San Lucas 15:15 - Ti Baro a Naimbag a Damag Biblia

¹⁵ Iti kasta, napan nagtrabaho iti maysa kadagiti umili sadiay a nangibaon kenkuana iti away tapno agtaraken kadagiti baboy.

Ti Biblia (1973)

¹⁵ Ket napan ket immasideg iti maysa cadagiti umili ti daydi a daga, ket isu imbaon daydi cadagiti taltalonna tapno agtaraken cadagiti babuy.

San Lucas 15:15 Iomraidhean Croise

2 Cronicas 28:22

Idi kakaro ti pannakadidigrana, dayta nga Ahaz, inyad-addana ketdi ti nagbasol ken ni Yahweh.

Exodo 10:3

Napan da Moises ken Aaron iti ari ket kinunada kenkuana, “Kastoy ti paibaga ti Apo a Dios dagiti Hebreo, ‘Kasano pay ti kabayag ti dimo panagpakumbaba kaniak? Palubosam a pumanaw dagiti tattaok tapno umayda agdaydayaw kaniak.

Isaias 1:5

Apay a diyo isardeng ti agsukir? Kayatyo kadi a manayonan pay ti dusayo? Nalapunos ti uloyo iti sugat ket saan a nasalun-at ti puso ken panunotyo.

Isaias 57:17

Nakapungtotak kadakuada gapu iti basol ken agumda, isu a dinusak ken binaybay-ak ida. Ngem nasukirda ket napanda iti kinaykayatda a papanan.

Jeremias 5:3

Awan duadua a ti kinapudno ti birbiroken ti Apo. Sinaplitnakayo, ngem saankayo a nangrikna; rinumeknakayo, ngem diyo kayat ti paisuro. Natangken ti uloyo, ket diyo nagpanawan dagiti basolyo.

Ezekiel 16:52

Ita, masapul a sagabaem ti pannakaibabainmo. Nakarkaro ti basolmo ngem ti basol dagiti kakabsatmo, ket kasla awan basolda no maidiligda iti basolmo. Ita, agbainka ket sagabaem ti pannakaibabainmo, ta pagparangem dagiti kakabsatmo a kasla nadalusda.”

Ezekiel 16:63

Pakawanekto ti amin a dakes nga aramidmo, ngem malagipmonto ida, ket dikanto makapagtimek gapu iti napalalo a bainmo.” Daytoy ti kuna ti Apo a Dios.

Nahum 3:6

Ipakitakto kenka ti gurak, ket gaburankanto iti rugit; maalliawto dagiti tattao a kumita kenka.

Malakias 2:9

Balsenkayo ngarud ket pagbalinenkayo a dakes iti imatang dagiti Israelita tapno laisendakayo, gapu ta diyo suroten ti pammagbagak ken saanyo a pagpapadaen ti amin a tao iti panangisuroyo iti pagayatak.”

San Mateo 7:6

“Diyo ited kadagiti aso ti aniaman a nasantoan, amangan no darupen ken kagatendakayo. Diyo met ipurruak dagiti perlasyo kadagiti baboy—ta baddebaddekandanto laeng.”

San Lucas 15:13

Kalpasan ti sumagmamano nga aldaw, inlako ti inaudi ti bingayna, ket innalana ti naglakoanna sa pimmanaw. Napan iti adayo a daga ket sadiay binusbosna amin a kuartana iti nabarayuboy a panagbiag.

San Lucas 15:14

Idi nagastonan amin a kuartana, dimteng ti nakaro a bisin iti dayta a daga ket pulos nga awan nabatin kenkuana.

San Lucas 15:16

Kayatna ti mangan iti kankanen dagiti baboy, ngem awan nangted kenkuana!

Taga-Roma 6:22

Ngem ita, nawayawayaankayon iti basol, ket tagabunakayon ti Dios. Nagun-odyo ti biag a naan-anay a naidaton kenkuana, ket biag nga agnanayon ti banagna.

Tito 3:3

Ta maag, nasukir ken nayaw-awantayo met idi. Tinagabunatayo ti nadumaduma a kita ti tarigagay ken paggarteman. Nagbiagtayo iti dakes a panagem ken apal. Ginuradatayo dagiti sabsabali ket ginuratayo met ida.