San Lucas 12:14 - Ti Baro a Naimbag a Damag Biblia

¹⁴ “Gayyem,” insungbat ni Jesus, “siasino aya ti nangted kaniak iti kalintegan a mangeddeng wenno mangbingay iti tawidyo nga agkabsat?”

Ti Biblia (1973)

¹⁴ Ngem isu kinunana kencuana: Tao, asino ti mangicabil caniac a mangocom wenno mamagbingay cadacayo?

San Lucas 12:14 Iomraidhean Croise

Exodo 2:14

“Apay? Siasino kadi ti nangisaad kenka a mangituray ken mangukom kadakami?” insungbatna. “Patayennak met kadi a kas iti panangpataymo iti Egipcio?” Nagdanag ni Moises ket kinunana iti nakemna, “Naammoanda gayamen ti inaramidko.”

Mikias 6:8

Saan! Inlawlawag kadakayo ti Apo no ania ti naimbag. Daytoy ti dawatenna kadatayo: aramidentayo ti nalinteg, ipakitatayo ti di agbalbaliw a panagayat, ken agtulnogtayo a sipapakumbaba iti Diostayo.

San Lucas 12:13

Adda maysa a lalaki a naitallaong sadiay. “Maestro,” kinunana ken ni Jesus, “ibagam man iti kabsatko a lalaki a bingayenna ti sanikua a tinawidmi iti daydi amami.”

San Lucas 22:58

Iti saan a nabayag, nailasin met ti maysa a lalaki. “Maysaka met kadakuada,” kinunana ken Pedro. Ngem simmungbat ni Pedro, “Saanko a kadua ida!”

San Lucas 5:20

Idi makita ni Jesus ti pammatida, kinunana iti paralitiko, “Gayyem, napakawanen dagiti basbasolmo.”

San Juan 6:15

Idi madlaw ni Jesus nga umay dagiti tattao a mangala kenkuana tapno pilitenda nga isaad nga ari, nagpakni manen nga is-isuna kadagiti bambantay.

San Juan 8:11

“Awan, Apo,” insungbatna. Kinuna ni Jesus, “Uray siak, saanka a dusaen. Inkan, ket saanka nga agbasolen.”]

Taga-Roma 2:1

Gayyem, uray ania ti katataom, awan a pulos ti panggapuam a mangukom iti sabali. No ukomem dagiti sabsabali, ngem aramidem met dagiti ar-aramidenda, ta bagim met laeng ti uk-ukomem.

Taga-Roma 2:3

Sika a mangukom kadagiti sabsabali ngem aramidem met dagiti ar-aramidenda, ipagarupmo kadi a malisiam ti panangukom ti Dios?

Taga-Roma 9:20

Ngem siasinoka kadi, tao, a sumungbat iti Dios? Saan a kuna ti nadamili iti nangdamili kenkuana, “Apay nga inaramidnak a kastoy?”