San Lucas 11:41 - Ti Baro a Naimbag a Damag Biblia

⁴¹ Itedyo ketdi kadagiti napanglaw ti nagyan kadagiti tasa ken pingganyo, ket nadalusto aminen a banag kadakayo iti imatang ti linteg.

Ti Biblia (1973)

⁴¹ Nangrona pay, ti adda cadacayo ilimosyo; ket adtoy, dagiti amin a banag nadalusda cadacayo.

San Lucas 11:41 Iomraidhean Croise

Dagiti Salmo 112:9

Mangted a sibubuslon kadagiti adda kasapulanna, saanto nga agpatingga ti panangngaasina; mannakabalin ken raraemento dagiti tattao.

Dagiti Salmo 41:1

Nagasat ti tao a tumulong kadagiti napanglaw; isalakanto ni Yahweh iti tiempo ti riribuk.

Dagiti Proverbio 14:31

No idadanesmo dagiti napanglaw, insultoem ti Dios a nangparsua kadakuada; maysa a kita ti panagdaydayaw ti panangngaasi kadagiti nakurapay.

Dagiti Proverbio 16:6

Agtalinaedka a napudno ket pakawanento ti Dios ti basolmo. Agbutengka iti Apo ket awanto ti dakes a mapasamakmo.

Dagiti Proverbio 19:17

No ikkam ti napanglaw, kasla ni Yahweh ti nangtedam ket subadannakanto ti Apo.

Daniel 4:27

Ipangagmo ngarud, Natan-ok nga Ari, daytoy balakadko: Isardengmon ti panagbasolmo, agaramidka iti naimbag, ket kaasiam dagiti napanglaw tapno manayonto ti kinarang-aymo.”

San Mateo 26:11

Ta kankanayon nga adda dagiti napanglaw iti dennayo, ngem saan a kankanayon nga addaak iti arpadyo.

San Mateo 5:42

No adda dawatenda kenka, itedmo; no adda bulodenda kenka, ipabulodmo.”

San Marcos 7:19

ta saan a mapan iti pusona no di ket iti tianna ket kalpasanna rummuar.” (Iti panagkuna ni Jesus iti kastoy, impakaammona a mabalin a kanen ti amin a taraon.)

San Lucas 12:33

Ilakoyo ti amin a kukuayo ket ilimosyo ti paglakoanyo kadagiti napanglaw. Isaganaanyo dagiti bagbagiyo kadagiti supot a di marunot ken kadagiti di mapukaw a kinabaknang sadi langit. Ta sadiay saan a matakaw ken saan a mabuot.

San Lucas 16:9

Kinuna pay ni Jesus, “Ibagak ngarud kadakayo, pakigayyemyo dagiti naindagaan a sanikuayo tapno inton maibusankayo, maawatkayto iti agnanayon a pagtaengan.

San Lucas 18:22

Idi mangngeg daytoy ni Jesus, kinunana, “Adda pay maysa a pagkurangam. Ilakom amin a sanikuam samo ited kadagiti napanglaw ti naglakoam ket addanto kinabaknangmo sadi langit. Kalpasanna, umayka sumurot kaniak.”

San Lucas 19:8

Timmakder ni Zakeo ket kinunana iti Apo, “Denggem, Apo! Itedko kadagiti napanglaw ti kagudua ti sanikuak. No adda sinaurko, isublik kenkuana iti mamimpat a kaadu ti innalak.”

Dagiti Aramid 10:15

Nagsao manen ti timek, “Dimo ibilang a narugit ti dinalusan ti Dios.”

Dagiti Aramid 11:29

Nagnunumoan dagiti adalan ti mangted iti tulong kadagiti kakabsat nga agnaed idiay Judea segun ti kabaelan nga ited ti tunggal maysa.

Dagiti Aramid 24:17

“Kalpasan ti sumagmamano a tawen a kaawanko idiay Jerusalem, nagsubliak manen sadiay a mangted iti kuarta kadagiti kailiak ken mangiruknoy iti daton.

2 Taga-Corinto 8:12

No sigagagarkayo a mangted, awatento ti Dios ti sagut a maitedyo, saan a ti awan kadakayo.

Taga-Efeso 4:28

Ti mannanakaw, isardengnan ti agtakaw. Agtrabaho ketdi tapno mangged a sitatakneng iti kuarta nga agpaay kenkuana ket makatulong met kadagiti napanglaw.

Tito 1:15

Kadagiti nadalus, nadalus amin a banag. Ngem kadagiti natulawan ken awanan pammati, awan ti nadalus, agsipud ta narugit ti isip ken konsensiada.

Hebreo 13:16

Diyo liwayan ti agaramid iti naimbag ken ti panagtitinnulongyo, ta dagitoy ti daton a pakaragsakan ti Dios.

Hebreo 6:10

Nalinteg ti Dios. Dinanto lipaten ti aramidyo, kayatna a sawen, ti ayat nga impaayyo kenkuana babaen iti panangtulongyo ken ti panangtultulongyo pay laeng kadagiti kakabsatyo iti pammati.

Santiago 1:27

Ti pudno a relihion nga awan pakapilawanna iti imatang ti Dios Ama isu daytoy: Ti itutulong kadagiti ulila ken biuda iti nakakaasi a kasasaadda ken ti panagtalinaed a nadalus a di patulawan kadagiti kinadakes ditoy lubong.