San Lucas 11:4 - Ti Baro a Naimbag a Damag Biblia

⁴ Pakawanennakami kadagiti basbasolmi, Ta pakawanenmi met dagiti amin a nakabasol kadakami. Dinakam iturong iti nakaro a pakasuotan.’”

Ti Biblia (1973)

⁴ Ket pacawanem cadacami dagiti basbasolmi; ta pacawanenmi met ti isu-amin a macautang cadacami. Ket dinacam iyeg iti pannacasulisog, (ngem isalacannacam ket iti dakes.)

San Lucas 11:4 Iomraidhean Croise

Genesis 48:16

Sapay koma ta bendisionan ida ti anghel a nangispal kaniak iti amin a dakes! Sapay koma ta agbiag kadakuada ti naganko ken ti nagan da ammak nga Abraham ken Isaac. Adunto koma ti annak ken kaputotanda.”

1 Ar-ari 8:34

ipangagmo koma dita langit nga ayanmo. Pakawanem dagiti tattaom ket isublim ida iti daga nga intedmo kadagiti kapuonanda.

1 Ar-ari 8:36

ipangagmo koma ida dita langit nga ayanmo. Pakawanem dagiti basol ti ari ken dagiti Israelita. Isurom koma ida iti tumutop a panagbiagda ket pagtudoem iti daga nga impatawidmo kadagiti tattaom.

Dagiti Salmo 121:7

Ilisinakanto ti Apo iti amin a peggad; aywanannakanto tapno awan pakaan-anoam.

Dagiti Salmo 25:11

Tungpalem ti karim, O Apo, pakawanem dagiti basolko ta aduda.

Dagiti Salmo 25:18

Imatangam dagiti amin a ladingit ken sagabaek, ket pakawanem dagiti amin a basolko.

Daniel 9:19

O Apo, timudennakami. O Apo, pakawanennakami. O Apo, denggennakami ket tulongannakami tapno maammoan ti amin a sika ti Dios. Dika koma agtaktak! Kukuam daytoy a siudad ken dagitoy a tattao.”

Oseas 14:2

Agsublikayo iti Apo ket yebkasyo daytoy a kararag a kas datonyo kenkuana: “Pakawanem koma dagiti basbasolmi ken ipangagmo koma ti kararagmi ket idaydayawdaka kas inkarimi.

San Mateo 18:35

Kalpasanna, kinuna ni Jesus, “Kastanto ti aramiden ni Amak sadi langit iti tunggal maysa kadakayo no iti pusoyo, diyo pakawanen ti kabsatyo.”

San Mateo 26:41

Agridam ken agkararagkayo tapno saankay a matnag iti sulisog. Sisasagana ti espiritu, ngem nakapuy ti lasag.”

San Lucas 11:5

Kinuna pay ni Jesus kadagiti adalanna: “Kas pangarigan, iti tengnga ti rabii, mapan ti maysa kadakayo iti balay ti maysa a gayyemna ket kunana, ‘Gayyem, pabulodannak man iti tallo a tinapay.

San Lucas 13:4

“Ket ania met ti panangipagarupyo kadagidi sangapulo ket walo a natay a nagaburan idi narba ti torre idiay Siloe? Ipagarupyo kadi a daytoy ti mangipaneknek a dakdakesda ngem dagiti amin a tattao nga agnaed idiay Jerusalem?

San Lucas 22:46

“Apay a matmaturogkayo?” kinunana kadakuada. “Bumangonkayo ket agkararagkayo tapno saankayo a matnag iti sulisog.”

San Lucas 8:13

Dagiti nagdisso iti kabatoan, iladawanda dagiti tattao a dumngeg iti mensahe ken awatenda a siraragsak. Ngem saan nga umuneg ti mensahe kadakuada. Mamatida iti apagbiit, ngem suminada no dumteng ti tiempo a pannakasuot.

San Juan 17:15

Diak dawaten nga ipanawmo ida ditoy lubong, no di ket salaknibam ida iti Managdakdakes.

1 Taga-Corinto 10:13

Tunggal sulisog nga umay kadakayo, gagangay a dumteng iti tao. Ngem tungpalen ti Dios ti karina; dina ipalubos a masulisogkayo iti nalabes a diyo kabaelan a sarangten. No masulisogkayo, ikkannakayo iti pigsa a mangibtur, ket iti kasta, makalisikayo.

Taga-Colosas 3:13

No adda pagkunaan ti maysa ken maysa, agiinnanus ken agpipinnakawankayo. Masapul nga agpipinnakawankayo a kas iti panangpakawan ti Apo kadakayo.

2 Taga-Tesalonica 3:3

Ngem mapagtalkan ti Apo. Papigsaen ken salaknibannakayto iti Managdakdakes.

2 Timoteo 4:18

Ispalennakto ti Apo iti amin a kinadakes, ket alaennakto nga awan pakaan-anoak iti nailangitan a Pagarianna. Maipaay koma kenkuana ti dayag nga awan inggana! Amen.

Santiago 2:13

Ta dinto mangngaasi ti Dios inton ukomenna ti tao a di nangngaasi; ngem inton oras ti panangukom, agballiginto ti kaasi.

Paltiing 2:10

Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.