San Lucas 18:11 - Ti Baro a Naimbag a Damag Biblia

¹¹ “Nagtakder ti Fariseo iti napakni a lugar ket inkararagna a siuulimek: ‘Agyamanak kenka, O Dios, ta saanak a kas kadagiti dadduma a naagum, naulbod wenno makikamkamalala. Agyamanak met ta saanak a kas iti daytoy nga agsingsingir iti buis.

Ti Biblia (1973)

¹¹ Ket ti Fariseo, nagtacder, ket nagcararag iti pakinakemna a castoy; Dios, agyamanac kenca, ta saanac a cas cadagiti sabali a tao, a mannanacawda, nakil-loda, mannakicamalalada, ket saanac a cas itoy agsingsingir ti buis.

San Lucas 18:11 Iomraidhean Croise

Dagiti Salmo 134:1

Umaykay agdaydayaw iti Apo, dakay amin nga adipenna. Wen, dakayo a rinabii nga agserserbi iti Templona.

Dagiti Salmo 135:2

dakayo nga agserserbi iti balayna, iti Templo ti Diostayo!

Dagiti Proverbio 20:6

Adu ti mangipagarup iti bagida a napudno ken mapagtalkanda, ngem sadino ti pakasarakan iti kasta a tao?

Dagiti Proverbio 30:12

Adda dagiti tattao a mangipagarup a nadalus ti biagda idinto nga iti kinapudnona, kasta unay ti kinarugitda.

Isaias 1:15

“No agkararagkayo nga umawag kaniak, dikayto talliawen. Uray kararagkayo a kararag, dikayto denggen ta namansaan iti basol dagiti imayo.

Isaias 58:2

Inaldaw nga agdaydayawda kaniak. Kunada nga aggagarda a makaammo kadagiti dalanko ken mangtungpal kadagiti lintegko. Kunada nga ikkak ida kadagiti linteg nga awan idumdumana ken pagaayatda ti agdaydayaw kaniak.”

Isaias 65:5

Kalpasanna, ibagada kadagiti tattao nga umadayoda ket dida sagiden ida ta nasantoanda unay. Diak maanusan dagiti kastoy a tattao. Kasla apuy a saan a maiddep ti pungtotko kadakuada.

Jeremias 2:28

“Ngem sadino ti ayan dagiti didiosen nga inaramidyo a pagdaydayawanyo? No adda rigatyo, bay-anyo nga isuda ti mangisalakan kadakayo—no kabaelanda! Juda, adu ti didiosem a kas iti kaadu dagiti ilim.

Jeremias 2:35

kunam pay laeng, ‘Awan basolko; awan duadua a nagbaawen ti pungtot ti Apo kaniak.’ Ngem siak, ni Yahweh, dusaenkanto gapu ta ilibakmo a nagbasolka.

Ezekiel 33:31

Isut' gapuna nga agdudupudop dagiti tattaok nga umay dumngeg kenka, ngem dida tungpalen ti ibagam nga aramidenda. Napno iti ayat dagiti balbalikasda ngem dagiti inaagum nga aramidda.

Mikias 3:11

Agawat dagiti agtuturay iti siudad iti pasuksok. Agpatangdan dagiti papadi no ilawlawagda ti linteg. Agdawat dagiti profeta iti kuarta no agipadtoda. Ibagada nga adda kadakuada ti Apo. Kunada, “Di met aya adda kadatayo ti Apo? Awan ti dumteng a didigra kadatayo.”

San Mateo 10:3

da Felipe ken Bartolome; ni Tomas ken ni Mateo, ti agsingsingir iti buis; ni Santiago nga anak ni Alfeo, ken ni Tadeo;

San Mateo 5:20

Ngarud, ibagak kadakayo: makastrekkayto iti Pagarian ti Langit no napaspasnek ti panagtulnogyo iti pagayatan ti Dios ngem ti panagtungpal dagiti Fariseo ken dagiti mamaestro iti Linteg.”

San Mateo 6:5

“No agkararagkayo, diyo tuladen dagiti aginsisingpet! Igagarada ti agkararag a sitatakder kadagiti sinagoga ken kadagiti lanlansangan tapno makita ida dagiti tattao. Laglagipenyo nga inawatdan ti gunggonada.

San Marcos 11:25

Tunggal tumakderkayo nga agkararag, pakawanenyo ti siasinoman a nakabasol kadakayo tapno pakawanento met ni Amayo sadi langit dagiti basbasolyo.”

San Lucas 20:47

Gundawayanda dagiti balo a babbai ket takawenda dagiti sanikuada sada ipakita ti atiddog a panagkararagda. Nadagdagsento ti dusada.”

San Lucas 22:41

Immadayo kadakuada iti sumagmamano a metro, sa nagparintumeng ket nagkararag.

Taga-Galacia 3:10

Nailunod dagiti mangipagarup nga awatento ida ti Dios gapu iti panagtungpalda iti Linteg. Ta kuna ti Nasantoan a Surat, “Mailunod ti siasinoman a saan nga agtungpal iti amin a naisurat iti libro ti Linteg!”

Taga-Filipos 3:6

Napasnekak unay idi nga agaramid kadagiti impagarupko a pagayatan ti Dios, ket urayko la indadanes dagiti tattao ti iglesia. No maipapan iti panagtungpal iti Linteg, awan idi ti pakababalawak.

Paltiing 3:17

“Kunam a nabaknang ken narang-ayka ket adda amin a masapulmo. Ngem dimo ammo a daksanggasat ken kakaasika. Napanglawka. Lamolamoka. Bulsekka.