San Lucas 16:8 - Ti Baro a Naimbag a Damag Biblia

⁸ “Nagbanaganna, dinaydayaw ti among ti ulbod a pagay-aywanenna gapu iti kinasikap nga inaramidna. Nasiksikap ngamin dagiti tattao ditoy lubong iti maipapan kadagiti ar-aramidda ngem dagiti tattao iti lawag.”

Ti Biblia (1973)

⁸ Ket dinayaw di apo daydi mayordomo a di mapagtalcan, agsipud ta nagaramid a nainsiriban, ta dagiti annac daytoy a lubong, nasirsiribda cadagiti caputotanda ngem cadagiti annac ti silaw.

San Lucas 16:8 Iomraidhean Croise

Genesis 3:1

Ti uleg ti kasikapan nga animal nga inaramid ni Yahweh a Dios. Sinaludsod ti uleg iti babai, “Agpayso kadi nga imbaga ti Dios a dikay mangan iti bunga ti uray ania a kayo iti minuyongan?”

2 Samuel 13:3

Ngem adda gayyem ni Amnon nga agnagan iti Jonadab nga anak ni Samma a kabsat ni David. Nasikap unay ni Jonadab.

2 Ar-ari 10:19

Ayabanyo dagiti amin a profeta ni Baal, amin nga agdaydayaw kenkuana ken amin a papadina. Masapul nga umayda amin. Mangipaayak iti nangayed a panagidaton ken ni Baal ket mapapatay ti siasinoman a saan a tumabuno.” (Inaramid ni Jehu daytoy a pangsikapna kadakuada tapno mapapatay dagiti amin nga agdaydayaw ken ni Baal.)

Dagiti Salmo 17:14

Isalakannak kadagiti addaan iti amin a kasapulan ditoy a biag. Ipataymo kadakuada dagiti panagsagaba nga insaganam kadakuada, ket adda pay koma agpaay nga ibaklay dagiti appokoda.

Exodo 1:10

Masapul nga agaramidtayo iti pamuspusan tapno malapdan ti panagaduda. Ta no adda gubat, amangan no kumapponda kadagiti kabusor a manggubat kadatayo, ket aglibasda a pumanaw iti dagatayo.”

Dagiti Proverbio 12:8

No nasariritka, idaydayawdaka dagiti tattao; no nengnengka, uyawendaka.

San Mateo 12:32

Mapakawan ti agsao iti maikontra iti Anak ti Tao, ngem saan a mapakawan ti agsao iti maibusor iti Espiritu Santo—iti daytoy a biag wenno iti masakbayan.”

San Mateo 17:26

“Dagiti ganggannaet,” insungbat ni Pedro. “No kasta ngarud,” kinuna ni Jesus, “saan a masapul nga agbayad dagiti umili.

San Lucas 16:10

Ti tao a mapagtalkan kadagiti babassit a banag, mapagtalkanto met kadagiti dadakkel. Ngem ti saan a matalek kadagiti babassit a banag, saan met a mapagtalkan kadagiti dadakkel.

San Lucas 16:4

A, ammokon ti aramidek tapno inton maikkatak iti saadko, addanto gagayyemko a mangpasangbay kaniak kadagiti balbalayda.’

San Lucas 16:7

Iti sabali kinunana, ‘Ket sika, mano met ti utangmo?’ ‘Sangaribu a salup a trigo,’ insungbatna. ‘Adtoy ti resibom,’ kinuna ti agay-aywan. ‘Isuratmo ti walogasut.’

San Lucas 18:6

Intuloy ti Apo: “Nangngegyo ti kinuna ti dakes a hues?

San Lucas 20:34

Insungbat ni Jesus, “Agaassawa dagiti lallaki ken babbai iti daytoy a biag.

San Lucas 20:35

Ngem saan nga agaassawa dagiti maikari nga agungar iti masakbayan.

San Juan 12:36

Ngarud, mamatikay iti silaw bayat ti kaaddana kadakayo tapno agbalinkayo a tattao ti lawag.” Idi naisaon ni Jesus daytoy, pimmanaw ket inlemmenganna ida.

1 Taga-Corinto 3:18

Awan koma ti mangallilaw iti bagina. No adda kadakayo ti mangipagarup iti bagina a masirib, babaen iti alagaden ti lubong, agbalin koma a maag tapno agbalin a napaypayso a masirib.

Taga-Efeso 5:8

Addakay idi iti sipnget, ngem gapu ta nagbalinkayon a tattao ti Apo, addakayon iti lawag. Isut' gapuna a masapul nga agbiagkayo a kas tattao a naruam nga agtaeng iti lawag.

Taga-Filipos 3:19

Agtungpaldanto idiay infierno. Ibilangda ngamin a diosda dagiti paggarteman ti bagida. Pagpalangguadda dagiti rebbengda koma ketdi nga ibain, ket dagiti laeng nailubongan a bambanag ti pampanunotenda.

1 Taga-Tesalonica 5:5

Annaknakayo amin ti lawag; wen, annaknakayo ti aldaw. Saantayo a tattao ti rabii wenno ti sipnget.

1 Pedro 2:9

Ngem dakayo ti napili a puli. Papadikayo nga agserbi iti Dios nga Ari. Nasionkayo a nasantoan. Tattaonakayo ti Dios. Inruarnakayo iti kasipngetan ket impannakayo iti nakaskasdaaw a lawagna. Pinilinakayo a nangipakaammo kadagiti nakaskasdaaw nga aramidna.

1 Juan 3:10

Ti nalawag a pakaigiddiatan dagiti annak ti Dios kadagiti annak ti Diablo isu daytoy: Saan nga anak ti Dios ti siasinoman a di agaramid iti naimbag wenno di agayat iti kabsatna.