San Lucas 18:13 - Ti Baro a Naimbag a Damag Biblia

¹³ “Ngem nagtakder iti adayo ti agsingsingir iti buis ket dina pay itangad dagiti matana sadi langit. Dinandanogna ketdi ti barukongna ket kinunkunana, ‘O Dios, kaasiannak kadi a managbasol!’”

Ti Biblia (1973)

¹³ Ngem di agsingsingir ti buis idinto nga adda iti adayu, dina maitangad man la coma dagiti matana sadi langit, no di ket dandanugenna ti barucongna, a cuncunana: Dios, mangngaasica caniac, a managbasol.

San Lucas 18:13 Iomraidhean Croise

2 Samuel 12:13

Kinuna ni David, “Nagbasolak iti Apo.” Simmungbat ni Natan, “Pakawanennaka ti Apo iti basolmo; saanka a matay.

2 Cronicas 33:19

Nailanad iti Pakasaritaan dagiti Profeta ti kararag ti ari ken ti sungbat ti Dios iti dayta a kararag, ti pakasaritaan dagiti basolna, ti kinadakes nga inaramidna, dagiti inaramidna a pagdaydayawan ken dagiti simbolo ni Asera a diosa ken dagiti imahen a nagdaydayawanna.

2 Cronicas 33:23

Ngem saan a kas iti daydi amana a nagpakumbaba iti imatang ni Yahweh, ket nakarkaro pay ti panagbasolna.

ESDRAS 9:6

“O Dios, mabainak unay a mangitangad iti rupak kenka. Nangatngaton ngem ti ulomi dagiti agrurutap a basolmi, ket tumuknoda sadi langit.

Ti Libro ni Job 42:6

Isut' gapuna a mabainak iti amin a naisawangko; agbabawiak ket warsiak ti bagik iti tapok ken dapu.

Dagiti Salmo 106:6

Nagbasolkami a kas kadagidi kapuonanmi; naglabsingkami ket dakes dagiti inaramidmi.

Dagiti Salmo 119:41

Ipakitam, O Apo, no kasano ti panagayatmo kaniak; kas mayannurot iti inkarim, isalakannak.

Dagiti Salmo 130:7

O Israel, agtalekka iti Apo, ta saan nga agbalbaliw ti ayatna, ket kanayon a siaayat a mangisalakan.

Dagiti Salmo 25:11

Tungpalem ti karim, O Apo, pakawanem dagiti basolko ta aduda.

Dagiti Salmo 25:7

Pakawanem ti basol ken labsingko idi agtutuboak; gapu iti di agbalbaliw nga ayat ken kinaimbagmo, O Apo, lagipennak!

Dagiti Salmo 40:12

Dagiti kinadakes a nanglikmut kaniak aduda; Dagiti basbasolko inaddagandak, ket saanakon a makakita. Ad-aduda ngem dagiti buok iti ulok, ket awanen ti natda a turedko.

Dagiti Salmo 41:4

“O Apo, nagbasolak kenka,” kinunak, “kaasiannak koma ket paimbagennak.”

Exodo 33:10

Apaman a makita dagiti tattao ti ulep iti ruangan ti Tolda, agrukbabda.

Isaias 1:18

Kuna ni Yahweh, “Ita, umaykayo ta aglilinnawagtayo. Nalabaga ti mansayo gapu iti basol, ngem dalusankayo agingga nga agbalinkayo a napudaw a kas iti kapas. Uray no nakalablabbaga ti mansayo, pumudawkayto a kas iti puraw a de lana.

Isaias 6:5

Kinunak, “Asiak pay! Awanen ti namnamak! Dakes amin nga agaon iti ngiwatko ket agnaedak iti sidong dagiti tattao a narugit ken dakes ti tunggal ibalikasda. Nupay kasta, nakitak kadagiti mismo a matak ti Ari, ti Apo a Mannakabalin-amin!”

