San Lucas 13:32 - Ti Baro a Naimbag a Damag Biblia

³² “Inkay ibaga iti dayta nga aso,” insungbat ni Jesus kadakuada. “‘Ita ken inton bigat, paksiatek dagiti demonio ket mangagasak. Iti maikatlo nga aldaw, malpaskonton ti aramidko.’

Ti Biblia (1973)

³² Ket kinunana cadacuada: Incayo ket cunaenyo iti daydiay nasicap. Adtoy, paruarec dagiti sairo, ket mangagasac ita ken inton bigat, ket iti maicatlo nga aldaw agturpusac.

San Lucas 13:32 Iomraidhean Croise

Kanta ni Solomon 2:15

“Tiliwem dagiti musang nga agdadael iti mula, amangan no makastrekda iti agsabsabong a kaubasanta.”

Ezekiel 13:4

Dakayo nga Israelita, awan serserbi dagiti profetayo a kas kadagiti musang nga agnaed kadagiti rebrebba ti maysa a siudad.

Sofonias 3:3

Mayarig kadagiti mabisin a leon dagiti ofisialesna. Kasla mabisin a lobo dagiti ukomna—agumda unay ta alun-onenda ti matukmaanda ket awan uray tulang nga ipabigatda.

San Marcos 6:14

Naammoan amin dagitoy ni Ari Herodes gapu ta nagdinamagen ti nagan ni Jesus iti amin a lugar. Kinuna ti sumagmamano a tattao, “Nagungar ni Juan a Mammuniag! Isut' gapuna nga adda kenkuana daytoy a pannakabalin nga agaramid iti milagro.”

San Juan 10:32

“Adu ti naimbag nga aramid nga impaaramid kaniak ti Ama iti imatangyo,” kinuna ni Jesus kadakuada. “Ania kadagitoy ti gapu a panguboranyo kaniak?”

San Juan 19:30

Idi maramanan ni Jesus ti suka, kinunana, “Natungpalen.” Nagdumog ket natayen.

Hebreo 2:10

Rumbeng la unay ti inaramid ti Dios a namarsua ken manarawidwid iti amin a bambanag: Pinagbalinna a naan-anay ni Jesus babaen iti panagsagaba tapno iramanna dagiti adu nga annak iti dayagna. Ta ni Jesus ti mangidalan kadakuada iti pannakaisalakan.

Hebreo 5:9

Idi naaramidnan ti panggepna, nagbalin a pakaisalakanan nga agnanayon dagiti agtulnog kenkuana,

Hebreo 7:28

Kas mayannurot iti Linteg ni Moises, adda dagiti matudingan nga agbalin a nangato a padi, uray no adda pakapilawanda; ngem babaen iti kari a sinapataan ti Dios, a naud-udi nga immay ngem ti Linteg, matudingan ti Anak, isu a naaramid nga awan pakapilawanna iti agnanayon.