San Lucas 11:40 - Ti Baro a Naimbag a Damag Biblia

⁴⁰ Maagkayo! Ti Dios a nangaramid iti akinruar, saanna aya nga inaramid met ti akin-uneg?

Ti Biblia (1973)

⁴⁰ Agcacacuneng, ti nagaramid iti akinruar saan aya nga isu met ti nagaramid iti akin-uneg?

San Lucas 11:40 Iomraidhean Croise

Genesis 1:26

Kalpasanna, kinuna ti Dios, “Ita, aramidentayo ti tao. Umaspingdanto kadatayo, ket kalanglangatayto ida. Iturayandanto dagiti ikan, dagiti tumatayab, ken amin nga animal a naamo ken naatap, dadakkel ken babassit.”

Genesis 2:7

Nangala ni Yahweh a Dios iti daga sa nangbukel iti tao. Insang-awna ti anges ti biag iti agong daytoy ket naaddaan iti biag.

Dagiti Salmo 14:1

“Awan Dios,” kuna ti maag iti pusona. Rinukerda amin ken makarimon dagiti aramidda; awan ti uray maysa nga agaramid iti naimbag.

Dagiti Salmo 33:15

Binukelna amin a pampanunotda, ket ammona amin nga aramidda.

Dagiti Proverbio 1:22

“Dakayo a maag, kasano pay kabayag ti kayatyo a kastoy ti kasasaadyo? Kaanonto a maumakayo a manglalais iti pannakaammo? Dikay kadi makasursuro?

Dagiti Proverbio 8:5

Inuubing kadi ti panagpampanunotyo? Agnakemkayo. Maagkayo kadi? Sursuroenyo ti makaawat.

Jeremias 5:21

Dumngegkayo, dakay a maag ken nakuneng a tattao, dakayo nga adda matana, ngem saan a makakita, dakayo nga adda lapayagna, ngem saan a makangngeg.

Zacarias 12:1

Daytoy ti sao ti Apo maipapan iti Israel, ti Apo a nangyukrad iti langit ken nangipasdek iti daga ken nangted iti biag ti tao. Kunana:

Numero 16:22

Ngem nagruknoy da Moises ken Aaron ket kinunada, “O Dios, sika ti pagtaudan ti amin a biag. No agbasol ti maysa a tao, apay a kapungtotmo ti entero a gimong?”

San Mateo 23:17

Maag a bulsek! Ania aya ti napatpateg? Ti balitok wenno ti Templo a mamagbalin a nasantoan ti balitok?

San Mateo 23:26

Bulsek a Fariseo! Dalusam pay nga umuna ti uneg ti tasa, tapno nadalusto met ti ruarna.

San Lucas 12:20

Ngem kinuna ti Dios kenkuana: ‘Maag! Ita met la a rabii, matayka. Ket amin dagitoy nga urnongmo, siasinonto ti agtagikua?’”

San Lucas 24:25

“Nagnengnengkayon!” kinuna ni Jesus kadakuada. “Nagrigatkayo ketdin a mamati kadagiti sinao dagiti profeta!

1 Taga-Corinto 15:36

Maag! No mangimulaka iti bukel, saan nga agtubo malaksid no matay.

Hebreo 12:9

Panunotentayo ti maipapan kadagiti bukodtayo nga amma: dinisiplinaandatayo ket nagraemtayo kadakuada. Ngarud, saan kadi nga ad-adda a rumbeng laeng nga awatentayo ti pannusa nga ipatay ti naespirituan nga Amatayo tapno agbiagtayo? Iti las-ud ti ababa a tiempo, dinusadatayo dagiti bukodtayo nga amma, kas maibatay iti ipagarupda a naimbag. Ngem no maipapan iti panagsagaba nga ipalak-am ti Dios, aramidenna daytoy a pagimbagantayo tapno agbalintayo a nasagradoan a kas kenkuana.