San Lucas 12:24 - Ti Baro a Naimbag a Damag Biblia

²⁴ Kitaenyo dagiti wak. Dida agmula wenno agani. Awan kamalig wenno sarusarda. Nupay kasta, taraonan ida ti Dios. Napatpategkayo nga adayo ngem dagiti tumatayab!

Ti Biblia (1973)

²⁴ Panunutenyo dagiti wac, a dida agmula ket dida met agani ket awan ti pagidulinanda wenno agamangda, ket ti Dios taraonanna ida Anianto ketdin cadacayo a napatpategcayo nga adayu ngem dagiti tumatayab!

San Lucas 12:24 Iomraidhean Croise

Ti Libro ni Job 35:11

Dida agkamang iti Dios a mamagsirib kadatayo; pagbalinennatayo a nasirsirib ngem iti animal wenno tumatayab.

Ti Libro ni Job 38:41

Siasino ti mangpakan kadagiti wak no mabisin ken agkalkallautangda? Siasino ti mangpakan kadagiti urbonda, no umasugda kaniak gapu iti kaawan kanenda?

Dagiti Salmo 147:9

Ikkanna dagiti animal iti kanenda ken dagiti sibong ti wak no umarikiakda.

San Mateo 10:31

Isut' gapuna a dikay agbuteng ta napatpategkayo nga adayo ngem ti adu a sallapingaw.”

San Mateo 3:12

Adda kenkuana ti bigao a pangtaep iti irik. Urnongen ken idulinnanto ti irikna iti kamalig; ngem puorannanto ti taep iti apuy a di maiddep.”

San Mateo 6:26

Kitaenyo dagiti tumatayab: dida agmula, dida agani, dida agipempen iti kamalig. Ngem taraonan ida ni Amayo sadi langit. Saankayo aya a napatpateg ngem dagiti tumatayab?

San Marcos 6:26

Kasta unay ti liday ti ari. Ngem dina mabalin a paayen ti balasang gapu iti inkarina iti imatang dagiti amin a sangailina.

San Lucas 12:18

A, ammokon! Daytoy ti aramidek: Rakrakekto dagiti sarusarko, ket mangbangonakto kadagiti daddadakkel a pagipempenan iti apitko ken dadduma a sanikuak.

San Lucas 12:23

Napatpateg nga adayo ti biag ngem ti taraon, ket napatpateg met ti bagi ngem ti lupot.

San Lucas 12:7

Uray dagiti buokyo, nabilangda amin. Isut' gapuna a dikay agbuteng ta napatpategkayo nga adayo ngem ti adu a sallapingaw.”