San Lucas 15:2 - Ti Baro a Naimbag a Damag Biblia

² Nagtanabutob dagiti Fariseo ken mamaestro iti Linteg. “Awaten daytoy a tao dagiti dakes ti pakasarsaritaanda ket kasangona pay ida a mangan!” kinunada.

Ti Biblia (1973)

² Ket agtantanabutob dagiti Fariseo ken dagiti escriba a cuncunada: Daytoy awatenna dagiti managbasol ket makipangan cadacuada.

San Lucas 15:2 Iomraidhean Croise

San Mateo 11:19

“Immay ti Anak ti Tao, nangnangan ken immin-inum, ket kunkunada, ‘Kitaenyo daytoy a tao, narawet ken mammartek, gayyem dagiti agsingsingir iti buis ken dadduma pay a dakes a tattao!’ Nupay kasta, maipakita ti kinasirib ti Dios babaen kadagiti gapuananna.”

San Mateo 9:11

Nakita dagiti sumagmamano a Fariseo daytoy, ket kinunada kadagiti adalanna, “Apay a makipangan ti maestroyo kadagiti kakasta a tattao?”

San Lucas 15:3

Iti kasta, insarita ni Jesus kadakuada daytoy a pangngarig:

San Lucas 19:7

Nagtanabutob amin a nakakita iti daytoy. “Napan pinasangaili daytoy a tao iti balay ti maysa a managbasol!” kinunada.

San Lucas 5:30

Nagtantanabutob dagiti Fariseo ken dagiti kakaduada a mamaestro iti Linteg ket kinunada kadagiti adalan ni Jesus, “Apay a kalanglang ken kain-inumyo dagiti agsingsingir iti buis ken dagiti dakes a tattao?”

San Lucas 7:34

Immay ti Anak ti Tao. Nangnangan ken immin-inum ket kinunayo: ‘Kitaenyo daytoy a tao! Narawet ken mammartek. Gayyem dagiti agsingsingir iti buis ken dadduma pay a dakes a tattao!’

San Lucas 7:39

Idi makita daytoy ti Fariseo a nangawis ken Jesus, kinunana iti nakemna: “No pudno a profeta daytoy a tao, ammona koma no siasino daytoy a babai a mangsagsagid kenkuana. Ammona koma ti kadakes ti panagbiagna!”

Dagiti Aramid 11:3

Kinunada, “Napanka gayam iti balay dagiti tattao a saan a nakugit ket nakipanganka pay kadakuada!”

Taga-Galacia 2:12

Ngamin ta masansan idi a makilanglang kadagiti Hentil a mamati. Napasamak daytoy sakbay ti idadateng ti sumagmamano a lallaki nga imbaon ni Santiago. Ngem idi nakasangpetda sadiay, nagin-inut ni Pedro nga immadayo kadagiti Hentil ket dinan kayat ti makisango kadakuada iti panganan gapu ta kabutengna dagiti mangipapilit iti pannakakugit dagiti Hentil.

1 Timoteo 1:15

Pudno daytoy a pagsasao a rumbeng nga awaten ken patien: Immay ni Cristo Jesus ditoy lubong tapno isalakanna dagiti managbasol. Siak ti kadadaksan kadakuada.