San Lucas 16:26 - Ti Baro a Naimbag a Damag Biblia

²⁶ Saan la a dayta! Adda dakkel a yuyeng iti nagbaetantayo tapno saan a makaballasiw dagiti mayat nga umay dita manipud ditoy wenno dagiti aggapu dita nga umay ditoy.’

Ti Biblia (1973)

²⁶ Ket mainayon pay cadagitoy adda nagbabaetantayo a maysa a dackel a yuyeng, iti casta dagiti agtarigagay ditoy nga umal-latiw cadacayo, saanda a mabalin, casta met manipud dita dicay macaal-latiw ditoy,

San Lucas 16:26 Iomraidhean Croise

Dagiti Salmo 49:14

naitudingda a matay a kas karnero, ket ni Patay ti pastordanto. Parmekento ida dagiti nalinteg bayat ti panagrupsa ti bagida iti lubong dagiti natay, adayoda kadagiti pagtaenganda!

Dagiti Salmo 50:22

“Utobenyo daytoy, dakay a di mangikankano kaniak, ta no saan, dadaelenkayo, ket awan ti makaisalakan kadakayo.

Ezekiel 28:24

Kinuna ti Apo, “Awanton kadagiti kabangibang a nasion a nangum-umsi iti Israel ti agbalin manen a kas puris ken siit a mangsugat kenkuana. Maammoandanton a siak ti Apo a Dios.”

Malakias 3:18

Makitanto manen dagiti tattaok ti paggiddiatan ti mapasamak iti tao a nalinteg ken ti managdakdakes, ti agserbi kaniak ken ti saan.”

San Mateo 25:46

Ngarud, dagitoyto ti mapan iti agnanayon a pannakadusa. Ngem mapanto dagiti nalinteg iti agnanayon a biag.”

San Lucas 12:59

Ibagak kenka a dikanto makaruar sadiay agingga a mabayadam ti amin a multam.”

San Lucas 16:25

“Ngem kinuna ni Abraham, ‘Anakko, laglagipem a kabayatan ti panagbiagmo, naited kenka ti amin nga agkakaimbag a banag idinto a naglak-am ni Lazaro iti rigat. Itan, adda ditoy a maliwliwa ket addaka dita a matutuok.

San Lucas 16:27

“‘Dawatek ngarud kenka, ama Abraham,’ kinuna ti baknang, ‘nga ibaonmo ni Lazaro iti balay ni amak

San Juan 3:36

Ti siasinoman a mamati iti Anak maaddaan iti biag nga agnanayon. Siasinoman a di agtulnog iti Anak, dinanto maragpat ti biag, no di ket agtalinaed kenkuana ti pannusa ti Dios.

Paltiing 20:10

Kalpasanna, naitappuak iti dan-aw ti apuy ken asufre ti Diablo a nangallilaw kadakuada. Daytoy met la a dan-aw ti nakaitappuakan ti narungsot nga animal ken ti sinan-profeta. Matutuokdanto sadiay iti aldaw ken rabii, iti agnanayon nga awan inggana.

Paltiing 22:11

Agtultuloy a dumakes ti managdakdakes. Agtultuloy nga agbiag a narugit ti narugit ti panagbiagna, ngem agtultuloy nga agaramid iti nalinteg ti nalinteg, ket ti nasantoan, agtultuloy ti panagbiagna a nasantoan.”

1 Samuel 25:36

Idi agawid ni Abigail iti balayda, nadanonna nga adda parambak nga inangay ni Nabal. Kasla parambak ti ari ti inangayna. Nabartek ni Nabal ket kasta unay ti ragsakna, isu a pulos nga awan imbagbaga ni Abigail kenkuana agingga iti bigat.