Isaias 66:2

Siak a mismo ti nangparsua iti sangalubongan! Maay-ayoak kadagiti napakumbaba ken managbabawi, kadagiti agbuteng ken agtulnog kaniak.

Ezekiel 16:63

Pakawanekto ti amin a dakes nga aramidmo, ngem malagipmonto ida, ket dikanto makapagtimek gapu iti napalalo a bainmo.” Daytoy ti kuna ti Apo a Dios.

Daniel 9:5

Nagbasolkami. Dakeskami, ket saan a naimbag ti inaramidmi. Sinukirmi dagiti imbilinmo nga aramidenmi. Tinallikudanmi ti naimbag nga impakitam kadakami.

San Mateo 10:3

da Felipe ken Bartolome; ni Tomas ken ni Mateo, ti agsingsingir iti buis; ni Santiago nga anak ni Alfeo, ken ni Tadeo;

San Mateo 6:5

“No agkararagkayo, diyo tuladen dagiti aginsisingpet! Igagarada ti agkararag a sitatakder kadagiti sinagoga ken kadagiti lanlansangan tapno makita ida dagiti tattao. Laglagipenyo nga inawatdan ti gunggonada.

San Mateo 9:13

Inkay adalen ti kaipapanan daytoy a paset ti Nasantoan a Surat, ‘Asi ti kalikagumak, saan a daton a mapuoran.’ Immayak tapno ayabak dagiti managbasol, saan a dagiti agkunkuna a naimbag.”

San Marcos 11:25

Tunggal tumakderkayo nga agkararag, pakawanenyo ti siasinoman a nakabasol kadakayo tapno pakawanento met ni Amayo sadi langit dagiti basbasolyo.”

San Lucas 17:12

Idi sumungsungad iti maysa a barrio, sinabat ti sangapulo a lallaki nga agkukutel. Nagtakderda iti adayo bassit

San Lucas 22:41

Immadayo kadakuada iti sumagmamano a metro, sa nagparintumeng ket nagkararag.

San Lucas 23:48

Nakita dagiti tattao a napan nagbuya ti napasamak ket nagawidda amin a mangdandanog iti barukongda a mangipakita iti panagladingitda.

San Lucas 5:8

Idi makita ni Simon Pedro ti napasamak, nagparintumeng iti sangoanan ni Jesus ket kinunana, “Apo, adaywannak! Maysaak a managbasol.”

Dagiti Aramid 2:37

Kasta unay ti pannakariribuk dagiti tattao idi mangngegda daytoy. Kinunada ken ni Pedro ken kadagiti apostoles, “Ania ngarud ti aramidenmi, kakabsat?”

Taga-Roma 5:8

Ngem impakita ti Dios ti ayatna kadatayo: Idi managbasoltayo pay laeng, natay ni Cristo gapu kadatayo!

2 Taga-Corinto 7:11

Kitaenyo ti namay-an ti Dios iti ladingityo! Pinaregtanakayo unay, pinaggagarnakayo unay a mangipaneknek nga awan ti basolyo! Anian a rurod, anian a buteng, anian nga iliw, anian nga anep, anian a panangdusa iti nakabasol! Dakayo a mismo ti nangipakita nga awan pakapilawanyo iti daytoy a pasamak.

1 Timoteo 1:15

Pudno daytoy a pagsasao a rumbeng nga awaten ken patien: Immay ni Cristo Jesus ditoy lubong tapno isalakanna dagiti managbasol. Siak ti kadadaksan kadakuada.

Hebreo 4:16

Ditayo koma ngarud bumdeng nga umasideg iti trono ti Dios a pagtaudan ti parabur. Sadiay, magun-odtayto ti panangngaasi ti Dios ket masarakantayo ti parabur a tumulongto kadatayo iti tiempo a kasapulantayo.

Hebreo 8:12

Pakawanekto dagiti basbasolda, Saankon a lagipen dagiti dakes nga inaramidda.”