San Lucas 12:21 - Ti Baro a Naimbag a Damag Biblia

²¹ Ket inggibus ni Jesus, “Kastanto ti pagbanagan dagiti agurnong iti adu a sanikua nga agpaay kadakuada, ngem napanglawda iti imatang ti Dios.”

Ti Biblia (1973)

²¹ Castoy ti agurnong ti gamgameng a maisagana kencuana, ket saan a nabacnang iti Dios.

San Lucas 12:21 Iomraidhean Croise

Dagiti Proverbio 13:7

Adda dagiti agimbabaknang ngem awananda. Adda met dagiti agimpapanglaw ngem adu ti sanikuada.

Oseas 10:1

Ubas nga adu ti bungana ti kayarigan idi dagiti tattao ti Israel. Bimmaknangda a bimmaknang ngem immadu met nga immadu dagiti altar a binangonda. Bimmaknang a bimmaknang ti dagada, ngem ad-adda met a pinapintasda dagiti adigi a bato a pagdaydayawanda.

Habakuk 2:9

Nakabutbuteng ti pagbanagam! Bimmaknang ti familiam gapu kadagiti tinakawmo ket pinadasmo a pagbalinen a natalged ti balaymo tapno saan a maan-ano iti ranggas ken peggad.

San Lucas 12:33

Ilakoyo ti amin a kukuayo ket ilimosyo ti paglakoanyo kadagiti napanglaw. Isaganaanyo dagiti bagbagiyo kadagiti supot a di marunot ken kadagiti di mapukaw a kinabaknang sadi langit. Ta sadiay saan a matakaw ken saan a mabuot.

San Lucas 16:11

Ngarud, no saankayo a matalek nga agaywan kadagiti naindagaan a gameng, kasano a mapagtalkankayo kadagiti napaypayso a gameng?

San Lucas 6:24

“Ngem asikayo pay, dakay a nabaknang ita, ta linak-amyon ti nam-ay ti biag!

Taga-Roma 2:5

Ngem gapu ta natangken ti panagul-ulom ken nasukirka, nakarkaronto ti pannakadusam inton Aldaw a maiparangarang ti pungtot ti Dios ken ti nalinteg a panangukomna.

2 Taga-Corinto 6:10

Uray no mapaladingitankami, naragsakkami latta. Kasla napanglawkami, ngem pabaknangenmi ti adu a tattao. Kasla awanankami, ngem iti kinaagpaysona, addaankami.

1 Timoteo 6:9

Ngem ti siasinoman nga agtarigagay a bumaknang, matnag iti sulisog ket maipalab-og iti adu a minamaag ken makadadael a tarigagay a mangirarem kenkuana iti pannakadadael ken pannakapukaw.

Santiago 2:5

Dumngegkayo, ingungotek a kakabsat! Dagiti napanglaw ditoy lubong ti pinili ti Dios tapno mapabaknang ti pammatida ken agbalinda a kameng ti Pagarian nga inkarina kadagiti agayat kenkuana.

Paltiing 2:9

Ammok dagiti pakariribukam. Ammok met a napanglawka, ngem iti kinapudnona, nabaknangka! Ammok pay dagiti pammadpadakes kenka dagiti agkunkuna a Judioda uray no saan met. Maysada a bunggoy nga agdaydayaw ken ni Satanas.