San Lucas 13:29 - Ti Baro a Naimbag a Damag Biblia

²⁹ Umayto dagiti tattao nga aggapu iti daya ken laud, iti amianan ken abagatan, ket sumangodanto a mangan idiay Pagarian ti Dios.

Ti Biblia (1973)

²⁹ Ket umaydanto manipud daya ken laud, ken manipud amianan ken abagatan, ket tumugawdanto idiay pagarian ti Dios.

San Lucas 13:29 Iomraidhean Croise

Genesis 28:14

Umadunto ti kaputotam—kaslanto tapok ti kaaduda. Agwarasdanto iti amin a lugar ket dawatento dagiti amin a nasion a bendisionak met ida a kas iti panangbendisionko kenka ken kadagiti kaputotam.

Isaias 43:6

Bilinekto ti amianan a palubosanna ida, ibagakto iti abagatan a dina igawid ida. Palubosanyo nga agsubli dagiti tattaok manipud kadagiti adayo a daga, manipud iti amin a suli ti lubong agawidda.

Isaias 49:6

Kinuna ti Apo kaniak, “Adda nangnangruna a trabaho nga ipaaramidko kenka nga adipenko! Saanmonto la nga isubli ti kinatan-ok dagiti Israelita a nakalasat, ngem pagbalinenkanto pay a silaw kadagiti pagilian— tapno maisalakan ti sangalubongan.”

Malakias 1:11

Agraem kaniak dagiti amin a tattao ditoy lubong. Iti sadinoman a disso, agpuorda iti insenso a maipaay kaniak ket agidatagda kadagiti makaay-ayo a daton. Isuda amin raemendak.

San Mateo 8:11

Laglagipenyo nga adunto ti aggapu iti laud ken daya a makisango iti panganan kada Abraham, Isaac ken Jacob iti Pagarian ti langit.

San Marcos 13:27

Ibaonnanto dagiti angheles a mapan kadagiti uppat a suli ti daga tapno ummongendanto dagiti tattao a pinili ti Dios manipud iti amin a paset ti lubong.”

San Lucas 13:30

“Kitaenyo, adda dagiti maudi ita nga umunanto, ket adda dagiti umuna ita a maudinto.”

Dagiti Aramid 28:28

Inggibus ni Pablo: “Masapul nga ibagak kadakayo tapno maammoanyo a naibaonen kadagiti Hentil dagiti mangipakaammo iti mensahe ti Dios maipapan iti pannakaisalakan. Dumngegdanto!”

Taga-Colosas 1:23

Masapul ngarud nga agtalinaedkayo a natibker ken natalged iti pammati. Diyo itulok a magunggonkayo ket mapukawyo ti namnama a nagun-odyo idi nangngegyo ti ebanghelio. Daytoy ti ebanghelio a naikaskasaba kadagiti amin a tattao ditoy lubong. Daytoy ti gapuna a siak, ni Pablo, nagbalinak nga adipen.

Taga-Colosas 1:6

Mangted ti ebanghelio kadagiti bendision ket agsaksaknap iti entero a lubong. Maar-aramid met daytoy kadakayo manipud idi damoyo a mangngeg ti maipapan iti parabur ti Dios ket naammoanyo ti kinapudno daytoy a parabur.