San Lucas 13:25 - Ti Baro a Naimbag a Damag Biblia

²⁵ “Inton tumakderen ti ama ti familia tapno mapanna irikep ti ruangan, mabatikayto iti ruar. Uray agtugtogkayo ket kunayo, ‘Apo, ilukatmo man ti ruangan,’ isungbatnanto kadakayo, ‘Diak ammo no taga-anokayo.’

Ti Biblia (1973)

²⁵ Inton ti ama ti sangacabbalayan simreken ket pinunitannan ti ruangan, ket mangrugicay nga agtacder iti ruar, ken tumugtog iti ruangan nga agcuncuna: Apo, Apo, ilucatannacami; ket isu sumungbatto ket cunaennanto cadacayo; Saancayo nga amammo ken no taga anocayo;

San Lucas 13:25 Iomraidhean Croise

Genesis 7:16

Kalpasanna, rinikpan ni Yahweh ti ruangan ti daong.

Dagiti Salmo 32:6

Ngarud, dagiti nalinteg a tattao, agkararagda koma kenka iti tiempo ti karigatna; no umay ti dakkel a layus ti riribuk, dinto dumanon kadakuada.

Isaias 55:6

Birokenyo ti Apo, ita ta masarakan pay, umawagkayo kenkuana, ita ta asideg pay.

San Mateo 25:41

“Kunananto kadagiti adda iti makannigidna: ‘Umadayokayo kaniak, dakayo nga inlunod ti Dios! Inkayo iti agnanayon nga apuy a naisagana iti Diablo ken kadagiti anghelesna.

San Lucas 13:27

Isungbatnanto manen, ‘Diak ammo no taga-anokayo. Umadayokayo kaniak, dakay amin a managdakdakes!’

San Lucas 3:8

Ipakitayo babaen iti aramidyo a nagbabawikayon kadagiti basbasolyo. Ket diyo kunkuna iti bagiyo: ‘Uray ta nagtaudkam iti kaputotan ni Abraham!’ Ibagak kadakayo a kabaelan ti Dios a pagbalinen dagitoy a bato nga annak ni Abraham!

San Lucas 6:46

“Apay nga awagandak iti ‘Apo, Apo,’ ngem diyo met aramiden ti ibagak?

2 Taga-Corinto 6:2

Ta kuna ti Dios, “Impangagka idi dumteng ti tiempo a pannakaipaayna, Tinulonganka idi dumteng ti aldaw nga isalakanka.” Dumngegkayo! Adtoyen ti tiempo a maiparbeng. Itan ti aldaw a pannakaisalakan!

Hebreo 12:17

Kas pagaammoyo, kayatna idi a maited koma met laeng ti pamendision ni amana, ngem napaay gapu ta awan ti mabirokanna a pamuspusan a mangbaliw iti inaramidna, uray no nagsangsangit a nangsapul iti daytoy.