San Lucas 15:13 - Ti Baro a Naimbag a Damag Biblia

¹³ Kalpasan ti sumagmamano nga aldaw, inlako ti inaudi ti bingayna, ket innalana ti naglakoanna sa pimmanaw. Napan iti adayo a daga ket sadiay binusbosna amin a kuartana iti nabarayuboy a panagbiag.

Ti Biblia (1973)

¹³ Ket idi napalabas, ti sumagmamano nga aldaw ti inaudi nga anac inurnongna amin ket napan iti maysa a daga nga adayu; ket idiay dinadaelna ti cucuana a nagbiag a nagdacdakes.

San Lucas 15:13 Iomraidhean Croise

Dagiti Salmo 73:27

Awan duadua a matayto dagiti mangtallikud kenka, ket dagiti saan a napudno kenka, pukawemto ida.

Dagiti Proverbio 18:9

Dakes ti nasadut, kas iti tao nga agdaddadael.

Dagiti Proverbio 21:17

No naayatka iti ragragsak, arak ken agkakaimas a taraon, pulos a dika bumaknang.

Dagiti Proverbio 21:20

Agbiag iti kinabaknang ken kinanam-ay dagiti masirib, ngem ti maag busbosenna a sipapardas ti natgedanna.

Dagiti Proverbio 27:8

Ti tao nga adayo iti pagtaenganna, mayarig iti billit nga adayo iti umokna.

Dagiti Proverbio 28:7

Masirib nga agtutubo ti mangtungpal iti linteg. Ti makikadua kadagiti awan serserbina a tattao, pakaibabainan ti amana.

Dagiti Proverbio 29:3

No patiem ti kinasirib, ipagpannakkelnaka ni amam. Maysa a kinamaag ti mangbusbos iti kuartana kadagiti balangkantis a babbai.

Dagiti Proverbio 6:26

Mabalin a gatad ti tinapay ti ibayad ti maysa a lalaki iti balangkantis ngem ti pannakikamalala ti mangpukaw iti amin nga adda kenkuana.

Isaias 1:4

Nasentensiaanka a madadael, sika a managbasol a nasion, dakayo a rinuker ken managdakdakes a tattao! Ilumlomnakayo dagiti basbasolyo! Linaksidyo ti Apo, ti Nasantoan a Dios ti Israel, ket tinallikudanyo.

Isaias 22:13

Ngem nagkakatawakayo ken nagrarambakkayo ketdi. Nagpartikayo kadagiti karnero ken baka a sindayo, ket nagiinumkayo iti arak. Kinunayo, “Mangan ken uminumtayo ketdi, ta inton bigat mataytayo.”

Isaias 30:11

Aglisikayo ket didakami bibiangan. Dimi kayat a denggen ti sasaoyo maipapan iti ‘Nasantoan a Dios ti Israel.’”

Isaias 56:12

Kuna dagitoy a bartek: ‘Mangalatayo iti arak ket agpapastayo nga uminum. Kastoyto manen inton bigat ket ad-adunto pay!’”

Jeremias 2:13

Adda dua a basol dagiti tattaok: binaybay-andak nga ubbog ti danum a sibibiag, nagkalida kadagiti bubon a di mabalin a pagurnongan iti danum.

Jeremias 2:31

Dakay a tattao ti Israel, denggenyo a naimbag ti saok. Nagbalinak aya a let-ang kadakayo, kas iti nasipnget ken napeggad a daga? Saan! Apay ngarud a kunayo nga aramidenyonto ti kaykayatyo, ket pulos a dikayto agsubli kaniak?

Jeremias 2:5

Kuna ti Apo: “Ania ti pammabasol dagiti kapuonanyo kaniak? Apay a tinallikudandak? Nagdaydayawda kadagiti awan serbina a didiosen, ket nagbalinda met nga awan serbina.

Mikias 6:3

Kuna ti Apo, “Tattaok, ania aya ti naaramidko kadakayo. Kasano a nagbalinak a dadagsenyo? Sumungbatkayo!

San Lucas 15:12

Kinuna ti inaudi iti amana, ‘Ama, itedmon ti tawidko.’ Biningay ngarud ti ama ti sanikuana kadagiti dua nga annakna.

San Lucas 15:14

Idi nagastonan amin a kuartana, dimteng ti nakaro a bisin iti dayta a daga ket pulos nga awan nabatin kenkuana.

San Lucas 15:30

Ngem daytoy nga anakmo—binusbosna amin a sanikuam kadagiti dakes a babbai. Ket ita ta nagsublin, impartiam iti napalukmeg a baka!’

San Lucas 16:1

Kinuna ni Jesus kadagiti adalanna, “Adda idi maysa a baknang nga adda pagay-aywanenna kadagiti sanikuana. Naipulong kenkuana a busbusbosen ti agaywan ti kuarta ti amongna.

San Lucas 16:19

“Adda idi maysa a baknang a kanayon a sikakawes kadagiti agkakangina a lupot. Inaldaw met nga agbibiag a sibubuslon.

Taga-Efeso 2:13

Ngem ita, babaen ti pannakikaysayo ken ni Cristo Jesus, dakayo nga adayo idi, nayasidegkayo gapu ta natay ni Cristo a kas sakrifisio iti krus.

Taga-Efeso 2:17

Immay ni Cristo a nangikasaba iti Naimbag a Damag ti kappia kadagiti amin a tao—kadakay a Hentil nga adayo iti Dios ken kadagiti Judio nga asideg kenkuana.

2 Pedro 2:13

Gapu ta pinagsagabada dagiti sabali a tattao, agsagabadanto met. Ta kitaenyo, tapno matungpal dagiti nailasagan a tarigagayda, aggangganasda iti nalabes a panagraragsakda uray tengnga ti aldaw! Dumar-ayda met iti panagsasangoyo iti panganan, ngem nakababain ken nakaal-alas ti aramidda. Maragsakanda la unay iti panangallilawda kadakayo.