San Lucas 16:24 - Ti Baro a Naimbag a Damag Biblia

²⁴ Iti kasta, impukkawna, ‘Ama Abraham! Kaasiannak kadi ta ibaonmo ni Lazaro a mangbabasa iti ramayna ket palamiisanna toy dilak, ta kasta unay ti pannakatutuokko iti daytoy nga apuy!’

Ti Biblia (1973)

²⁴ Ket isu nagickis, ket kinunana: Ama Abraham, caasianac, ket ibaonmo ni Lazaro, ta babasaenna coma ti ngudo ti ramayna iti danum, ket palamiisanna toy dilac; ta addaac a matuocan iti daytoy a darang.

San Lucas 16:24 Iomraidhean Croise

Ti Libro ni Job 20:21

No mangan awan a pulos ti ibatina, ngem ita, aggibusen ti kinarang-ayna.

Isaias 27:11

Nalaylay ken natuktukkol dagiti sanga dagiti kayo ket alaen dagiti babbai a pagsungrodda. Gapu ta awan ti naawatan dagiti tattao, saanto a kaasian ida ti Dios a namarsua kadakuada ket dinanto paraburan ida.

Isaias 66:24

“Bayat ti ipapanawda, makitadanto dagiti bangkay dagiti nagsukir kaniak. Pulos a dinto matay dagiti igges nga agkaan kadagiti bangkayda, ket dinto met maiddep ti apuy a manguram kadakuada. Karimonto ida dagiti amin a tattao a makakita kadakuada.”

Zacarias 14:12

Idissuorto ni Yahweh ti nakabutbuteng a sakit kadagiti pagilian a manggubat iti Jerusalem. Marunotto ti lasagda idinto a sibibiagda pay. Malungsotto dagiti mata ken dagiti dilada.

San Mateo 25:41

“Kunananto kadagiti adda iti makannigidna: ‘Umadayokayo kaniak, dakayo nga inlunod ti Dios! Inkayo iti agnanayon nga apuy a naisagana iti Diablo ken kadagiti anghelesna.

San Mateo 3:9

Diyo ipagarup a makalisikayo iti panagkunayo, ‘Uray ta amami ni Abraham.’ Ibagak kadakayo a kabaelan ti Dios a pagbalinen dagitoy a bato nga annak ni Abraham.

San Mateo 5:22

Ngem ita, ibagak kadakayo a siasinoman a makapungtot iti kabsatna, maisaklangto iti ukom. Siasinoman nga agkuna iti kabsatna: ‘Awan serserbim,’ maisaklang iti Sanhedrin; ket ti agkuna iti kabsatna, ‘Maagka,’ sungbatannanto idiay infierno.

San Lucas 16:30

“‘Saan nga umanay dayta, ama Abraham,’ insungbat ti baknang. ‘Ngem no agungar ti maysa kadagiti natay ket mapan kadakuada, agbabawidanto kadagiti basbasolda.’

San Lucas 19:9

Kinuna ni Jesus kenkuana, “Ita nga aldaw, dimteng ti pannakaisalakan iti daytoy a balay, ta anak met ni Abraham daytoy a tao.

San Lucas 3:8

Ipakitayo babaen iti aramidyo a nagbabawikayon kadagiti basbasolyo. Ket diyo kunkuna iti bagiyo: ‘Uray ta nagtaudkam iti kaputotan ni Abraham!’ Ibagak kadakayo a kabaelan ti Dios a pagbalinen dagitoy a bato nga annak ni Abraham!

San Juan 4:10

“No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

San Juan 7:37

Iti maudi ken kangrunaan nga aldaw ti fiesta, nagtakder ni Jesus ket kinunana iti napigsa a timek, “Ti siasinoman a mawaw, umay kaniak tapno uminum.

Taga-Roma 4:12

Isu met ti ama dagiti nakugit, saan laeng a gapu ta nakugitda, no di ket gapu ta agbibiagda iti pammati a kas iti panagbiag ni amatayo nga Abraham sakbay a nakugit.

2 Taga-Tesalonica 1:8

Babaen iti gumilgil-ayab nga apuy, dusaennanto dagiti di mangbigbig iti Dios ken dagiti di agtulnog iti Naimbag a Damag maipapan ken ni Apotayo a Jesus.

Santiago 2:13

Ta dinto mangngaasi ti Dios inton ukomenna ti tao a di nangngaasi; ngem inton oras ti panangukom, agballiginto ti kaasi.

Santiago 3:6

Mayarig ti dila iti apuy. Kasla lubong a napnoan iti biddut. Adda naituding a lugarna iti bagitayo, ket isaknapna ti kinadakes iti entero a kinataotayo. Bayat ti panagbiagtayo, puorannatay iti apuy a kasla aggapu iti infierno met laeng.

Paltiing 19:20

Natiliw ti animal ken ti sinan-profeta a nagiparang idi kadagiti nakaskasdaaw a pagilasinan iti sangoanan ti animal. (Dagitoy a milagro ti pinangallilawna kadagiti tattao nga addaan marka iti animal ken nagdaydayaw iti ladawanna.) Sibibiag a naitappuak ti animal ken ti sinan-profeta iti dan-aw ti gumilgil-ayab nga asufre.

Paltiing 20:15

Ditoy a dan-aw ti apuy ti nakaitappuakan dagiti awan naganna iti libro ti biag.

Paltiing 22:1

Impakita pay ti anghel ti karayan ti danum ti biag. Nalitnaw a kas kristal ti danumna nga agubbog manipud iti trono ti Dios ken ti Kordero.

1 Samuel 28:16

Kinuna ni Samuel, “Apay nga awagannak no binaybay-annakan ti Apo ket nagbalinen a kabusormo?