San Lucas 14:1 - Ti Baro a Naimbag a Damag Biblia

¹ Iti maysa nga Aldaw a Panaginana, napan nangan ni Jesus iti balay ti maysa kadagiti pangulo a Fariseo, ket sinisiim dagiti tattao.

Ti Biblia (1973)

¹ Ket naaramid nga idi simrec iti balay ti maysa a panguloen dagiti Fariseo iti maysa nga aldaw a panaginana a mangan ti tinapay, isu sinisiimda.

San Lucas 14:1 Iomraidhean Croise

Dagiti Salmo 37:32

Ti managdakdakes siimenna ti naimbag a tao, ket isikatna a papatayen.

Dagiti Salmo 41:6

Saan a napudno dagiti sumarungkar kaniak; agbirbirokda laeng iti pakadadaelak; Ket iwarasda a pakasarsaritaak.

Dagiti Salmo 62:4

Kayatyo la nga ipababa iti natan-ok a saadna; pagragsakanyo ti kinaulbod; naimbag ti panagsasaoyo kenkuana, ngem ilunlunodyo met iti kaungganyo.

Dagiti Proverbio 23:7

“Mangalaka pay,” kunana ngem aginkukuna laeng. No ania ti pampanunotenna, isu ti pudno a kinataona.

San Mateo 12:12

Napatpateg nga adayo ti tao ngem ti karnero! Isut' gapuna nga ipalubos ti Linteg ti panagaramid iti naimbag iti Aldaw a Panaginana.”

San Marcos 3:2

Adda tattao a mangpalpaliiw ken ni Jesus no paimbagenna ti lalaki iti Aldaw ti Panaginana tapno adda pangpabasolanda kenkuana.

San Lucas 11:37

Kalpasan ti panagsao ni Jesus, inawis ti maysa a Fariseo a makipangan kenkuana. Napan ni Jesus ket simmango iti panganan.

San Lucas 14:2

Adda lalaki nga imbal dagiti saka ken takkiagna a napan ken ni Jesus.

San Lucas 17:20

Sumagmamano a Fariseo ti nangsaludsod ken ni Jesus no kaanonto ti yaay ti Pagarian ti Dios. Insungbat ni Jesus, “Saan nga umay ti Pagarian ti Dios babaen kadagiti makita a pagilasinan.

San Lucas 20:20

Nagurayda ngarud iti nasayaat a gundaway. Tinangdananda ti sumagmamano a lallaki tapno agparangda a nalinteg. Imbaonda ida a mapan mangpalab-og ken ni Jesus babaen kadagiti saludsodda tapno adda pambaranda a mangtiliw ken mangyawat kenkuana iti turay ken pannakabalin ti gobernador.

San Lucas 6:7

Palpaliiwen ti sumagmamano a mamaestro iti Linteg, kasta met dagiti Fariseo, no mangagas ni Jesus iti Aldaw a Panaginana tapno adda panggapuanda a mangidarum kenkuana.

San Juan 3:1

Adda idi Fariseo nga agnagan iti Nicodemo, maysa a pangulo dagiti Judio.

Dagiti Aramid 5:34

Ngem timmakder ti maysa kadakuada, ni Gamaliel a maysa a Fariseo ken maestro iti Linteg a pagraeman dagiti amin a tattao. Imbilinna a mairuar pay laeng dagiti apostoles.