San Lucas 18:1 - Ti Baro a Naimbag a Damag Biblia

¹ Sinarita ni Jesus kadakuada daytoy a pangngarig tapno isurona ida a masapul nga agkararagda a kanayon ken dida pukawen ti namnamada.

Ti Biblia (1973)

¹ Ket insaona cadacuada ti maysa a pangngarig ti pannacasapul nga agnanayon ti panagcararag ken ti saan a panangpucaw ti inanama:

San Lucas 18:1 Iomraidhean Croise

Dagiti Salmo 102:17

Denggennanto dagiti nabaybay-an a tattaona, ket ipangagnanto dagiti kararagda.

Dagiti Salmo 27:13

Mamatiak a bayat ti panagbiagko makitakto ti kinaimbag ti Apo kadagiti tattaona.

Dagiti Salmo 65:2

Ipangagmo dagiti kararag ket dumatagto kenka dagiti amin a tattao

Dagiti Salmo 86:3

O Apo, kaasiannak koma; agmalmalem nga agkararagak kenka.

Isaias 40:31

Ngem dagiti agpannuray iti Apo mapabaronto ti pigsada. Agtayabdanto a kasla iti agila; saandanto a mabannog no agtarayda, saandanto a kumapsut no magnada.

Isaias 62:7

Masapul a dida pagtalnaen agingga a bangonenna ti Jerusalem ket pagbalinenna a siudad a daydayawen ti entero a lubong!

Jeremias 29:12

Umawagkayto kaniak. Agkararagkayto ket sungbatankayto.

Jonas 2:7

“Idi mariknak a matayakon, nagkararagak kenka, O Apo, ket manipud iti nasantoan a Templom nangngegmo ti asugko.

San Lucas 11:10

Ta ti amin nga agdawat, maikkan. Ti agsapul, makabirok. Ti agtugtog, mailukatto kenkuana ti ruangan.

San Lucas 21:36

Agsalukagkayo ket agkararagkayo a kankanayon tapno addanto naan-anay a kiredyo nga agibtur kadagiti amin a mapasamak, ken agtakder iti sangoanan ti Anak ti Tao.”

Taga-Roma 12:12

Agbiagkayo a siraragsak gapu iti namnamayo. Ibturanyo dagiti rigatyo, ket kanayon nga agkararagkayo.

2 Taga-Corinto 4:1

Iti kaasi ti Dios, naited kadakami daytoy a panagserbi, ket saankam a maupay.

Taga-Galacia 6:9

Isut' gapuna a ditayo koma mauma nga agaramid iti naimbag; ta dumtengto ti tiempo nga agapittayo no ditay maupay.

Taga-Efeso 6:18

Agkararagkayo bayat ti panangaramidyo kadagitoy ket iti panagkararagyo, dawatenyo a tulongannakayo ti Dios. Aniaman nga aramidenyo, agkararagkayo kas idalan ti Espiritu. Gapu iti daytoy, agsalukagkayo ket dikayo maupay. Kanayon nga idawdawatanyo dagiti amin a tattao ti Dios.

Taga-Filipos 4:6

Awan koma ti pakadanaganyo, ngem tunggal agkararagkayo iti Dios ket agdawatkayo, diyo liplipatan ti agyaman kenkuana.

Taga-Colosas 4:12

Pakomustaannakayo ni Epafras a kameng met iti grupoyo. Adipen ni Cristo Jesus ket kanayon a sipapasnek a mangikarkararag kadakayo. Idawdawatna iti Dios nga agtalinaedkayo a natibker ken awan pagkuranganna nga agtungpal iti pagayatan ti Dios.

Taga-Colosas 4:2

Diyo sardayan ti agkararag a sisasalukag ket agyamankayo iti Dios.

1 Taga-Tesalonica 5:17

Diyo koma liwayan ti agkararag.

1 Samuel 1:12

Intuloy ni Ana ti nabayag a panagkararagna ken ni Yahweh ket kitkitaen ni Eli ti panagkuti dagiti bibigna.