San Lucas 13:19 - Ti Baro a Naimbag a Damag Biblia

¹⁹ Kastoy ti kayariganna: mangala ti maysa a tao iti bukel ti mostasa nga imulana iti minuyonganna. Nagtubo ket nagbalin a kayo, ket nagumokan dagiti tumatayab dagiti sangsangana.”

Ti Biblia (1973)

¹⁹ Mayarig iti bukel ti mostaza, nga innala ti maysa a tao ket inpuruacna iti minuyunganna; ket dimmackel ket nagbalin a cayo, ket dagiti tumatayab iti tangatang immaponda cadagiti sangsangana.

San Lucas 13:19 Iomraidhean Croise

Kanta ni Solomon 4:12

“Mayarig iti minuyongan ti ay-ayatek, naiputputong a hardin, adda bakud ken ubbogna a bukbukod.

Kanta ni Solomon 4:16

“Agriingka, O angin ti amianan; angin ti abagatan, pul-oyam ti hardinko tapno agwaras ti banglona. Umay koma ti ay-ayatek iti hardinna ket mangan kadagiti kaimasan a bungana.”

Kanta ni Solomon 6:2

“Napan ti kaayan-ayatko iti hardinna a pagtubtuboan dagiti kayo a balsamo. Ipapaarabna ti arbanna iti minuyongan ken agketkettel kadagiti lirio.

Kanta ni Solomon 8:13

Denggek man ti timekmo manipud iti hardin, ayatko, Dagiti kakaduak aggagarda a makangngeg kenka.”

Isaias 53:1

Isungbat dagiti tattao: “Adda ngata mamati iti ipadamagmi ita? Siasino ngata ti makabigbig iti pannakabalin ti Apo iti daytoy?

Isaias 53:10

Kuna ti Apo, “Nagayatak ti panagsagabana; maysa a daton ti ipapatayna a mangyeg iti pannakapakawan ti basol. Iti kasta, makitananto dagiti kaputotanna, ket atiddogto ti panagbiagna; isunto ti maaramat iti panagballigi ti panggepko.

Isaias 58:11

Kankanayonto nga idalankayo, ket itedkonto ti amin nga agkakaimbag a bambanag a kayatyo. Pagtalinaedenkayto a napigsa ken nasalun-at. Mayarigkayto iti hardin nga adu ti danumna, kas iti ubbog a pulos a di agmaga.

Isaias 61:11

Awan duadua nga isalakanto ni Apo Dios dagiti tattaona, ket agdaydayawto amin a pagilian kenkuana. Wen, awan duadua a kas iti panagtubo ti bukel ken idadakkelna.

Isaias 9:7

Dumakkelto a dumakkel ti bilegna a kas ari; addanto latta kappia iti pagarianna. Isunto ti sumukat ken ni Ari David nga agturay. Ibataynanto ti turayna iti kinapudno ken kinalinteg manipud ita ingganat' inggana. Aramiden nga aramiden amin daytoy ti Apo a Mannakabalin-amin.

Jeremias 31:12

Umaydanto agkanta a sirarag-o iti tapaw ti Bantay Sion. Maragsakandanto kadagiti sagsagutko a trigo, arak, ken lana, kadagiti karnero ken kadagiti baka. Kasdanto hardin a nasayaat ti pannakasibogna, addanto aminen a masapulda.

Ezekiel 31:6

Nagumok ti amin a kita ti tumatayab kadagiti sangana. Naganak dagiti atap nga animal iti sirokna. Naginana dagiti nasion iti linongna.

Daniel 4:12

Napintas dagiti bulongna. Nakaad-adu ti bungana nga umdas a kanen dagiti tattao iti entero a lubong. Naglinong dagiti atap nga animal iti sirokna. Nagumok dagiti billit iti sangana ket nangan dagiti amin a nabiag a parsua iti bungana.

Daniel 4:21

Napipintas dagiti bulongna ket umdas dagiti bungana a taraon ti sangalubongan. Naglinong dagiti atap nga animal iti sirokna ken nagumok dagiti tumatayab kadagiti sangana.

Zacarias 2:11

Iti dayta a tiempo, adunto a nasion ti kumamang iti Apo ket agbalindanto a tattaona. Makipagnaedto kadakayo, ket maammoanyonto nga imbaonnak kadakayo.

San Mateo 17:20

“Gapu ta bassit ti pammatiyo,” insungbat ni Jesus. “Laglagipenyo a no adda pammatiyo a kas iti kadakkel ti bukel ti mostasa, mabalinyo a kunaen iti daytoy a bantay, ‘Umaliska ket inka sadiay,’ ket umalis. Mabalinyo nga aramiden ti uray ania!”

San Marcos 4:30

Nagsaludsod ni Jesus: “Ania ti pangyarigantayo iti Pagarian ti Dios? Ania a pangngarig ti pangilawlawagtayo iti daytoy?

San Lucas 17:6

“No adda pammatiyo a kas iti kadakkel ti bukel ti mostasa,” insungbat ti Apo, “mabalinyo a kuna iti daytoy a kayo ti sikamoro, ‘Bag-utem ti bagim ket imulam iti taaw,’ ket agtulnog kadakayo.”

Dagiti Aramid 2:41

Adu kadakuada ti namati iti saona ket nabuniaganda. Iti dayta nga aldaw, ag-3,000 a tattao ti nainayon kadakuada.

Dagiti Aramid 21:20

Kalpasan ti panagdengngeg dagiti tattao ken ni Pablo, indaydayawda ti Dios. Kinunada kenkuana: “Kabsat, ammom daytoy. Rinibu dagiti Judio a nagbalin a mamati ket napasnekda nga agtulnog iti Linteg.

Dagiti Aramid 4:4

Ngem adu ti namati kadagiti nakangngeg iti mensahe da Pedro ken Juan. Aglimaribun ti bilang dagiti lallaki.

Taga-Roma 15:19

babaen iti pannakabalin dagiti pagilasinan ken milagro, ken babaen iti pannakabalin ti Espiritu. Isut' gapuna nga iti panagbibiahek manipud Jerusalem agingga idiay Ilirico, inaramidko amin a kabaelak a nangikasaba iti Naimbag a Damag maipapan ken ni Cristo.

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”