San Lucas 15:25 - Ti Baro a Naimbag a Damag Biblia

²⁵ “Adda idi ti inauna nga anak idiay taltalon. Idi agawid ket makaasideg iti balay, nangngegna ti toktokar ken salsala.

Ti Biblia (1973)

²⁵ Ngem di anacna nga inauna adda idi iti talon; ket isu idi sumangpet ken immasideg iti balay, nangngegna ti nasam-it a toctocar ken dagiti salsala.

San Lucas 15:25 Iomraidhean Croise

2 Samuel 6:14

Nagbarikes ni David iti linen nga efod ket nagsala iti amin a kabaelanna a kas pammadayawna ken ni Yahweh.

Dagiti Salmo 126:1

Kaskam la agtagtagainep idi isublinakami ti Apo idiay Jerusalem.

Dagiti Salmo 149:3

Agsasalakayo a mangidaydayaw kenkuana; agtambor ken agtokarkayo iti arpa.

Dagiti Salmo 150:4

Idaydayawyo kadagiti tambor ken salsala; idaydayawyo kadagiti arpa ken flauta!

Dagiti Salmo 30:11

Pinagbalinmo a rag-o ti dung-awko; inikkatmo ti panesko, ket kinawesannak iti ragsak.

Exodo 15:20

Maysa a profeta ni Miriam a kabsat ni Aaron. Innalana ti panderetana, ket simmurot kenkuana dagiti amin a babbai nga agtuktokar kadagiti pandereta ken agsasala.

Eclesiastes 3:4

Itudingna ti tiempo ti panagladingit ken tiempo ti panagragsak; tiempo ti panagdung-aw ken tiempo ti panagsala;

Jeremias 31:4

Bangonenkayto manen. Alaenyonto manen dagiti panderetayo ket agsasalakayo a siraragsak.

San Lucas 15:24

Ta natay daytoy nga anakko, ngem nagungar. Napukaw ngem nasapulan met laeng.’ Ket nangrugin ti ramrambak.

San Lucas 15:26

Inayabanna ti maysa kadagiti katulongan ket sinaludsodna, ‘Ania ti mapaspasamak?’

San Lucas 7:32

Kasda la kadagiti ubbing nga agtutugaw iti tiendaan. Ipukkaw ti maysa a grupo kadagiti kaay-ayamda, ‘Nagtokarkami iti naragsak, ngem dikay nagsala. Nagkantakam iti naliday, ngem dikayo nagladingit!’