San Lucas 13:34 - Ti Baro a Naimbag a Damag Biblia

³⁴ “O Jerusalem, Jerusalem a mangpapatay kadagiti profeta ken mangubor kadagiti imbaon kenka ti Dios! Namin-ano a kinayatko nga ummongen dagiti annakmo, kas iti panangsallukob ti upa kadagiti piekna, ngem madikayo met!

Ti Biblia (1973)

³⁴ Jerusalem, Jerusalem! a papatayem dagiti mammadto ken uburem dagiti maibaon kenca; namin-ano a kinayatco nga urnungen coma dagiti annacmo, cas iti upa urnungenna dagiti piecna iti siroc dagiti payacna, ket dicayo kinayat!

San Lucas 13:34 Iomraidhean Croise

Nehemias 9:26

“Ngem immalsa dagiti tattaom, ket saanda a nagtulnog kenka; tinallikudanda ti Lintegmo. Pinatayda dagiti profeta a nangballaag kadakuada, a nangibaga kadakuada nga agsublida kenka. Masansan a laisendaka.

Nehemias 9:30

Tinawen nga inan-anusam a binallaagam ida, ngem tuleng dagiti tattaom, uray no nagsao dagiti profeta. Ngarud, impalubosmo nga iturayan ida dagiti pagilian iti likmutda.

Dagiti Salmo 149:2

Agragsakka, Israel, gapu iti Namarsua kenka; agrag-okayo, tattao ti Sion, gapu iti ariyo!

Dagiti Salmo 17:8

Salaknibannak, kas panangsalluadmo iti ay-ayatem; salukobannak kadagiti bukodmo a payak

Dagiti Salmo 36:7

Nagpateg ketdin, O Dios, ti di agbalbaliw nga ayatmo! Agkamang dagiti tattao iti salinong dagiti payakmo.

Dagiti Salmo 57:1

Kaasiannak, O Dios; wen, kaasiannak, ta sika ti pagkamangak. Iti salinong dagiti payakmo, salaknibannak, agingga a makalabas amin a peggad.

Dagiti Salmo 81:13

No dumngeg la koma kaniak ti ilik, no agtulnog ti Israel kaniak,

Dagiti Salmo 91:4

Salukobannakanto kadagiti payakna, ket awanto ti pakaan-anoam. Salakniban ken aywanannakanto ti kinapudno ti Apo.

Isaias 30:15

Kuna ni Apo Dios, ti Nasantoan a Dios ti Israel, kadagiti tattao: “Agsublikayo. No agtalek ken makikappiakayo kaniak, masarakanyonto ti pigsa ken talged.” Ngem diyo kayat nga aramiden daytoy!

Isaias 50:2

“Apay a di nagtignay dagiti tattaok idi napanak kadakuada tapno isalakanko ida? Apay a dida simmungbat idi immawagak? Awan kadi ti bilegko a mangisalakan kadakuada? Mabalinko a bilinen ti taaw tapno agmaga; mapagbalinko a let-ang dagiti karayan ket matay dagiti ikan gapu iti kaawan ti danumda.

Jeremias 2:30

Awan serserbi ti panangdusak kadakayo; diyo kayat ti paisuro kaniak. Kaskayo la narungsot a leon, a nangpapatay kadagiti profetayo.

Jeremias 26:23

Insangpetda ni Urias ket pinapatay ni Ari Jehoyakim sana pinaipurruak ti bangkayna iti pagitaneman kadagiti nanumo a tattao.)

Jeremias 35:14

Nagtulnog dagiti kaputotan ni Jonadab iti imbilinna a saanda nga uminum iti arak. Agpapan ita, awan kadakuada ti uminum iti arak. Saanko nga insardeng ti panagsaok kadakayo ngem saandak a tinungpal.

Jeremias 35:17

Iti kasta, siak, ni Yahweh a Mannakabalin-amin a Dios ti Israel, idissuorkonto kadakayo a tattao ti Juda ken ti Jerusalem dagiti amin nga inkarik a pannakadadael. Aramidekto daytoy agsipud ta didak impangag ken didak sinungbatan idi inawagankayo.”

Jeremias 6:16

Kinuna ti Apo kadagiti tattaona, “Agtakderkayo iti nagkurosan ti kalsada ket iwarasyo ti panagkitayo. Saludsodenyo no sadino ti ayan dagiti kadaanan a dalan ken ti kapintasan a pagnaan. Magnakayo iti daytoy ket agbiagkayto iti urnos ken talna.” Ngem kinunada, “Saankami a magna iti dayta a dalan.”

