San Lucas 16:10 - Ti Baro a Naimbag a Damag Biblia

¹⁰ Ti tao a mapagtalkan kadagiti babassit a banag, mapagtalkanto met kadagiti dadakkel. Ngem ti saan a matalek kadagiti babassit a banag, saan met a mapagtalkan kadagiti dadakkel.

Ti Biblia (1973)

¹⁰ Ti mapagtalcan iti bassit unay, mapagtalcan met iti adu; ket ti nakil-lo iti bassit unay nakil-lo met iti adu.

San Lucas 16:10 Iomraidhean Croise

San Mateo 24:45

“Siasino ngarud ti mapagtalkan ken masirib nga adipen? Isu ti insaad ti apona a mangimaton kadagiti dadduma nga adipen tapno ikkanna ida iti kanen iti umisu a tiempo.

San Mateo 25:21

“‘Nasayaat ti inaramidmo, naimbag ken mapagtalkan nga adipen!’ kinuna ti amongna. ‘Gapu ta napagtalkanka iti bassit a banag, pagaywanenkanto iti adu. Umayka makipagragsak kaniak.’

San Mateo 25:23

“Kinuna ti amongna, ‘Nasayaat ti inaramidmo, naimbag ken mapagtalkan nga adipen! Gapu ta napagtalkanka iti bassit a banag, pagaywanenkanto iti adu. Sumrekka a makipagragsak kaniak.’

San Lucas 19:17

“‘Nasayaat ti inaramidmo,’ kinuna ti ari. ‘Naimbagka nga adipen. Agsipud ta mapagtalkanka kadagiti babassit a bambanag, pagturayenkanto iti sangapulo a siudad.’

San Juan 12:6

Sinaona daytoy, saan a gapu ta isakitna dagiti napanglaw, no di ket gapu ta mannanakaw. Isu ti agig-iggem iti kuarta, ket masansan a mangala iti maurnong.

San Juan 13:2

Madama idi ti panangrabii ni Jesus ken dagiti adalanna. Inserrek ti Diablo iti panunot ni Judas nga anak ni Simon Iscariote ti panggep a mangliput ken ni Jesus.

San Juan 13:27

Apaman nga inawat ni Judas ti tinapay, simrek ni Satanas kenkuana. “Aramidem a dagus ti masapul nga aramidem,” kinuna ni Jesus kenkuana.

Hebreo 3:2

Kas iti kinapudno ni Moises kadagiti tattao ti Dios, napudno met ni Jesus iti nangdutok kenkuana a mangakem iti daytoy.