San Lucas 11:39 - Ti Baro a Naimbag a Damag Biblia

³⁹ Ngem kinuna ti Apo kenkuana, “Dakayo a Fariseo, dalusanyo ti ruar ti tasa ken pinggan, ngem napno ti unegyo iti ranggas ken kinadakes.

Ti Biblia (1973)

³⁹ Ket ti Apo kinunana kencuana: Ita dacayo a Fariseo ugasanyo ti ruar ti vaso ken pinggan; ngem ti unegyo napno ti panagsamsam ken kinadakes.

San Lucas 11:39 Iomraidhean Croise

Genesis 6:5

Nakita ni Yahweh a nalabesen ti kinadakes dagiti tattao iti daga ket bin-ig a kinadakes ti pampanunotenda.

2 Cronicas 25:2

Napintas dagiti aramidna iti imatang ni Yahweh nupay saan a napasnek iti daytoy.

Dagiti Salmo 22:13

Ungapenda dagiti ngiwatda kaniak; arigda ti ngumerngernger a leon a sigagagar a mangalun-on.

Dagiti Proverbio 26:23

Ti saan a naimpusoan a panagsao a mangilinged iti pudno a pampanunotem mayarig iti pirak a nakalupkopan iti damili.

Dagiti Proverbio 26:25

Napintas a denggen, ngem dimo patpatien, agsipud ta adda pito a makarimon iti pusona.

Dagiti Proverbio 30:12

Adda dagiti tattao a mangipagarup a nadalus ti biagda idinto nga iti kinapudnona, kasta unay ti kinarugitda.

Jeremias 4:14

Jerusalem, dalusam ta pusom iti kinadakes tapno maisalakanka. Kasano pay kabayag ti panagpampanunotmo iti dakes?

Ezekiel 22:25

Arig dagiti papangulo dagiti leon a mangngerngernger kadagiti animal a pinatayda. Patayenda dagiti tattao, alaenda amin a kuarta ken sanikua a masarakanda, ket adu a babbai ti mabalo gapu kadakuada.

Ezekiel 22:27

Kasla lobo dagiti ofisiales ti gobierno a mangrangrangkay kadagiti animal a pinapatayda. Agpapatayda tapno bumaknangda.

Sofonias 3:3

Mayarig kadagiti mabisin a leon dagiti ofisialesna. Kasla mabisin a lobo dagiti ukomna—agumda unay ta alun-onenda ti matukmaanda ket awan uray tulang nga ipabigatda.

San Mateo 15:19

Ta ti puso ti pagtaudan dagiti dakes a pampanunot a mangiturong kenkuana a pumatay, makikamalala, agderrep, agtakaw, agulbod ken mamadpadakes.

San Mateo 7:15

“Agannadkayo kadagiti sinan-profeta. Umayda kadakayo ket agparangda a kas karnero, ngem iti kinapudnona, narawetda a lobo.

San Lucas 16:15

Kinuna ni Jesus kadakuada, “Agparangkayo a kasla nalinteg iti imatang dagiti tattao. Ngem ammo ti Dios ti naguneg iti pusoyo. Ta dagiti ibilang ti tao a kas napateg awan kaes-eskanna iti imatang ti Dios.

San Lucas 7:13

Naasian ti Apo idi makitana ti ina. “Dika agsangsangit,” kinunana kenkuana.

San Lucas 7:19

Imbaon ni Juan ida iti Apo tapno saludsodenda daytoy, “Sika kadi ti umay a kuna ni Juan, wenno aguraykami pay iti sabali?”

San Juan 12:6

Sinaona daytoy, saan a gapu ta isakitna dagiti napanglaw, no di ket gapu ta mannanakaw. Isu ti agig-iggem iti kuarta, ket masansan a mangala iti maurnong.

San Juan 13:2

Madama idi ti panangrabii ni Jesus ken dagiti adalanna. Inserrek ti Diablo iti panunot ni Judas nga anak ni Simon Iscariote ti panggep a mangliput ken ni Jesus.

Dagiti Aramid 5:3

Kinuna ni Pedro, “Ananias, apay a pinaiturayanka ken ni Satanas ket inulbodmo ti Espiritu Santo babaen iti panangilemmengmo iti dadduma a naglakoam?

Taga-Galacia 1:14

Inartapak ti kaaduan kadagiti kasadarak ken kailiak a Judio iti panangannurot kadagiti annongen ti Judaismo. Napaspasnekak ngem isuda a nangannurot kadagiti pannursuro dagiti kapuonak.

2 Timoteo 3:5

Agparangdanto a relihioso ngem saan met a makita iti biagda ti pudno a bileg ti relihion. Adaywam dagitoy a tattao.

Tito 1:15

Kadagiti nadalus, nadalus amin a banag. Ngem kadagiti natulawan ken awanan pammati, awan ti nadalus, agsipud ta narugit ti isip ken konsensiada.

Santiago 4:8

Umasidegkay iti Dios, ket umasidegto met ti Dios kadakayo. Dakayo a managbasol, buggoanyo dagiti imayo! Dakayo nga aginsisingpet, dalusanyo dagiti pusoyo!