San Lucas 16:15 - Ti Baro a Naimbag a Damag Biblia

¹⁵ Kinuna ni Jesus kadakuada, “Agparangkayo a kasla nalinteg iti imatang dagiti tattao. Ngem ammo ti Dios ti naguneg iti pusoyo. Ta dagiti ibilang ti tao a kas napateg awan kaes-eskanna iti imatang ti Dios.

Ti Biblia (1973)

¹⁵ Ket kinunana cadacuada: Dacayo dagiti mangidayaw ti bagiyo met laeng iti sangoanan dagiti tao; ngem ti Dios ammona dagiti puspusoyo; ta ti natan-oc cadagiti tattao nacaap-aprang iti imatang ti Dios.

San Lucas 16:15 Iomraidhean Croise

1 Cronicas 29:17

Ammok a suotem ti puso ti tunggal maysa ket maragsakanka kadagiti nalinteg a tattao. Napudno ken napasnekak a nangted amin kadagitoy kenka. Nakitak ti ragsak dagiti amin a tattaom a naummong ditoy a mangyeg kadagiti sagutda kenka.

2 Cronicas 6:30

ipangagmo koma ti kararagna. Denggem ida dita langit a taengmo ket pakawanem ida. Sika laeng ti makaammo iti naguneg ti puso ti tao. Aramidem iti tunggal tao ti kas iti maikari iti aramidna,

Dagiti Salmo 10:3

Pagpangas ti managdakdakes ti dakes a tarigagayna; iti kinaagumna, agilunod ket laisenna ni Yahweh.

Dagiti Salmo 49:13

Kastoy ti pagbanagan dagiti agtalek iti bagida, Kastoy ti pagtungpalan dagiti mapnek iti kinabaknangda;

Dagiti Salmo 49:18

Uray no mapnek ti tao iti agdama a biag, wenno maidaydayaw gapu iti kinarang-ayna,

Dagiti Salmo 7:9

Pagsardengem ti kinadakes dagiti nakillo, ket dawatek a gunggonaam dagiti naimbag a tattao. Nalintegka, O Dios; usigem dagiti panunot ken tarigagaymi.

Dagiti Proverbio 16:5

Kagura ni Yahweh ti amin a napalangguad; pulos a dina ipalubos a malisianda ti pannakadusa.

Dagiti Proverbio 20:6

Adu ti mangipagarup iti bagida a napudno ken mapagtalkanda, ngem sadino ti pakasarakan iti kasta a tao?

Dagiti Proverbio 21:2

Mabalin nga ipagarupmo a naimbag amin nga aramidmo, ngem laglagipem a tingitingen ti Apo dagiti panggepmo.

Jeremias 17:10

Siak, ni Yahweh, ammok ti pampanunoten ti tao; sukimatek ti naguneg iti pusona. Supapakak ti siasinoman a tao, kas mayannurot iti panagbiagna, ket gunggonaak kas mayannurot iti aramidna.”

Malakias 3:15

Kas makitami, dagiti natangsit a tattao ti naragsak. Saan laeng a rumang-ay dagiti agar-aramid iti dakes, ngem suotenda pay ti anus ti Dios kadagiti dakes nga aramidda ket saanda a maan-ano.’”

San Mateo 23:5

Aramidenda amin tapno madlaw dagiti tattao a relihiosoda. Kitaenyo ti kaakaba ti nakaisuratan dagiti paset ti Nasantoan a Surat nga adda kadagiti muging ken takiagda! Kitaenyo ti kagayad ti baruyboy dagiti kawesda!

San Mateo 6:16

“No agayunarkayo, dikay agparang a naliday a kas kadagiti aginsisingpet, ta agpammarangda a nakakaasi tapno maammoan dagiti tattao nga agay-ayunarda. Laglagipenyo nga inawatdan ti gunggonada.

San Mateo 6:2

“Ngarud, no mangtedka iti tulong, dimo iwaragawag a kas iti ar-aramiden dagiti aginsisingpet iti uneg dagiti sinagoga ken kadagiti kalsada. Aramidenda daytoy tapno dayawen ida dagiti tattao. Laglagipenyo nga inawatdan ti gunggonada.

San Mateo 6:5

“No agkararagkayo, diyo tuladen dagiti aginsisingpet! Igagarada ti agkararag a sitatakder kadagiti sinagoga ken kadagiti lanlansangan tapno makita ida dagiti tattao. Laglagipenyo nga inawatdan ti gunggonada.

San Lucas 10:29

Ngem kayat ti maestro nga ikalintegan ti bagina, isut' gapuna a nagsaludsod manen ken ni Jesus, “Siasino ti kaarrubak?”

San Lucas 11:39

Ngem kinuna ti Apo kenkuana, “Dakayo a Fariseo, dalusanyo ti ruar ti tasa ken pinggan, ngem napno ti unegyo iti ranggas ken kinadakes.

