San Lucas 16:23 - Ti Baro a Naimbag a Damag Biblia

²³ Idi agsagaba iti napalalo idiay Hades, timmangad ket nakitana ni Abraham nga adda iti adayo agraman ni Lazaro iti abayna.

Ti Biblia (1973)

²³ Ket idi adda a matutuoc idiay Hades intangadna dagiti matana ket nakitana ni Abraham iti adayu, ken ni Lazaro iti saclotna.

San Lucas 16:23 Iomraidhean Croise

Dagiti Salmo 16:10

Ngamin, iti bileg ni patay salaknibannak, ket iti lubong dagiti natay, dimo bay-an nga agrupsa ti ay-ayatem.

Dagiti Salmo 49:15

Ngem isalakannakto ti Dios; iti pannakabalin ni patay, alawennakto.

Dagiti Salmo 86:13

Nagdakkel ketdin ti panagayatmo kaniak! Iti kaunggan tanem inaonmo toy kararuak.

Dagiti Salmo 9:17

Patay ti tungpal ti amin a managdakdakes, kasta met dagiti saan nga umawat iti Dios.

Dagiti Proverbio 15:24

Magna ti masirib a tao iti dalan nga agturong iti biag, saan nga iti dana nga agturong iti patay.

Dagiti Proverbio 5:5

Ipannakanto iti lubong dagiti natay. Magna iti dalan nga agturong ken patay.

Dagiti Proverbio 7:27

No inkay iti balayna, agturongkayo iti lubong dagiti natay. Ababa a dalan nga agtungpal ken patay ti balayna.

Dagiti Proverbio 9:18

Saan nga ammo dagiti ayabanna a matay dagiti mapan sadiay, a dagiti nakastreken addadan iti lubong dagiti natay.

Isaias 14:15

Ngem naipababaka ketdi iti kaunggan a paset ti lubong dagiti natay.

Isaias 14:9

“Agsagsaganan ti lubong dagiti natay a mangpasangbay iti ari ti Babilonia. Agriing dagiti natay a nabileg nga agturay idi iti daga. Bumangbangon dagiti natay nga ari kadagiti tronoda.

San Mateo 11:23

“Ket sika met, Capernaum, kayatmo kadi ti maitan-ok sadi langit? Saan a mabalin! Maitappuakkanto idiay infierno! No idiay koma Sodoma ti nakaaramidan dagiti milagro a naaramid iti yanmo, adda koma pay laeng ita ti Sodoma.

San Mateo 18:9

No ta matam ti pakaigapuan ti panagbasolmo, suatem ket ibellengmo! Nasaysayaat a buldingka a sumrek iti biag nga agnanayon ngem ti addaanka iti dua a mata ket maitappuakka iti apuy idiay infierno.”

San Mateo 23:33

Karasaen! Annak dagiti uleg! Kasano ti pananglisiyo iti dusa idiay infierno?

San Mateo 5:22

Ngem ita, ibagak kadakayo a siasinoman a makapungtot iti kabsatna, maisaklangto iti ukom. Siasinoman nga agkuna iti kabsatna: ‘Awan serserbim,’ maisaklang iti Sanhedrin; ket ti agkuna iti kabsatna, ‘Maagka,’ sungbatannanto idiay infierno.

San Mateo 5:29

Ngarud, no ti makannawan a matam ti pakaigapuan ti panagbasolmo, suatem samo ibelleng. Nasaysayaat a mapukaw ti maysa a paset ti bagim ngem ti amin a bagim a maitappuak iti infierno.

San Mateo 8:29

Idi makaasidegda ken Jesus, nagikkisda a dagus ket kinunada kenkuana, “Anak ti Dios, ania ti kayatmo nga aramiden kadakami? Umaynakami kadi dusaen sakbay ti naituding a tiempo?”

San Lucas 16:24

Iti kasta, impukkawna, ‘Ama Abraham! Kaasiannak kadi ta ibaonmo ni Lazaro a mangbabasa iti ramayna ket palamiisanna toy dilak, ta kasta unay ti pannakatutuokko iti daytoy nga apuy!’

San Lucas 16:28

tapno bagbagaanna dagiti lima a kakabsatko a lallaki sadiay, amangan no umayda met ditoy yan ti tuok.’

San Lucas 8:28

Apaman a nakitana ni Jesus, nagikkis sa nagparintumeng iti sangoananna. “Jesus nga Anak ti Dios a Kangatoan!” impukkawna. “Ania ti kayatmo kaniak? Pangngaasim ta dinak parigaten.”

1 Taga-Corinto 15:55

“O Patay, sadino ti yan ti balligim? O Patay, sadino ti yan ti panniludmo?”

2 Pedro 2:4

Saan a kinaasian ti Dios dagiti angheles a nagbasol. Intappuakna ketdi ida idiay infierno, iti kasipngetan a lugar a nakakawaranda, a pangur-urayanda iti idadateng ti Aldaw ti Panangukom.

Paltiing 20:10

Kalpasanna, naitappuak iti dan-aw ti apuy ken asufre ti Diablo a nangallilaw kadakuada. Daytoy met la a dan-aw ti nakaitappuakan ti narungsot nga animal ken ti sinan-profeta. Matutuokdanto sadiay iti aldaw ken rabii, iti agnanayon nga awan inggana.