San Lucas 11:42 - Ti Baro a Naimbag a Damag Biblia

⁴² “Asikayo pay a Fariseo! Agpayso nga itedyo iti Dios ti apagkapullo ti apityo a menta, ruda ken dadduma pay a natnateng. Ngem diyo met ikaskaso ti kinalinteg ken panagayat iti Dios. Dagitoy ti rebbengyo a tungpalen ket diyo liwayan dagiti dadduma.

Ti Biblia (1973)

⁴² Ngem, asicay pay Fariseo! ta agbayadcayo ti pagcapul-lo ti yerbabuena, ti ruda ken ti amin a nateng; ket liclicanyo ti kinalinteg ken ti ayat ti Dios. Ngem dagitoy a banag rebbengyo coma nga inaramid a dicay met binaybay-an dagidiay.

San Lucas 11:42 Iomraidhean Croise

Nehemias 10:37

Ipanmi met kadagiti papadi iti Templo ti bellaay a maaramid iti umuna nga apit iti tinawen, kasta met dagiti dadduma a datonmi nga arak, lana ti olibo ken amin a kita ti frutas. Ipanmi kadagiti Levita, isuda nga agur-urnong kadagiti apagkapullo dagiti maapit iti dagami, dagiti apagkapullo dagiti apit iti talonmi.

Dagiti Proverbio 21:3

Aramidem ti naimbag ken nainkalintegan; ad-adda a maragsakan ni Yahweh iti dayta ngem ti panangidatagmo iti daton.

Eclesiastes 7:18

Dika unay aglablabes. No agdayaw ken agbutengka iti Dios, agballigika met laeng.

Mikias 6:8

Saan! Inlawlawag kadakayo ti Apo no ania ti naimbag. Daytoy ti dawatenna kadatayo: aramidentayo ti nalinteg, ipakitatayo ti di agbalbaliw a panagayat, ken agtulnogtayo a sipapakumbaba iti Diostayo.

Malakias 1:6

Kuna ti Apo a Mannakabalin-amin kadagiti papadi, “Raemen ti anak ti amana. Raemen met ti adipen ti apona. Siak ti amayo, ngem apay a didak dayawen? Siak ti apoyo, ngem apay a didak raemen? Lalaisendak, ngem saludsodenyo pay laeng, ‘Kasano ti pananglaismi kenka?’

Malakias 2:17

Nauman ti Apo kadagiti sasaoyo. Ngem saludsodenyo, “Ania ti nakaumaanna kadakami?” Babaen iti panagkunayo a naimbag iti imatang ti Apo a Mannakabalin-amin dagiti amin nga agaramid iti dakes. Kinapudnona, kunayo a maragsakan kadakuada. Wenno babaen iti panagsaludsodyo, “Sadino ti ayan ti Dios a makunkuna a nalinteg?”

Malakias 3:8

Saludsodek met: Rumbeng kadi a takawan ti maysa a tao ti Dios? Saan! Ngem taktakawandak. Kasano? Iti diyo pannangted iti naan-anay nga apagkapullo ken iti daton.

San Mateo 23:13

“Asikayo pay, dakayo a mamaestro iti Linteg ken dakayo a Fariseo! Aginsisingpetkayo! Serraanyo ti ruangan ti Pagarian ti Langit kadagiti tattao ngem dikay met sumrek ket paritanyo pay dagiti mayat a sumrek.

San Mateo 23:23

“Asikayo pay, dakayo a mamaestro iti Linteg ken dakayo a Fariseo! Aginsisingpetkayo! Itedyo ti apagkapullo dagiti rekrekado a mulayo kas iti yerbabuena, anis ken kumino, ngem diyo met tungpalen dagiti nasken a pannursuro ti Linteg a kas iti kinalinteg, kinamanangngaasi ken kinapudno. Dagitoy ti rebbengyo a tungpalen ket diyo liwayan dagiti dadduma.

San Mateo 23:27

“Asikayo pay, dakay a mamaestro iti Linteg ken dakay a Fariseo! Aginsisingpetkayo! Ta kaskayla napapudaw a tantanem a napintas ti buyada iti ruar, ngem iti uneg napnoda iti tultulang ken agruprupsa a bangkay dagiti natay.

San Lucas 18:12

Maminduaak nga agayunar tunggal lawas, ket itedko ti apagkapullo ti amin a masapulak.’

San Juan 5:42

Ngem am-ammokayo ket ammok nga awan ayatyo iti Dios.

1 Juan 4:20

Ulbod ti agkuna nga ay-ayatenna ti Dios ngem guraenna met ti kabsatna. Ta dina mabalin nga ayaten ti Dios a dina makita, no dina ayaten ti kabsatna a makitana.

1 Samuel 15:22

Kinuna ni Samuel: “Kaykayat kadi ti Apo ti maikkan iti daton ken sakrifisio ngem ti panagtungpal kenkuana? Nasaysayaat ti agtulnog kenkuana ngem ti agidaton iti kasayaatan a karnero.