San Lucas 14:11 - Ti Baro a Naimbag a Damag Biblia

¹¹ Ta maipababanto ti amin a mangitan-ok iti bagina, ket maitan-okto ti amin nga agpakumbaba.”

Ti Biblia (1973)

¹¹ Ta amin a mangitan-octo iti bagina, maipababanto; ket ti agpacumbaba, maitan-octo.

San Lucas 14:11 Iomraidhean Croise

2 Samuel 22:28

Isalakanmo dagiti napakumbaba, ngem dagiti natangsit ipababam ida.

Ester 6:10

Iti kasta, kinuna ti ari ken ni Haman, “Inka alaen a dagus ti pagan-anay ken ti kabalio ket padayawam ni Mardokeo a Judio. Aramidem amin kenkuana dagiti insingasingmo. Masarakam ni Mardokeo nga agtugtugaw iti ruangan ti palasio.”

Ti Libro ni Job 22:29

Itan-ok ti Dios dagiti napakumbaba ket ipababana dagiti natangsit.

Dagiti Salmo 138:6

Nupay natan-ok unay ti Apo, padayawanna dagiti nanumo, ket saan a malemmengan dagiti natangsit a tattao.

Dagiti Salmo 18:27

Isalakanmo dagiti napakumbaba, ngem dagiti natangsit ipababam ida.

Dagiti Proverbio 15:33

Ti panagbuteng iti Apo maysa a kita ti sursuro. Masapul a napakumbabaka sakbay a mabalinmo ti umawat iti pammadayaw.

Dagiti Proverbio 18:12

Saan a maraem ti maysa a tao no saan a napakumbaba; ti natangsit a tao agturong iti pannakadadael.

Dagiti Proverbio 25:27

Saan a naimbag ti mangan iti adu unay a diro, ken saan met a naimbag a gun-oden ti adu a pammadayaw.

Dagiti Proverbio 29:23

Ti kinatangsit ti tao isut' mangipababa kenkuana, ngem mararaem no napakumbaba.

Isaias 2:11

Dumtengto ti aldaw nga agpatingga ti kinapalangguad ti tao ken mapukaw ti kinatangsitna. Ninto laeng Yahweh ti maitan-ok.

Isaias 2:17

Aggibuston ti kinatangsit ken kinapalangguad ti tao. Iti dayta nga aldaw, awanton dagiti imahen ket ninto la Yahweh ti maitan-ok.

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

San Mateo 23:12

Ti siasinoman a mangitan-ok iti bagina, maipababanto. Ngem ti siasinoman nga agpakumbaba, maitan-okto.”

San Lucas 1:51

Imparangna ti pannakabalin ti takkiagna, Ket winarawarana dagiti natangsit a tattao ken amin a gandatda.

San Lucas 1:52

Inikkatna dagiti mannakabalin nga ari iti tronoda, Ket intan-okna dagiti nanumo.

San Lucas 14:12

Kinuna met ni Jesus iti nangawis kenkuana, “No yawismo ti maysa a pangaldaw wenno pangrabii, dimo awisen dagiti gagayyemmo wenno dagiti kakabsat, kakabagian wenno babaknang a kaarrubam. Ta awisendakanto met, ket iti kasta, supapakandakanto iti impaaymo kadakuada.

San Lucas 18:14

Kinuna ni Jesus, “Ibagak kadakayo, nagawid ti agsingsingir iti buis a napalinteg iti sangoanan ti Dios. Ngem ti Fariseo, saan a napalinteg. Ta ti mangitantan-ok iti bagina, maipababanto. Ngem ti mangipababa iti bagina, maitan-okto.”

Santiago 1:9

Agragsak koma ti nakurapay a kabsat iti panangitan-ok kenkuana ti Dios.

Santiago 4:10

Agpakumbabakayo iti sangoanan ti Dios, ket itan-oknakayto.

Santiago 4:6

Ngem nabilbileg pay ti iparabur ti Dios. Kas nailanad iti Nasantoan a Surat: “Busoren ti Dios dagiti napasindayag ngem itedna ti ad-adu a parabur kadagiti napakumbaba.”

1 Pedro 5:5

Dakayo nga agtutubo, paiturayankayo met kadagiti nataengan. Dakay amin, agtitinnulongkayo kas napakumbaba nga adipen, ta kuna ti Nasantoan a Surat, “Busoren ti Dios dagiti natangsit, ngem paraburanna dagiti napakumbaba.”

1 Pedro 5:6

Awatenyo a sipapakumbaba ti mannakabalin nga ima ti Dios tapno itan-oknakay inton dumteng ti tiempona.

1 Samuel 15:17

Kinuna ni Samuel, “Imbilangmo idi a nanumoka ngem sika itan ti ari dagiti tribu ti Israel. Inkonsagrarnaka ti Apo nga ari iti Israel,