San Lucas 12:15 - Ti Baro a Naimbag a Damag Biblia

¹⁵ Intuloyna a kinuna kadakuada amin: “Kitaenyo ket agannadkay iti amin a kita ti kinaagum. Ta ti pudno a biag ti tao saan a maibatay iti sanikua, uray no kasano ti kinabaknangna.”

Ti Biblia (1973)

¹⁵ Ket kinunana cadacuada: Kitaenyo ket agaluadcayo iti amin nga agum; ta ti biag ti tao saan nga adda iti caadu dagiti gameng a cupcupicupanna.

San Lucas 12:15 Iomraidhean Croise

1 Ar-ari 2:40

sinilyaanna ti asnona ket napan ken ni Ari Aquis tapno sapulenna dagiti tagabuna. Nasarakanna ida ket inyawidna ida.

Ti Libro ni Job 2:4

Simmungbat ni Satanas, “Kudil iti kudil. Isalda ti tao ti batogna a langit tapno agbiag.

Dagiti Salmo 10:3

Pagpangas ti managdakdakes ti dakes a tarigagayna; iti kinaagumna, agilunod ket laisenna ni Yahweh.

Dagiti Salmo 37:16

Napatpateg nga adayo ti sangkabassit a sanikua ti nalinteg ngem ti amin a kinabaknang ti managdakdakes.

Dagiti Salmo 62:10

Dikay agtalek iti aramid a naranggas; diyo namnamaen nga adda magun-odyo iti panagtakawyo; uray no umadu ti sanikuayo, saan nga isu ti pagtalkanyo.

Dagiti Proverbio 15:16

Nasaysayaat ti napanglaw nga adda panagbutengna iti Apo ngem ti nabaknang nga adda parikut ti biagna.

Dagiti Proverbio 16:16

Nasaysayaat nga adayo ti kinasirib ken ammo ngem ti balitok ken pirak.

Dagiti Proverbio 28:16

Naranggas ti agturay nga awan naimbag a panunotna. Atiddog ti panagturay ti gumura iti dakes.

Jeremias 6:13

Nanumo man wenno nangato a tao, kayatda ti bumaknang iti saan a nalinteg a pamuspusan. Uray dagiti profeta ken papadi saurenda dagiti tattao.

Ezekiel 33:31

Isut' gapuna nga agdudupudop dagiti tattaok nga umay dumngeg kenka, ngem dida tungpalen ti ibagam nga aramidenda. Napno iti ayat dagiti balbalikasda ngem dagiti inaagum nga aramidda.

Mikias 2:2

No adda talon a kayatda, alaenda latta. No adda balay a tarigagayanda, agawenda. Awan ti saanda a samsamen, familia man wenno sanikua.

Habakuk 2:9

Nakabutbuteng ti pagbanagam! Bimmaknang ti familiam gapu kadagiti tinakawmo ket pinadasmo a pagbalinen a natalged ti balaymo tapno saan a maan-ano iti ranggas ken peggad.

San Marcos 7:22

pannakikamalala, panagagum ken dadduma pay a kita ti kinadakes; panangallilaw, kinaderrep, kinaapal, pammadpadakes, kinapalangguad ken kinamaag.

San Lucas 12:16

Sinaritana kadakuada daytoy a pangngarig, “Adda idi baknang a nawadwad ti apitna.

San Lucas 16:14

Nangngeg dagiti Fariseo amin dagitoy, ket inuyawda ni Jesus agsipud ta naagumda iti kuarta.

San Lucas 21:34

“Agannadkayo amangan no malmeskay iti nalabes a panagragragsak, pannangan, ken panaginum ken kadagiti pakasikoran ti biag, amangan no kellaat a dumteng dayta nga Aldaw ket tiliwennakayo

San Lucas 8:14

Dagiti nagdisso iti ayan dagiti siitan a mula, kayariganda dagiti tattao a dumngeg; ngem dagiti pakaringgoran ken kinabaknang ken ragragsak ditoy a biag, leppesenda ida ket saan a matangkenan dagiti bungada.

1 Taga-Corinto 6:10

wenno dagiti agag-agaw, naagum, mammartek, mamadpadakes wenno dagiti mannanakaw—awanto kadakuada ti makipagtagikua iti Pagarian ti Dios.

Taga-Colosas 3:5

Ngarud, masapul nga iwaksiyo dagiti naidagaan a tarigagay a kas iti immoralidad, kinarugit, kinaderrep, kinarugso ken kinaagum (ta ti kinaagum maysa a kita ti panagrukbab iti didiosen).

2 Timoteo 3:2

Adunto dagiti tattao a naimut, naagum, napangas, ken napalangguad. Nauyawdanto, sukirendanto dagiti nagannak kadakuada, didanto bigbigen ti naimbag a nakem, awanto ti pammatida.

Hebreo 13:5

Dikay agagum iti kuarta. Mapnekkayo koman iti adda kadakayo. Ta kinuna ti Dios, “Dikanto panawan, dikanto baybay-an.”

Josue 7:21

Adda dagiti inagumak kadagiti nasamsamtayo; mairaman kadagitoy ti napintas a kagay Babilonia, agarup walo a libra a pirak ken maysa a barreta ti balitok nga agdagsen iti nasurok a dua a libra. Masarakanyo dagitoy a naikali iti uneg ti toldak, agraman ti pirak iti lansadna.”

2 Pedro 2:14

Kayatda a kaiddaen ti tunggal babai a makitada; saanda a mauma nga agbasol. Iturongda pay dagiti nakapuy iti pakatnagan. Iturayan ida ti kinaagum. Awan duadua a mailunoddanto!

2 Pedro 2:3

Gapu iti kinaagumda, pagsapuldanto ti panangipakaammoda kadagiti parbo a sarsarita. Ngem nabayagen a nakasagana ti Mangukom kadakuada, ket saan a matmaturog ti Mangdadael kadakuada.