San Lucas 11:22 - Ti Baro a Naimbag a Damag Biblia

²² Ngem no rauten ken parmeken ti napigpigsa a lalaki, agawenna amin ti armas a nagtaltalkan ti akimbalay. Kalpasanna, bingbingayenna dagiti tinakawna.

Ti Biblia (1973)

²² Ngem no umay ti napigpigsa ngem isu, ket abakennanto, alaennanto kencuana dagiti isu-amin nga igamna a nagcammatalcanna, ket bingayenna dagiti inabacna.

San Lucas 11:22 Iomraidhean Croise

Genesis 3:15

Pagginnuraenkayto iti babai. Saanto nga agpatingga ti panagbinnusor dagiti kaputotanyo. Rim-itento ti kaputotanna ti ulom ket kagatemto met ti mukodna.”

Exodo 15:9

‘Kamatentay ida. Tiliwentay ida,’ kinuna ti kabusor. ‘Bingayentayo ti kinabaknangda ket alaentayo ti amin a kayattayo; asutentayo ti kampilantayo, ket alaentayo amin nga adda kadakuada.’

Isaias 27:1

Iti dayta nga aldaw, usarento ti Apo ti nabileg ken makapatay a kampilanna a pangdusa iti Leviatan, dayta agkalkalawikiw ken agtirtiritir a dragon, ket gudasenna dayta nakabutbuteng a parsua nga agnaed iti taaw.

Isaias 53:12

Ikkakto ngarud iti natan-ok a saad, saad a maipaay kadagiti natan-ok ken nabileg a tattao. Siaayat a nangted iti biagna, ket naibilang kadagiti managdakdakes. Innalana ti lugar dagiti adu a managbasol, ket sinagabana ti dusa a maipatay kadakuada.”

San Lucas 11:21

“No bantayan ti napigsa a lalaki ti balayna ket sisasagana ti amin nga armasna, saan a maan-ano dagiti sanikuana.

San Lucas 11:23

“Ti saan a makikadua kaniak, busorennak. Ti saan a tumulong kaniak nga agurnong, agiwara.”

Taga-Efeso 6:11

Ikawesyo ti amin a kabal nga ited ti Dios tapno mabalinyo a sarangten dagiti pangallilaw ti Diablo.

Taga-Efeso 6:13

Ngarud, ikabilyo ti salaknib nga inted kadakayo ti Dios! Iti kasta, inton dumteng ti dakes nga aldaw, mabalinyonto a sarangten ti kabusor, ket kalpasan ti pannakigubatyo, addakayto pay laeng a nakatakder a sisasagana iti irarautna ma-nen.

Taga-Colosas 2:15

Iti dayta a krus, pinarmek ni Cristo dagiti naespirituan nga agtuturay ken pannakabalin. Impabuyana ida a sipupungo iti parada ti panagballigina.

1 Juan 3:8

Ngem kadua ti Diablo ti saan a sumardeng nga agbasol, ta nagbasolen ti Diablo manipud pay idi punganay. Daytoy ti gapuna nga immay ti Anak ti Dios tapno dadaelenna dagiti aramid ti Diablo.

1 Juan 4:4

Ngem kukuanakayo ti Dios, annakko, ket naparmekyon dagiti sinan-profeta, agsipud ta nabilbileg ti Espiritu nga adda kadakayo ngem ti espiritu nga adda kadagiti taga-lubong.