti siasinoman a napalangguad.”

Habakuk 2:4

Daytoy ti mensahe: ‘Saanto a makalasat dagiti managdakdakes, ngem agbiagto ti nalinteg babaen iti pammatina.’”

San Mateo 23:12

Ti siasinoman a mangitan-ok iti bagina, maipababanto. Ngem ti siasinoman nga agpakumbaba, maitan-okto.”

San Mateo 5:3

“Nagasat dagiti mangbigbig a napanglawda iti imatang ti Dios, ta kukuada ti Pagarian ti Langit.

San Lucas 1:52

Inikkatna dagiti mannakabalin nga ari iti tronoda, Ket intan-okna dagiti nanumo.

San Lucas 10:29

Ngem kayat ti maestro nga ikalintegan ti bagina, isut' gapuna a nagsaludsod manen ken ni Jesus, “Siasino ti kaarrubak?”

San Lucas 14:11

Ta maipababanto ti amin a mangitan-ok iti bagina, ket maitan-okto ti amin nga agpakumbaba.”

San Lucas 16:15

Kinuna ni Jesus kadakuada, “Agparangkayo a kasla nalinteg iti imatang dagiti tattao. Ngem ammo ti Dios ti naguneg iti pusoyo. Ta dagiti ibilang ti tao a kas napateg awan kaes-eskanna iti imatang ti Dios.

Taga-Roma 3:20

Ta awan ti tao a mapalinteg iti imatang ti Dios babaen iti panangtungpalna iti Linteg. Agserbi ti Linteg a mangipakaammo a nakabasol ti tao.

Taga-Roma 4:5

Ti tao nga agtalek iti pammatina a saan nga iti aramidna, ngem mamati iti Dios a mangibilang iti nakabasol nga awan basolna, bigbigen ti Dios ti pammati dayta a tao tapno maibilang a nalinteg.

Taga-Roma 5:1

Itan ta napalintegtayo babaen iti pammati, naikappiatayon iti Dios gapu ken ni Apotayo a Jesu-Cristo.

Taga-Roma 8:33

Siasinonto ti mangidarum kadagiti pinili ti Dios? Ti mismo a Dios, ibilangna ida nga awan basolda!

Taga-Galacia 2:16

Nupay kasta, ammomi a mapalinteg ti tao iti sangoanan ti Dios babaen iti panamatina ken ni Jesu-Cristo, a saan ketdi a babaen iti panangtungpalna iti ipaannurot ti Linteg. Namatikami met ken ni Cristo Jesus tapno agbalinkami a nalinteg iti sangoanan ti Dios babaen iti pammatimi ken Cristo, saan a babaen iti panagtungpal iti ipaannurot ti Linteg. Ta awan ti tao a mapalinteg iti sangoanan ti Dios babaen iti panangtungpalna iti ipaannurot ti Linteg.

Santiago 4:10

Agpakumbabakayo iti sangoanan ti Dios, ket itan-oknakayto.

Santiago 4:6

Ngem nabilbileg pay ti iparabur ti Dios. Kas nailanad iti Nasantoan a Surat: “Busoren ti Dios dagiti napasindayag ngem itedna ti ad-adu a parabur kadagiti napakumbaba.”

1 Samuel 1:18

“Sapay koma ta kankanayon a nasayaat ti panangipapanmo kaniak,” kinuna ni Ana. Kalpasanna, pimmanaw, nangan ket saanen a naliday.