San Lucas 11:2 - Ti Baro a Naimbag a Damag Biblia

² Kinuna ni Jesus kadakuada, “No agkararagkayo, kastoy ti kunayo: ‘Amami, Madaydayaw koma ti nasantoan a naganmo; Umay koma ti Pagariam.

Ti Biblia (1973)

² Ket kinunana cadacuada: No agcararagcayo, cunayo: Amami, (nga addaca sadi langit.) Madaydayaw coma ti naganmo. Umay coma ti pagariam. (Maaramid coma ti pagayatam, no casano idiay langit, casta met ditoy daga.)

San Lucas 11:2 Iomraidhean Croise

1 Ar-ari 8:43

ipangagmo koma ti kararagna. Ipangagmo koma dita langit a taengmo ket patgam ti dawatna kenka tapno maammoan ken agbuteng dagiti amin a tattao ditoy lubong a kas iti panagbuteng kenka dagiti tattaom. Maammoandanto a daytoy a Templo a binangonko ti lugar a pagdaydayawan kenka.

2 Ar-ari 19:19

Ita, O Apo a Diosmi, ispalennakami kadagiti Siriano tapno maammoan dagiti amin a nasion a siksika laeng, O Apo, ti Dios.”

2 Cronicas 20:6

ket inkararagna iti napigsa: “O Apo a Dios dagiti kapuonanmi, manipud iti langit nga ayanmo, iturayam amin a pagilian ditoy lubong. Mannakabalin ken nabilegka, ket awan ti makabael a bumusor kenka.

Dagiti Salmo 103:20

Idaydayawyo ti Apo, dakayo a mannakabalin ken napipigsa nga anghelesna, dakayo a dumngeg ken agtulnog iti bilinna.

Dagiti Salmo 108:5

Iparangmo sadi langit, O Dios, ti tan-okmo, ken iti entero a daga, ti dayagmo.

Dagiti Salmo 11:4

Adda ti Apo iti nasantoan a templona; adda idiay langit ti tronona. Sipsiputanna dagiti tattao iti amin a lugar ket ammona no ania dagiti ar-aramidda.

Dagiti Salmo 57:11

Ipakitam ti kinatan-okmo, O Dios, iti tangatang, ken ti dayagmo a mangpunno iti entero a daga.

Eclesiastes 5:2

Panunotem nga umuna ti isaom ket dika agdarasudos nga agkari iti Dios. Adda ti Dios sadi langit ket addaka ditoy daga; isut' gapuna a dimo lablabsen ti panagsaom.

Isaias 63:16

Sika ti Amami. Dinakam matulongan da Abraham ken Jacob a kapuonanmi, ngem sika, O Apo, ti Amami. Sika ti nangis-ispal kadakami.

Ezekiel 36:23

Inton iparangarangko kadagiti nasion ti kinasanto ti naindaklan a naganko—ti naganko a tinulawanyo kadakuada—maammoandanto a siak ti Apo.’ Siak nga Apo a Dios ti nangibaga iti daytoy. Aramatenkayto a mangipakita kadagiti nasion iti kinasantok.

Daniel 2:28

Ngem adda Dios sadi langit a makaibaga kadagiti palimed. Impakaammona kenka, Natan-ok nga Ari, ti mapasamak iti masakbayan. Daytoy ti tagtagainep, ti parmatam idi matmaturogka.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Daniel 7:18

Awatento dagiti tattao ti Kangatoan a Dios ti pannakabalin a mangituray iti pagarian ket tagikuaendanto iti agnanayon nga awan inggana.”

Daniel 7:27

Maitedto ti pannakabalin ken ti kinatan-ok dagiti amin a pagarian ditoy lubong kadagiti tattao ti Kangatoan a Dios. Agturaydanto iti agnanayon ket agserbi ken agtulnogto kadakuada dagiti amin a pagarian ditoy daga.”