San Lucas 18:11

“Nagtakder ti Fariseo iti napakni a lugar ket inkararagna a siuulimek: ‘Agyamanak kenka, O Dios, ta saanak a kas kadagiti dadduma a naagum, naulbod wenno makikamkamalala. Agyamanak met ta saanak a kas iti daytoy nga agsingsingir iti buis.

San Lucas 18:14

Kinuna ni Jesus, “Ibagak kadakayo, nagawid ti agsingsingir iti buis a napalinteg iti sangoanan ti Dios. Ngem ti Fariseo, saan a napalinteg. Ta ti mangitantan-ok iti bagina, maipababanto. Ngem ti mangipababa iti bagina, maitan-okto.”

San Lucas 18:21

“Sipud pay idi ubingak, tinungtungpalko amin dagitoy a bilin,” insungbat ti lalaki.

San Lucas 18:9

Sinarita pay ni Jesus daytoy a pangngarig kadagiti tattao a mangitangtangsit iti kinaimbagda ken manguy-uyaw kadagiti sabsabali.

San Lucas 20:20

Nagurayda ngarud iti nasayaat a gundaway. Tinangdananda ti sumagmamano a lallaki tapno agparangda a nalinteg. Imbaonda ida a mapan mangpalab-og ken ni Jesus babaen kadagiti saludsodda tapno adda pambaranda a mangtiliw ken mangyawat kenkuana iti turay ken pannakabalin ti gobernador.

San Lucas 20:47

Gundawayanda dagiti balo a babbai ket takawenda dagiti sanikuada sada ipakita ti atiddog a panagkararagda. Nadagdagsento ti dusada.”

San Juan 2:25

Saanna a masapul ti siasinoman a mangibaga kenkuana maipapan iti tao ta ammona a mismo ti panunot ken kababalin ti tao.

San Juan 21:17

Pinitlo ni Jesus a sinaludsod, “Simon nga anak ni Juan, ay-ayatennak kadi?” Nagliday ni Pedro gapu ta namitlon a sinaludsod ni Jesus kenkuana, “Ay-ayatennak kadi?” Kinuna ni Pedro, “Apo, ammom amin a banag. Ammom nga ay-ayatenka!” Kinuna ni Jesus kenkuana, “Aywanam dagiti karnerok.

Dagiti Aramid 1:18

Sangadisso a daga ti nakaigatangan ti kuarta nga inawat ni Judas a kas supapak iti dakes nga inaramidna. Sadiay ti nakatayanna idi matnag nga immuna a nagdisso ti ulona. Bimtak ti tianna ket naiwarawara dagiti bagisna.

Dagiti Aramid 1:24

Kalpasanna, inkararagda, “Apo, ammom ti pampanunoten ti tunggal maysa. Ipakitam koma kadakami no siasino kadagiti dua ti pinilim

Dagiti Aramid 15:8

Ket ti Dios a makaammo iti pampanunoten ti amin, impakitana ti yaanamongna kadagiti Hentil babaen iti pannangtedna kadakuada iti Espiritu Santo a kas iti pannangtedna kadatayo.

Taga-Roma 3:20

Ta awan ti tao a mapalinteg iti imatang ti Dios babaen iti panangtungpalna iti Linteg. Agserbi ti Linteg a mangipakaammo a nakabasol ti tao.

Taga-Roma 8:27

Makita ti Dios ti naguneg ti puso ti tao, ket ammona ti pampanunoten ti Espiritu, agsipud ta idawdawatan ti Espiritu dagiti tattao ti Dios kas pagayatan ti Dios.

1 Taga-Corinto 4:5

Ngarud, saankay a mangukom agingga iti dumteng ti naituding a tiempo. Wen, urayenyo ti yaay ti Apo ta isunto ti mangilatak kadagiti palimed ken mangibutaktak kadagiti panggep a naitalimeng iti puso ti tao. Ket awatento ti tunggal tao ti kaikarianna a pammadayaw nga aggapu iti Dios.

1 Pedro 3:4

Ngem buklen koma ti pintasyo iti nasayaat a panagpuspuso, ti di agkupas a libnos ti kinaemma ken kinatalna ti espiritu. Isu daytoy ti kinapintas nga ibilang ti Dios a kapapatgan.

1 Pedro 5:5

Dakayo nga agtutubo, paiturayankayo met kadagiti nataengan. Dakay amin, agtitinnulongkayo kas napakumbaba nga adipen, ta kuna ti Nasantoan a Surat, “Busoren ti Dios dagiti natangsit, ngem paraburanna dagiti napakumbaba.”

Paltiing 2:23

Papatayekto met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.

1 Samuel 16:7

Ngem kinuna ni Yahweh kenkuana, “Dimo kitaen ti kinaguapo ken kinatayagna. Saan nga isu ti pinilik. Ti pagbatayak ket saan a ti pagbatayan ti tao. Kitaen ti tao ti akinruar a langa, ngem siak, kitaek ti puso.”