San Lucas 14:13 - Ti Baro a Naimbag a Damag Biblia

¹³ No agpadayaka, imbitaram dagiti napanglaw, dagiti lugpi, dagiti pilay ken dagiti bulsek.

Ti Biblia (1973)

¹³ Ngem no agaramidca ti daya, ayabam dagiti napanglaw, dagiti pawad, dagiti pilay, dagiti bulsec:

San Lucas 14:13 Iomraidhean Croise

2 Samuel 6:19

ket binunonganna amin ida iti kanen. Inikkanna ti tunggal Israelita iti maysa a tinapay, sangkaiwa a natuno a karne ken kankanen nga adda pasasna. Kalpasanna, nagawidda amin.

2 Cronicas 30:24

Nangted ni Ari Hezekias iti 1,000 a toro a baka ken 7,000 a karnero a partien ken sidaen dagiti tattao. Inikkan met ida dagiti ofisiales iti sangaribu a toro a baka ken 10,000 a karnero. Adu a papadi ti nangikonsagrar iti bagida.

Nehemias 8:10

Agawidkayon ket agfiestakayo. Ibingayanyo iti taraon ken arak dagiti agkurkurang iti agserbi kadakuada. Nasantoan daytoy nga aldaw iti Apotayo. Dikay agladingit, ta ti rag-o ti Apo ti mangpapigsa kadakayo.”

Nehemias 8:12

Nagawid ngarud dagiti amin a tattao, ket siraragsakda a nagpapangan ken nagiinum ket nagibingayda kadagiti kanenda ta naawatanda ti naibasa kadakuada.

Ti Libro ni Job 29:13

Indaydayawdak dagiti nagsagaba iti nakaro a rigat. Tinulongak dagiti balo, nga agbirok iti pagsanggiranda.

Dagiti Proverbio 14:31

No idadanesmo dagiti napanglaw, insultoem ti Dios a nangparsua kadakuada; maysa a kita ti panagdaydayaw ti panangngaasi kadagiti nakurapay.

Dagiti Proverbio 22:9

Agparaburka ket ibingayam dagiti napanglaw iti taraonmo. Mabendisionankanto iti daytoy nga aramidmo.

Isaias 58:10

no pakanenyo dagiti mabisin ken no itedyo ti masapul dagiti napanglaw, naraniagto a kas iti agmatuon ti sipnget a nanglikmut kadakayo.

Isaias 58:7

Ibingayanyo iti taraonyo dagiti mabisin. Pasangbayenyo dagiti napanglaw nga awan pagtaenganna. Kawesanyo dagiti awan aruatenna, ket diyo ipaidam ti tulongyo kadagiti bukodyo a kakabagian.

San Mateo 15:30

Adu a tattao ti napan kenkuana. Nangikuyogda kadagiti pilay, bulsek, lugpi, umel ken adu pay a masakit sada impan iti sangoananna, ket pinaimbagna ida.

San Mateo 22:10

“Napan ngarud dagiti adipen kadagiti kalkalsada. Inawisda amin a tao a nasarakanda, naimbag man wenno dakes, ket napno ti pagbodaan kadagiti makidaya.

San Lucas 11:41

Itedyo ketdi kadagiti napanglaw ti nagyan kadagiti tasa ken pingganyo, ket nadalusto aminen a banag kadakayo iti imatang ti linteg.

San Lucas 14:12

Kinuna met ni Jesus iti nangawis kenkuana, “No yawismo ti maysa a pangaldaw wenno pangrabii, dimo awisen dagiti gagayyemmo wenno dagiti kakabsat, kakabagian wenno babaknang a kaarrubam. Ta awisendakanto met, ket iti kasta, supapakandakanto iti impaaymo kadakuada.

San Lucas 14:14

Nagasatkanto, ta didaka masupapakan. Ngem gunggonaannakanto ti Dios inton agungar dagiti nalinteg a tattao.”

San Lucas 14:21

“Nagawid ti adipen ket imbagana amin daytoy iti apona. “Nakapungtot ti apo. Binilinna ti adipenna, ‘Darasem ti mapan kadagiti kalkalsada ken daldalan iti ili, ket yegmo ditoy dagiti napanglaw, dagiti lugpi, dagiti bulsek ken dagiti pilay.’

Dagiti Aramid 9:39

Nagrubbuat ngarud ni Pedro ket nakikuyog kadakuada. Idi sumangpetda, impanda ni Pedro iti kuarto nga akingngato. Agsangsangit nga immaribungbong dagiti amin a balo a babbai iti abay ni Pedro ket impakitada kenkuana dagiti kagay ken dadduma pay a pagan-anay a dinait ni Dorcas idi sibibiag pay.

Deuteronomio 14:29

Agpaay daytoy kadagiti Levita, isuda nga awanan iti sanikua, dagiti ganggannaet, ulila ken balo a babbai nga agnaed kadagiti iliyo tapno adda umdas a taraonda. Aramidenyo daytoy ket bendisionannakayto ti Apo a Diosyo iti amin nga aramidyo.”

Deuteronomio 16:11

Agrag-okayo iti imatang ti Apo, dakayo ken dagiti annakyo, dagiti adipenyo ken dagiti Levita, dagiti ganggannaet, dagiti ulila ken balo a babbai nga agnaed kadagiti iliyo. Aramidenyo daytoy iti lugar a pilien ti Apo a Diosyo a pagdaydayawan kenkuana.

Deuteronomio 16:14

Agraragsakkayo iti daytoy a fiesta, dakayo ken dagiti annakyo, dagiti adipenyo ken dagiti Levita, ganggannaet, ulila ken balo a babbai nga agnaed kadagiti iliyo.

1 Timoteo 3:2

Ngarud, masapul nga awan ti pakababalawanna. Maysa la ti asawana. Managteppel. Managparbeng ken nasayaat ti kababalinna. Managpadagus. Kabaelanna ti mangisuro.

1 Timoteo 5:10

agdindinamag pay kadagiti naimbag nga aramidna, kas iti nasayaat a panangpadakkelna kadagiti annakna, nagpadagus kadagiti ganggannaet, binuggoanna dagiti saka dagiti tattao ti Dios, tinulonganna dagiti agsagsagaba ken impamaysana ti nagaramid iti amin a kita ti naimbag nga aramid.

Tito 1:8

Masapul a managpadagus, naayat iti naimbag, nateppel, nalinteg, nasantoan ken naparbeng.

Filemon 1:7

Pinaragsak ken pinaregtanak ti ayatmo, ingungotek a kabsat. Pinaragsakmo dagiti amin a tattao ti Dios.

Hebreo 13:2

Laglagipenyo a pasangbayen dagiti ganggannaet. Adda dagiti nagpadagus iti balbalayda a dida ammo nga angheles dagiti sinangailida.