San Lucas 12:20 - Ti Baro a Naimbag a Damag Biblia

²⁰ Ngem kinuna ti Dios kenkuana: ‘Maag! Ita met la a rabii, matayka. Ket amin dagitoy nga urnongmo, siasinonto ti agtagikua?’”

Ti Biblia (1973)

²⁰ Ngem kinuna kencuana ti Dios: Nacuneng! ita a rabii masublian a dawaten kenca ti cararuam: ket dagiti adda nga insaganam asinonto ti agtagicua cadacuada?

San Lucas 12:20 Iomraidhean Croise

Jeremias 17:11

Ti tao a sinusuitik ti panagsapulna iti kuarta arigna iti tumatayab a mangukop iti itlog a dina kukua. Mapukaw ti kinabaknangna bayat ti kinaagtutubona, ket agbalin a maag iti kamaudiananna.

Ti Libro ni Job 27:8

Ania pay ti namnama dagiti awan diosna inton oras nga alaen ti Dios ti biagda?

1 Timoteo 6:7

Ania ti inyegtayo ditoy lubong? Awan! Ania ti mairuartayo iti lubong? Awan!

Dagiti Salmo 39:6

awan giddiatna iti anniniwan! Wen, ubbaw amin dagiti aramidna; agurnong iti kinabaknang ngem dina ammo no siasinonto ti agnam-ay iti sanikuana!

Santiago 4:14

Diyo ammo no anianto ti panagbiagyo inton bigat! Ngamin, mayarigkay iti angep nga agpukaw kalpasan ti apagdarikmat a panagparangna.

1 Taga-Tesalonica 5:3

Inton kuna dagiti tattao, “Nagtalna ken nagtalged ketdin,” isunto metten a kellaat nga agdissuor kadakuada ti pannakadadael. Kellaatto nga umay a kas iti rigat ti maysa a babai nga agpaspasikal. Ket awanto ti makalisi.

San Lucas 11:40

Maagkayo! Ti Dios a nangaramid iti akinruar, saanna aya nga inaramid met ti akin-uneg?

Dagiti Salmo 73:19

Apagdarikmat ti pannakaikisapda; nakabutbuteng ti paggibusanda.

Nahum 1:10

Mauramkayto agingga a dumapukayo, dakayo a mammartek, a kas iti siitsiitan a mula ken garami a nagango.

Dagiti Proverbio 28:8

No bumaknangka babaen iti panagpaanakmo iti pirak ken pananggundawaymo kadagiti tao, maitedto ti kinabaknangmo iti tao a naasi kadagiti napanglaw.

Dagiti Proverbio 11:4

Iti aldaw a sumangoka ken patay, awan ti maitulong kenka ti kinabaknangmo, ngem ti kinalinteg ti mangispal iti biagmo.

Dagiti Salmo 78:30

Ngem idi mangmanganda pay laeng, ken saanda pay a natilmon ti kanenda,

Ester 5:11

Impasindayagna kadakuada ti kinabaknangna ken ti kaadu dagiti annakna a lallaki. Impalangguadna pay ti panangingato ti ari kenkuana iti saad, nga isun ti kangatoan nga ofisial ket nangatngato ngem dagiti dadduma nga ofisiales ti ari.

Dagiti Salmo 49:10

Makita ti siasinoman nga uray dagiti masirib matayda, kasta met ti mapasamak kadagiti maag ken nengneng, ket mabati ti kinabaknangda kadagiti kaputotanda.

Dagiti Proverbio 10:2

Awan imbag nga ited kenka ti kinabaknang a nagtaud iti allilaw, ngem ti kinalinteg ti mangyadayo kenka ken patay.

Dagiti Proverbio 13:7

Adda dagiti agimbabaknang ngem awananda. Adda met dagiti agimpapanglaw ngem adu ti sanikuada.

Dagiti Proverbio 27:1

Dimo pagpasindayag ti masakbayan. Dimo ammo ti mapasamak manipud ita agingga no bigat.

Isaias 56:12

Kuna dagitoy a bartek: ‘Mangalatayo iti arak ket agpapastayo nga uminum. Kastoyto manen inton bigat ket ad-adunto pay!’”

Amos 6:13

Kasta unay ti panangipasindayagyo iti panangsakupyo iti ili ti Lodebar. Itangtangsityo a pinarmekyo ti Karnaim iti bukodyo a pigsa?

1 Timoteo 6:17

Bilinem dagiti babaknang ditoy lubong a dida agpaspasindayag ken dida italek ti namnamada iti kinabaknang a mapukawto met laeng. Agtalekda ketdi koma iti Dios, isu a sibubuslon a mangted iti amin a pagragsakantayo.