Oseas 14:2

Agsublikayo iti Apo ket yebkasyo daytoy a kararag a kas datonyo kenkuana: “Pakawanem koma dagiti basbasolmi ken ipangagmo koma ti kararagmi ket idaydayawdaka kas inkarimi.

Levitico 10:3

Kalpasanna, kinuna ni Moises ken ni Aaron, “Daytoy ti kayat a sawen ti Apo idi kinunana, ‘Masapul a raemen dagiti amin nga agserserbi kaniak ti kinasantok. Iparangarangkonto ti dayagko kadagiti tattaok.’” Ngem nagulimek ni Aaron.

Levitico 22:23

Kas daton nga agtaud iti bukodyo a nakem, mabalinyo nga idatag ti animal a saan a nasayaat ti panagdakkelna, ngem saan a maawat a daton a pagtungpal iti kari.

Habakuk 2:14

Ngem mapnonto ti daga iti pannakaammo iti dayag ni Yahweh a kas iti pannakapunno dagiti taaw iti danum.

San Mateo 10:32

“Siasinoman a mangipaduyakyakto kaniak, ipaduyakyakkonto met iti imatang ni Amak sadi langit.

San Mateo 3:2

“Agbabawikayo kadagiti basbasolyo,” kinunana, “agsipud ta asidegen ti Pagarian ti langit.”

San Mateo 5:16

Masapul a kasta met ti panaglawag ti silawyo iti imatang dagiti tattao, tapno makitada dagiti naimbag nga aramidyo ket idaydayawda ni Amayo sadi langit.”

San Lucas 11:1

Iti maysa nga aldaw, agkarkararag ni Jesus iti maysa a lugar. Idi malpasen, kinuna ti maysa kadagiti adalanna, “Apo, isuronakami man nga agkararag, kas iti panangisuro ni Juan kadagiti adalanna.”

Taga-Roma 1:7

Daytoy ti gapuna a nagsuratak kadakay amin nga adda dita Roma, dakayo nga ay-ayaten ken inayaban ti Dios nga agbalin a tattaona. Sapay koma ta parabur ken talna ti ited kadakayo ti Dios nga Amatayo ken ni Apo Jesu-Cristo.

Taga-Roma 8:15

Ta saannakayo a pagbalinen a tagabu ti Espiritu nga inted ti Dios kadakayo. Saannakayo met a pagbutngen. Pagbalinennakayo ketdi nga annak ti Dios, ket babaen iti pannakabalin ti Espiritu, umawagtayo iti Dios a kunatayo, “Ama, O Amak!”

Taga-Filipos 4:20

Madaydayaw koma ti Dios ken Amatayo iti agnanayon. Amen.

1 Taga-Tesalonica 1:1

Kadagiti kamkameng ti iglesia dita Tesalonica, isuda a tattao ti Dios Ama ken tattao met ni Apo Jesu-Cristo, Sapay koma ta adda kadakayo ti parabur ken talna. Dakami, da Pablo, Silas ken Timoteo, ti naggapuan daytoy a surat.

1 Taga-Tesalonica 1:3

Ta tunggal agkararagkami iti Dios ken Amatayo, malagipmi no kasano ti panangipakitayo iti pammatiyo babaen iti panagbiagyo, ti gagetyo nga agtrabaho gapu iti ayat ken no kasano ti kinatibker ti namnamayo ken ni Apotayo a Jesu-Cristo.

2 Taga-Tesalonica 2:16

Sapay koma ta ni Apotayo a Jesu-Cristo a mismo ken ti Dios nga Amatayo, a nagayat ken mangted kadatayo iti agnanayon a tured ken nasayaat a namnama babaen iti paraburna,

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 19:6

Kalpasanna, nangngegko ti kasla timek ti adu a tattao a kasla daranudor ti agdissuor a danum ken napigsa a gurruod. Kinunada: “Madaydayaw ti Dios! Ari ti Apo a Diostayo a Mannakabalin-amin!

Paltiing 20:4

Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.