San Lucas 12:2 - Ti Baro a Naimbag a Damag Biblia

² Awan ti nailemmeng a dinto maiparangarang, ket awan met ti palimed a dinto mailatak.

Ti Biblia (1973)

² Ngem awan ti naabbungan a dinto maipatac; ken nailemmeng a dinto maammoan:

San Lucas 12:2 Iomraidhean Croise

Eclesiastes 12:14

Ukomento ti Dios dagiti amin nga aramidtayo, naimbag man wenno dakes, uray pay dagiti naaramid iti nalimed.

Jeremias 16:17

Makitak amin nga aramidda. Awan ti mailemmeng kaniak. Saan a nailinged kaniak ti basolda.

Oseas 8:13

Magustoanda ti agidatag iti sakrifisio, ket kanenda ti karne dagiti idatonda. Ngem siak, ni Yahweh, diak maragsakan kadakuada, ket ita malagipko ti basolda ket dusaek ida. Isublikto ida idiay Egipto.

San Marcos 4:22

Awan ti nailemmeng a dinto mailatak. Awan met ti palimed a di maammoan.

San Lucas 8:17

Ta awan ti nailemmeng a dinto mailatak, ket awan ti palimed a dinto maammoan ken maiparangarang.

Taga-Roma 2:16

Kas mayannurot iti Naimbag a Damag nga ikaskasabak, kastoyto ti maaramid iti dayta nga Aldaw inton ukomen ti Dios babaen ken ni Jesu-Cristo, ti amin a nalimed a pampanunot dagiti tattao.

1 Taga-Corinto 4:5

Ngarud, saankay a mangukom agingga iti dumteng ti naituding a tiempo. Wen, urayenyo ti yaay ti Apo ta isunto ti mangilatak kadagiti palimed ken mangibutaktak kadagiti panggep a naitalimeng iti puso ti tao. Ket awatento ti tunggal tao ti kaikarianna a pammadayaw nga aggapu iti Dios.

2 Taga-Corinto 5:10

Ta masapul a dumatagtay amin iti pangukoman ni Cristo tapno awatentayo ti rumbeng nga agpaay kadatayo, segun ti inaramidtayo, naimbag man wenno dakes, bayat ti panagbiagtayo.