San Lucas 14:12 - Ti Baro a Naimbag a Damag Biblia

¹² Kinuna met ni Jesus iti nangawis kenkuana, “No yawismo ti maysa a pangaldaw wenno pangrabii, dimo awisen dagiti gagayyemmo wenno dagiti kakabsat, kakabagian wenno babaknang a kaarrubam. Ta awisendakanto met, ket iti kasta, supapakandakanto iti impaaymo kadakuada.

Ti Biblia (1973)

¹² Ket kinunana met idi nangawis kencuana. No agaramidca ti pangaldaw wenno pangrabii, dica awisen dagiti pagayammo, uray dagiti cacabsatmo, uray dagiti cacabagiam, uray dagiti caaroba a nabacnang; di la ket ta awisendaca met ket supapacandaca.

San Lucas 14:12 Iomraidhean Croise

Dagiti Proverbio 14:20

Awan ti mangayat iti napanglaw a tao. Saan a kayat uray ti kaarubana, ngem adu ti gayyem dagiti babaknang.

Dagiti Proverbio 22:16

No sagutam dagiti nabaknang wenno idadanesmo dagiti napanglaw tapno bumaknangka, agbalinkanto met la a napanglaw.

San Mateo 5:46

Apay a gunggonaannakayo koma ti Dios no dagiti laeng agayat kadakayo ti ayatenyo? Kasta met ti aramiden dagiti agsingsingir iti buis!

San Lucas 1:53

Pinennekna dagiti mabisin kadagiti agkakaimbag; Pinagtalawna nga ima-ima dagiti babaknang.

San Lucas 1:58

Nadamag dagiti kaarruba ken kakabagianna ti nakaskasdaaw a kinaimbag ti Apo kenkuana. Nakipagragsakda amin kenkuana.

San Lucas 14:11

Ta maipababanto ti amin a mangitan-ok iti bagina, ket maitan-okto ti amin nga agpakumbaba.”

San Lucas 14:13

No agpadayaka, imbitaram dagiti napanglaw, dagiti lugpi, dagiti pilay ken dagiti bulsek.

2 Taga-Corinto 6:13

Ita, kasaokayo a kas pudno nga annakko: ipakitayo met ti isu met laeng a rikna a mariknami kadakayo. Luktanyo ti pusoyo!