San Lucas 11:32 - Ti Baro a Naimbag a Damag Biblia

³² Inton Aldaw ti Panangukom, tumakderto dagiti taga-Nineve a mangidarum kadakayo, ta nagbabawida kadagiti basbasolda idi nangngegda ti panangaskasaba ni Jonas. Adda ditoy, ibagak kadakayo, ti maysa a natantan-ok ngem ni Jonas!”

Ti Biblia (1973)

³² Dagiti tao sadi Ninive tumacderdanto iti panangocom a maigiddan itoy a caputotan, ket panecnecandanto ti maibusor cadacuada; ta nagbabawida iti panangascasaba ni Jonas; ket adda ditoy ti dacdackel ngem ni Jonas.

San Lucas 11:32 Iomraidhean Croise

Jonas 3:4

Rinugian ni Jonas a sinursor ti siudad. Kalpasan ti agmalmalem a pannagnana, impakdaarna: “Uppat a pulo nga aldaw manipud ita, madadaelto ti Nineve!”

Jonas 3:5

Namati dagiti taga-Nineve iti mensahe ti Dios. Ngarud, inkeddengda a masapul nga agayunar ti tunggal maysa ket nagkawes dagiti amin a tao iti nakersang a lupot, natan-ok man wenno nanumo, a mangipakita iti panagbabawida.

Jonas 4:9

Ngem kinuna ti Dios kenkuana, “Tumutop kadi nga agpungtotka gapu iti napasamak iti mula?” Insungbat ni Jonas, “Wen, rumbeng nga agpungtotak. Saan a maep-ep ti pungtotko ket uray isun ti pakatayak.”

San Mateo 12:39

“Anian a nagdakes dagiti tattao kadagitoy nga aldaw! Awan pammatida iti Dios,” insungbat ni Jesus. “Agdawatkayo iti milagro? Awan ti maipakita kadakayo no di laeng ti milagro ni profeta Jonas.

San Mateo 12:41

Inton Aldaw a Panangukom, tumakderto dagiti taga-Nineve a mangpabasol kadakayo, ta nagbabawida kadagiti basbasolda idi nangngegda ti panangaskasaba ni Jonas. Ibagak kadakayo nga adda ditoy ti maysa a natantan-ok ngem ni Jonas.

San Lucas 11:31

“Inton Aldaw ti Panangukom, tumakderto ti Reyna iti Abagatan a mangidarum kadagiti tattao iti daytoy a kaputotan agsipud ta nagdaliasat manipud iti pagilianna tapno umayna denggen ti nainsiriban a pannursuro ni Solomon. Ibagak kadakayo, adda ditoy ti maysa a natantan-ok ngem ni Solomon.

Hebreo 7:26

Ngarud, ni Jesus ti Kangatoan a Padi a makaaramid iti amin a kasapulantayo. Nasantoan, awan tulaw wenno basolna, naisina kadagiti managbasol ket naipangato sadi langit.