San Lucas 16:17 - Ti Baro a Naimbag a Damag Biblia

¹⁷ Nalaklaka ti pannakapukaw ti langit ken daga ngem ti pannakaikkat ti uray kabassitan laeng a paset ti Linteg.

Ti Biblia (1973)

¹⁷ Ngem nalaclaca a mapucaw ti langit ken daga, ngem ti matnag ti maysa a tulnec ti linteg:

San Lucas 16:17 Iomraidhean Croise

Isaias 40:8

Wen, magango ti ruot ken malaylay ti sabong, ngem mataginayon ti sao ti Diostayo!”

Isaias 51:6

Tumangadkayo iti langit, kitaenyo ti daga! Kaslanto asuk nga agpukaw ti langit; marunotto ti daga a kas iti daan a pagan-anay, ket matayto a kasla ngilaw dagiti amin a tattaona. Ngem agpautto iti agnanayon nga awan inggana ti panangisalakan a yegko; agnanayonto ti pannakabalinko a mangispal.

San Mateo 5:18

Laglagipenyo a bayat ti panagpaut ti langit ken daga, dinto mapukaw ti uray maysa a tulnek wenno kabassitan a paset ti Linteg, agingga a matungpalda amin.

San Lucas 21:33

Mapukawto ti langit ken daga, ngem dinto mapukaw dagiti saok.”

Taga-Roma 3:31

Baybay-antayo kadin ti Linteg gapu iti daytoy a pammati? Saan, no di ket ipakitatayo ti pudno a kaipapanan ti Linteg.

1 Pedro 1:25

Ngem ti sao ti Apo agtalinaed nga agnanayon.” Daytoy a sao isu ti Naimbag a Damag a naikasaba kadakayo.

2 Pedro 3:10

Dumtengto ti Aldaw ti Apo a di mapakpakadaan, kas iti yaay ti mannanakaw. Iti dayta nga Aldaw, agpukawto dagiti langlangit a kagiddan ti napigsa a daranudor, ket matunaw iti apuy ti init, bulan ken dagiti bituen ket awanton ti daga ken amin a linaonna.

Paltiing 20:11

Kalpasanna, nakitak ti maysa a dakkel a trono a puraw agraman ti nakatugaw. Nagpukaw ti langit ken daga iti sangoananna ket awanen pakakitaan kadakuada.

Paltiing 21:1

Kalpasanna, nakitak ti baro a langit ken ti baro a daga. Awanen ti immuna a langit ken ti immuna a daga. Awan metten ti taaw.

Paltiing 21:4

Punasennanto dagiti luada. Awanton ti patay, ladingit, sangsangit wenno ut-ot agsipud ta limmabasen dagiti immun-una a banag.”