San Lucas 12:7 - Ti Baro a Naimbag a Damag Biblia

⁷ Uray dagiti buokyo, nabilangda amin. Isut' gapuna a dikay agbuteng ta napatpategkayo nga adayo ngem ti adu a sallapingaw.”

Ti Biblia (1973)

⁷ Ngem uray pay dagiti booc ti oloyo addada amin a nabilang. Dicay agbuteng: napatpategcayo ngem cadagiti adu a bil-lit tuleng.

San Lucas 12:7 Iomraidhean Croise

2 Samuel 14:11

“Natan-ok nga Ari,” kinuna ti babai, “ikararagmo koma iti Apo a Diosmo a saan nga ituloy dagiti kabagiak ti panggepda nga agibales ket patayenda ti anakko. Ta no ituloyda ti panggepda, makaaramidda iti nadagdagsen a basol.” “Isapatak iti nagan ti Apo a sibibiag nga awan ti pakaan-anoan ti anakmo,” insungbat ti ari.

Ti Libro ni Job 35:11

Dida agkamang iti Dios a mamagsirib kadatayo; pagbalinennatayo a nasirsirib ngem iti animal wenno tumatayab.

Dagiti Salmo 8:6

Pinagturaymo iti amin a parsua. Insaadmo amin a banag iti sakaananna:

San Mateo 12:12

Napatpateg nga adayo ti tao ngem ti karnero! Isut' gapuna nga ipalubos ti Linteg ti panagaramid iti naimbag iti Aldaw a Panaginana.”

San Mateo 6:26

Kitaenyo dagiti tumatayab: dida agmula, dida agani, dida agipempen iti kamalig. Ngem taraonan ida ni Amayo sadi langit. Saankayo aya a napatpateg ngem dagiti tumatayab?

San Lucas 21:18

ngem awanto ti uray maysa laeng a buok a mapukaw iti uloyo.

Dagiti Aramid 27:34

Dawatek ngarud a mangankayon. Kasapulanyo daytoy tapno pumigsakayo. Awan ti pakaan-anoan ti siasinoman kadakayo.”

1 Samuel 14:45

Ngem kinuna dagiti tattao ken ni Saul, “Rumbeng kadi a mapapatay ni Jonatan a nanggun-od iti daytoy naindaklan a balligi ti Israel? Saan! Ikarimi iti nagan ti sibibiag nga Apo a saan a maan-ano ti uray maysa la a buok ni Jonatan. Ti inaramidna ita nga aldaw, naaramid babaen ti tulong ti Dios.” Saan ngarud nga impalubos dagiti tattao a mapapatay ni Jonatan.