San Lucas 11:36 - Ti Baro a Naimbag a Damag Biblia

³⁶ Isut' gapuna a no nalawag ti entero a bagim, ket awan ti pasetna a nasipnget, pasigto a nalawag a kasla silsilnagannaka ti maysa a naraniag a silaw.”

Ti Biblia (1973)

³⁶ No ngarud ti amin a bagim nalawag ket awan ti pasetna a nasipnget, isu-amin nalawagto, a cas iti silaw no silnagannaca iti lawagna.

San Lucas 11:36 Iomraidhean Croise

Dagiti Proverbio 1:5

Manayonan dagitoy a proberbio ti pannakaammo dagiti masirib. Maidalanda dagiti adda adalna,

Dagiti Proverbio 20:27

Inted ni Yahweh kadatayo ti panunot ken konsensiatayo; ditay mailemmeng ti kinasiasinotayo.

Dagiti Proverbio 6:23

Mayarig iti naraniag a silaw dagiti pannursuroda; isurodaka nga agbiag.

Isaias 42:16

“Idalankonto dagiti bulsek a tattaok kadagiti dalan a dida pay nagnaan. Pagbalinekto a lawag ti sipnget nga ayanda; pasayaatekto dagiti lasong-lasong a disso. Aramidek dagitoy nga awan duadua.

Isaias 8:20

Kastoyto ti isungbatyo kadakuada, “Ipangagyo ti isursuro kadakayo ti Apo! Diyo ipangag dagiti makiuman kadagiti natay ta awan magunggonayo iti ibagada kadakayo.”

Oseas 6:3

Agpakumbabatayo iti imatang ti Apo. Ikagumaantayo ti mangbigbig kenkuana. Awan duadua ti yaayna kadatayo, kas iti idadateng ti parbangon, kas iti damo a tudo a mangsibog iti daga.”

San Mateo 13:52

Iti kasta, kinuna ni Jesus kadakuada, “Ngarud, kayatna a sawen a tunggal maestro iti Linteg nga agbalin nga adalan iti Pagarian ti Langit, mayarig iti agtagibalay a mangiruar kadagiti baro ken daan a gameng iti kuarto a pagiduldulinanna.”

San Mateo 5:15

Awan ti tao a manggangat iti pagsilawan sana kaluban. Iparabawna ketdi iti nairanta a pagsaadanna tapno aglawag kadagiti amin a tattao nga adda iti balay.

San Lucas 11:35

Agannadka ngarud tapno ti silaw nga adda kenka saan a kinasipnget.

San Lucas 11:37

Kalpasan ti panagsao ni Jesus, inawis ti maysa a Fariseo a makipangan kenkuana. Napan ni Jesus ket simmango iti panganan.

2 Taga-Corinto 4:6

Ti Dios a nagkuna, “Agraniag ti silaw manipud iti kasipngetan!” ket isu met laeng ti Dios a nangted iti silawna kadagiti pusomi tapno maammoanmi ti dayag ti Dios iti rupa ni Cristo.

Taga-Efeso 4:14

Ket saantayton a kasla ubbing wenno bassit a bangka a yallo-allon dagiti dalluyon wenno yalla-alla ti agbaliwbaliw nga angin. Kasta ti mapasamak iti panangisuro dagiti manangallilaw a tattao. Mangyaw-awanda babaen kadagiti ulbod nga ibagbagada.

Taga-Colosas 3:16

Agtalinaed koma kadagiti pusoyo ti mensahe ni Cristo iti amin a kinabaknangna. Agsisinnuro ken agbibinnalakadkayo iti amin a kinasirib. Agkantakayo kadagiti salmo, himno ken naespirituan a kankanta, a napno ti pusoyo iti panagyaman iti Dios.

Hebreo 5:14

Iti sabali a bangir, ti natangken a taraon, agpaay kadagiti nataengan, isuda a nasursuroan a mangaramat kadagiti panunotda a mamaglasin iti naimbag ken dakes.

Santiago 1:25

Ngem ti sipapasnek a mangadal ken sigaganetget a mangannurot iti naan-anay a linteg a mangwayawaya iti tao, ken dumngeg ket saanna a lipaten ti mangngegna no di ket tungpalenna pay, paraburanto ti Dios iti aniaman nga aramidenna.

2 Pedro 3:18

Dumur-askayo iti parabur ken pannakaammoyo ken ni Jesu-Cristo nga Apo ken Mangisalakan kadatayo. Itan-ok ken idaydayawtayo ni Cristo, ita agingga iti agnanayon! Amen.