San Lucas 12:5 - Ti Baro a Naimbag a Damag Biblia

⁵ Ipakaammok kadakayo ti rumbeng a pagbutngan: Agbutengkayo iti Dios nga adda pannakabalinna a mangitappuak iti bagi idiay infierno kalpasan ti panangpapatayna. Wen, patiendak, isu ti pagbutnganyo!

Ti Biblia (1973)

⁵ Ngem ibagacto cadacayo, no asino ti pagbutnganyo. Pagbutnganyo day diay adda pannacabalinna a mangitappuac iti infierno, iti calpasan ti panangpapatayna; pudno a cunac cadacayo: Pagbutnganyo daydiay.

San Lucas 12:5 Iomraidhean Croise

Dagiti Salmo 9:17

Patay ti tungpal ti amin a managdakdakes, kasta met dagiti saan nga umawat iti Dios.

Dagiti Proverbio 14:26

Ti sibubuteng a panagdayaw ken iti Apo ikkanna ti talek ken talged ti maysa a tao ken ti familiana.

Jeremias 10:7

Siasino ti di agdayaw kenka, sika nga ari dagiti amin a nasion? Rumbeng a madaydayawka. Awan ti kas kenka kadagiti amin a mamasirib kadagiti nasion ken iti amin a pagarianda.

Jeremias 5:22

Siak ni Yahweh. Awan kadi ti panagbutengyo kaniak? Apay a dikay agkintayeg iti sangoanak? Inkabilko ti darat a beddeng ti baybay, maysa a permanente a bangen a dina maballasiw. Mabalin nga agdawel ti baybay ngem dina malabsan; mabalin nga agdaranudor dagiti dalluyon ngem dida malasat.

San Mateo 10:28

Dikay agbuteng kadagiti mangpapatay iti bagi, ngem dida mabalin a papatayen ti kararua. Agbutengkayo ketdi iti Dios, isu a makabalin a mangpatay iti bagi ken kararua idiay infierno.

San Mateo 25:41

“Kunananto kadagiti adda iti makannigidna: ‘Umadayokayo kaniak, dakayo nga inlunod ti Dios! Inkayo iti agnanayon nga apuy a naisagana iti Diablo ken kadagiti anghelesna.

San Mateo 25:46

Ngarud, dagitoyto ti mapan iti agnanayon a pannakadusa. Ngem mapanto dagiti nalinteg iti agnanayon a biag.”

San Mateo 5:22

Ngem ita, ibagak kadakayo a siasinoman a makapungtot iti kabsatna, maisaklangto iti ukom. Siasinoman nga agkuna iti kabsatna: ‘Awan serserbim,’ maisaklang iti Sanhedrin; ket ti agkuna iti kabsatna, ‘Maagka,’ sungbatannanto idiay infierno.

San Marcos 13:23

Agannadkayo! Impakaammokon kadakay amin dagitoy sakbay a mapasamakda.”

1 Taga-Tesalonica 4:6

Awan koma ngarud ti siasinoman a mangilupit wenno manggundaway iti kabsatna. Imbagamin daytoy ket nainget ti panangballaagmi kadakayo a dusaento ti Dios dagiti agaramid kadagiti kakastoy a kinadakes.

Hebreo 10:31

Nakabutbuteng ti matnag iti ima ti sibibiag a Dios.

2 Pedro 2:4

Saan a kinaasian ti Dios dagiti angheles a nagbasol. Intappuakna ketdi ida idiay infierno, iti kasipngetan a lugar a nakakawaranda, a pangur-urayanda iti idadateng ti Aldaw ti Panangukom.

Paltiing 14:7

“Agbutengkay iti Dios,” impukkawna, “ket agdaydayawkayo iti kinatan-okna! Ta dimtengen ti tiempo a panangukomna. Agdaydayawkayo iti Dios a namarsua iti langit, daga, taaw ken kadagiti ubbog.”

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 20:14

Kalpasanna, naitappuak ni Patay ken ti Hades iti dan-aw ti apuy. (Daytoy a dan-aw ti apuy ti maikadua nga ipapatay.)