San Lucas 16:9 - Ti Baro a Naimbag a Damag Biblia

⁹ Kinuna pay ni Jesus, “Ibagak ngarud kadakayo, pakigayyemyo dagiti naindagaan a sanikuayo tapno inton maibusankayo, maawatkayto iti agnanayon a pagtaengan.

Ti Biblia (1973)

⁹ Ket siac cunac cadacayo: Pakigayyemyo dagiti kinabacnang a saan a pudno, tapno inton maibusen awatendacayto cadagiti abong-abong nga agnanayon.

San Lucas 16:9 Iomraidhean Croise

Dagiti Salmo 73:26

No agkapuy toy puso ken riknak, ti Dios ti mangpakired kaniak. Isu laeng ti agnanayon a masapulko.

Dagiti Proverbio 14:24

Kinabaknang ti gunggona dagiti masirib, ngem agdindinamag ti maag gapu iti kinamaagna.

Dagiti Proverbio 19:17

No ikkam ti napanglaw, kasla ni Yahweh ti nangtedam ket subadannakanto ti Apo.

Dagiti Proverbio 23:5

Mabalin a mapukaw ti kuartam iti apagdarikmat a kasla ketdin naaddaan iti payak ket tumayab a kasla agila.

Eclesiastes 11:1

Agnegosioka iti ganggannaet a pagilian ket agganansiakanto iti maysa kadagitoy nga aldaw.

Isaias 57:16

Siak ti nangted iti biag dagiti tattaok. Saan nga agtultuloy nga usigek ida ket saan met nga agpaut iti agnanayon ti pungtotko kadakuada.

Daniel 4:27

Ipangagmo ngarud, Natan-ok nga Ari, daytoy balakadko: Isardengmon ti panagbasolmo, agaramidka iti naimbag, ket kaasiam dagiti napanglaw tapno manayonto ti kinarang-aymo.”

San Mateo 19:21

Kinuna ni Jesus kenkuana, “No kayatmo nga awan ti pagkurangam, inka ilako ti amin a sanikuam. Itedmo kadagiti napanglaw ti paglakoam, ket addanto kinabaknangmo idiay langit. Kalpasanna, umayka sumurot kaniak.”

San Mateo 6:19

“Dikay agurnong iti kinabaknang nga agpaay kadakayo ditoy daga, ta ditoy dadaelen ti sanga ken lati, ket serken ken takawen dagiti mannanakaw.

San Mateo 6:24

“Awan ti makapagserbi iti dua nga appo: ta guraenna ti maysa ket ayatenna ti sabali, wenno agserbi a sipupudno iti maysa ket umsienna ti sabali. Diyo mapaggiddan a pagserbian ti Dios ken ti sanikua.”

San Lucas 11:41

Itedyo ketdi kadagiti napanglaw ti nagyan kadagiti tasa ken pingganyo, ket nadalusto aminen a banag kadakayo iti imatang ti linteg.

San Lucas 12:33

Ilakoyo ti amin a kukuayo ket ilimosyo ti paglakoanyo kadagiti napanglaw. Isaganaanyo dagiti bagbagiyo kadagiti supot a di marunot ken kadagiti di mapukaw a kinabaknang sadi langit. Ta sadiay saan a matakaw ken saan a mabuot.

San Lucas 14:14

Nagasatkanto, ta didaka masupapakan. Ngem gunggonaannakanto ti Dios inton agungar dagiti nalinteg a tattao.”

San Lucas 16:11

Ngarud, no saankayo a matalek nga agaywan kadagiti naindagaan a gameng, kasano a mapagtalkankayo kadagiti napaypayso a gameng?

San Lucas 16:13

“Awan ti adipen a makapagserbi iti dua nga among. Ta guraennanto ti maysa ket ayatennanto ti sabali, wenno agserbinto a sipapasnek iti maysa ket umsiennanto ti sabali. Diyo mapaggiddan a pagserbian ti Dios ken ti sanikua.”

San Lucas 16:4

A, ammokon ti aramidek tapno inton maikkatak iti saadko, addanto gagayyemko a mangpasangbay kaniak kadagiti balbalayda.’

Dagiti Aramid 10:31

Kinunana, ‘Cornelio, impangag ti Dios ti kararagmo ken nakitana dagiti ar-aramidem a pangtultulong kadagiti napanglaw.

Dagiti Aramid 10:4

Sibubuteng a minatmatan ni Cornelio ti anghel ket kinunana, “Ania kadi, Apo?” Kinuna ti anghel, “Impangag ti Dios dagiti kararagmo ken nakitana ti panangtultulongmo kadagiti napanglaw.

2 Taga-Corinto 4:17

Ket daytoy nalag-an ken apagbiit a sagsagabaenmi, itedna kadakami ti dakkel ken agnanayon a dayag nga awan pakaipadaanna.

San Judas 1:21

Agtalinaedkayo iti ayat ti Dios. Agpannuraykay iti kaasi ni Apotayo a Jesu-Cristo a mangted kadakayo iti biag nga agnanayon.