San Lucas 11:51 - Ti Baro a Naimbag a Damag Biblia

⁵¹ Nangrugi iti pannakapapatay ni Abel agingga iti pannakapapatay ni Zacarias iti nagbaetan ti altar ken ti Nasantoan a Disso. Wen, ibagak kadakayo, madusanto dagiti tattao iti daytoy a kaputotan gapu amin kadagitoy a pammapatay.

Ti Biblia (1973)

⁵¹ Nanipud idi dara ni Abel agingga iti dara ni Zacarias, a natay iti nagbaetan ti altar ken ti santuario: wen, cunac cadacayo, a maisingirto itoy a caputotan.

San Lucas 11:51 Iomraidhean Croise

Genesis 4:2

Iti saan a nabayag, nangipasngay iti sabali nga anak a lalaki, ni Abel. Nagbalin ni Abel nga agpaspastor, ngem nagbalin a mannalon ni Cain.

Jeremias 7:28

Kunamto kadakuada: ‘Daytoy ti nasion a saan a nangipangag ken ni Yahweh a Diosda. Dida kayat ti paisuro. Awanen ti kinapudno. Dida pay ket sarsaritaenen.’”

Zacarias 1:1

Daytoy ti mensahe ti Apo nga impakaammona ken ni profeta Zacarias iti maikawalo a bulan iti maikadua a tawen a panagturay ni Dario a kas emperador ti Persia. (Ni Zacarias ti anak ni Barakias ken apoko ni Iddo.)

San Mateo 23:35

Iti kasta, madusakayto gapu iti pannakapapatay dagiti nalinteg a tattao manipud ken ni Abel agingga ken ni Zacarias nga anak ni Barakias a pinatayyo iti nagbaetan ti Templo ken ti altar.

Hebreo 11:4

Gapu ta adda pammati ni Abel, nangipaay iti Dios iti nasaysayaat a daton ngem ti daton ni Cain. Babaen iti pammatina, nagun-odna ti yaanamong ti Dios kas nalinteg a tao agsipud ta inawat ti Dios dagiti sagutna. Gapu iti pammati ni Abel, agsasao pay laeng uray no natayen.

Hebreo 12:24

Immasidegkayo ken ni Jesus a nangisayangkat iti baro a tulag ken iti naiparukpok a darana a mangipanamnama kadatayo kadagiti bambanag a nasaysayaat ngem ti dara ni Abel.

1 Juan 3:12

Saantayo nga agbalin a kas ken ni Cain a pinaiturayan iti Managdakdakes ket pinatayna ni Abel a kabsatna. Apay a pinatayna? Gapu ta dakes dagiti aramid ni Cain, ket nalinteg dagiti aramid ti kabsatna.