Dungdung-aw 1:16

“Isut' gapuna nga agar-arubos dagiti luluak. Awan makaliwliwa ken makaparegta kaniak. Pinarmeknakami ti kabusor; awanen natda a sanikua dagiti tattaok.

Dungdung-aw 4:13

Ngem kasta ti napasamak! Nagbasol dagiti papadi ken profetana ket inyegda ti ipapatay dagiti awan basolna.

Oseas 11:2

No tunggal ayabak ida, umadayoda kaniak. Nagidatagda kadagiti daton. Datonda kadagiti didiosen a Baal. Nagpupuorda iti insenso para kadagiti imahen.

Oseas 11:7

Ipapilitda ti panangtallikudda kaniak. Umasugdanto gapu iti sangol nga awitda, ngem awanto ti makaisalakan kadakuada.

Joel 2:23

“Agragsakkayo, tattao ti Sion; agragsakkayo gapu iti impaay kadakayo ti Apo a Diosyo. Inikkannakayo iti tumutop nga umuna a tudo; nagbayakabak iti tiempo ti tudtudo ket kas iti sigud, inikkannakayo iti naladaw a tudo.

Zacarias 1:4

Diyo tuladen dagidi kapuonanyo. Idi un-unana, impakaammo kadakuada dagiti profeta ti saok. Binallaaganda ida nga idiandan dagiti dakes ken managbasol a panagbiagda. Ngem didak impangag wenno tinungpal.

San Mateo 22:3

Imbaonna dagiti adipenna a mangayab kadagiti naimbitaran, ngem dida kayat ti umay.

San Mateo 22:6

ket dagiti dadduma tiniliwda dagiti adipen sada pinarparigat ken pinatay ida.

San Lucas 15:28

Kasta unay ti pungtot ti inauna a kabsat ket dina kayat ti sumrek iti balay. Iti kasta, rimmuar ti amana a nangay-ayo kenkuana a sumrek.

San Lucas 19:44

Dadaelendakanto a mamimpinsan agraman dagiti amin a tattaom iti uneg ti padermo. Awanto ti bato nga ibatida iti sigud a yanna, ta dimo binigbig ti tiempo a yaay ti Dios tapno isalakannaka!”

San Lucas 23:28

Tinaliawna ida ket kinunana, “Babbai a taga-Jerusalem, didak sangsangitan! Dagiti bagbagiyo ken dagiti annakyo ketdi ti sangitanyo!

Dagiti Aramid 7:52

Adda kadi profeta a saan a pinagsagaba dagidi kapuonanyo? Pinatayda dagiti imbaon ti Dios, isuda a nangipakaammo idi iti yaay ti Nalinteg nga Adipen. Ket ita, liniputan ken pinatayyo.

Dagiti Aramid 7:59

Idi ub-uborenda ni Esteban, nagkararag iti Apo ket kinunana, “Apo Jesus, awatem toy kararuak!”

Dagiti Aramid 8:1

Immanamong ni Saulo iti pannakapapatay ni Esteban. Sumagmamano a lallaki a relihioso ti nangitanem ken ni Esteban, ket kasta unay ti panangdung-awda kenkuana. Iti dayta met la nga aldaw, nangrugi ti nakaro a pannakaidadanes ti iglesia idiay Jerusalem. Malaksid kadagiti apostoles, nawarawara dagiti amin a mamati iti entero a Judea ken Samaria.

Deuteronomio 32:29

Dida ammo no apay a naparmekda, dida maawatan ti napasamak kadakuada.

Deuteronomio 5:29

No kasta la koma a kanayon ti panagpampanunotda! Kanayon la koma nga agbutengda kaniak ken agtulnogda kadagiti amin a bilinko tapno nasayaatto latta ti kasasaadda ken dagiti kaputotanda.

Paltiing 11:8

Maiwalangto dagiti bangkayda iti kangrunaan a kalsada ti dakkel a siudad. Sodoma wenno Egipto ti naespirituan a naganna. Ditoy met a lugar ti nakailansaan ti Apoda iti krus.

Ruth 2:12

Gunggonaannaka koma ti Apo gapu iti inaramidmo. Wen, naan-anay koma ti gunggonam nga ited ti Apo a Dios ti Israel, isu a nagkamangam!”