San Lucas 15:4 - Ti Baro a Naimbag a Damag Biblia

⁴ “Kas pangarigan, adda 100 a karnero ti maysa kadakayo, ket mapukaw ti maysa kadakuada, ania ti aramidenna? Panawanna dagiti 99 iti pagar-arabanda sana mapan sapulen ti napukaw agingga a mabirokanna.

Ti Biblia (1973)

⁴ Asino cadacayo, ti adda sangagasut a carnerona, no mapucawna ti maysa cadacuada, dina panawan iti away dagiti siam a pulo ket siam ket apanna sapulen ti napucaw agingga ti masaracanna?

San Lucas 15:4 Iomraidhean Croise

Dagiti Salmo 119:176

Nayaw-awanak a kasla napukaw a karnero, umaynak koma ngarud biroken nga adipenmo, ta diak nalipatan dagiti lintegmo.

Isaias 53:6

Mayarigtay amin iti karnero a napukaw, nagturong ti tunggal maysa iti kinaykayatna. Ngem impabaklay ti Apo kenkuana ti dusa a maipatay koma kadatayo.

Jeremias 33:13

Kadagiti ili iti katurturodan, kadagiti arisadsad dagiti turturod ken iti abagatan a Juda, iti sakup ti Benjamin, kadagiti barrio iti kabangibang ti Jerusalem, ken kadagiti il-ili ti Juda, bilangento manen dagiti agpaspastor dagiti karneroda. Siak, ni Yahweh, ti nagsao iti daytoy.”

Jeremias 50:6

“Mayarig dagiti tattaok kadagiti napukaw a karnero. Binaybay-an ida dagiti pastorda nga agkalkallautang kadagiti bambantay. Nagalla-allada a kasla karnero ket nalipatandan ti ayan ti balayda.

Ezekiel 34:16

“Birokekto dagiti napukaw, yawidkonto dagiti nagtawataw, bedbedakto dagiti nadunor, ken agasakto dagiti masakit. Ngem patayekto dagiti nalukmeg ken nasalun-at agsipud ta maysaak a pastor nga agaramid iti naimbag.

Ezekiel 34:31

“Dakayo a karnerok, ti arban a tartaraonak, tattaokayo ket siak ti Diosyo,” kuna ti Apo a Dios.

Ezekiel 34:4

Diyo tinaripato dagiti agkakapsut. Diyo inagasan dagiti masakit. Diyo binedbedan dagiti nadunor. Diyo sinapul dagiti nayaw-awan wenno binirok dagiti napukaw. Naranggaskayo ketdi kadakuada.

Ezekiel 34:8

Isapatak iti naganko a Dios a sibibiag a masapul a denggendak: ‘Dinarup dagiti narungsot nga animal dagiti karnerok, ket pinatay ken linamutda ida agsipud ta awan ti mangaywan kadakuada. Saan a binirok dagiti pagpaspastorek dagiti karnero. As-asikasoenda dagiti bagbagida a saan ketdi a dagiti karnerok.

San Mateo 12:11

Kinuna ni Jesus kadakuada, “Kas pangarigan, iti Aldaw a Panaginana, ti karnero ti maysa kadakayo matnag iti abut, dina aya alaen ken aonen?

San Lucas 13:15

Ngem insungbat ti Apo kenkuana, “Dakayo nga aginsisingpet! Iti Aldaw a Panaginana, diyo aya warwaran ti baka wenno asnoyo iti nakaiparngedanda tapno inkay ipainum ida?

San Lucas 15:3

Iti kasta, insarita ni Jesus kadakuada daytoy a pangngarig:

San Lucas 19:10

Immay ti Anak ti Tao a mangbirok ken mangisalakan iti napukaw.”

Taga-Roma 2:1

Gayyem, uray ania ti katataom, awan a pulos ti panggapuam a mangukom iti sabali. No ukomem dagiti sabsabali, ngem aramidem met dagiti ar-aramidenda, ta bagim met laeng ti uk-ukomem.

1 Pedro 2:25

Mayarigkay idi kadagiti karnero a nayaw-awan. Ngem ita, naisublikayon a sumurot iti Pastor ken Agaywan kadagiti kararuayo.