San Lucas 11:19 - Ti Baro a Naimbag a Damag Biblia

¹⁹ No kasta ti panangpaksiatko kadagiti demonio, kasano met ti panangpaksiat kadakuada dagiti pasurotyo? Isuda met laeng ti mangpaneknek nga agbiddutkayo!

Ti Biblia (1973)

¹⁹ Ket no paruarec coma dagiti sairo gapu ti pannacabalin ni Beelzebub, dagiti annacyo asino ngarud ti akinpannacabalin ti pamaruarda cadacuada? iti casta isudanto dagiti mangocom cadacayo.

San Lucas 11:19 Iomraidhean Croise

Ti Libro ni Job 15:6

Saan a masapul nga ikeddengko a nagbasolka; dagiti met la saom ti mangukom kenka.

San Mateo 10:25

Ngarud, mapnek koma ti agad-adal no agbalin a kas iti maestrona; kasta met ti adipen, no agbalin a kas iti apona. No Beelzebub ti ipanaganda iti pangulo ti maysa a familia, naal-alasto pay ti maipanagan kadagiti kamkameng ti familiana.”

San Mateo 4:24

Nagdinamag ni Jesus iti entero a daga ti Siria. Impan dagiti tattao kenkuana dagiti addaan iti nadumaduma a saksakit ken an-annayen: dagiti linuganan dagiti demonio, dagiti agkiskissiw, ken dagiti paralitiko. Pinaimbag amin ida ni Jesus.

San Lucas 19:22

“‘Dakeska nga adipen!’ kinuna ti ari. ‘Dusaenka gapu kadagiti balikasmo met laeng. Ammom la ngaruden a naungetak, ket alaek ti uray saanko a kukua ken agapitak iti diak immula.

San Lucas 9:49

“Apo,” impulong ni Juan, “nakitami ti maysa a tao a mangpakpaksiat kadagiti demonio babaen iti naganmo. Pinaritanmi gapu ta ditayo met kadua.”

Dagiti Aramid 19:13

Adda sumagmamano nga agpaspasiar a Judio ket mamakpaksiatda met kadagiti dakes nga espiritu. Pinadasda nga aramaten ti nagan ni Apo Jesus. Kunkunada kadagiti dakes nga espiritu: “Iti nagan ni Jesus nga ikaskasaba ni Pablo, bilinenkayo a rummuar iti dayta a tao.”

Taga-Roma 3:19

Ita, ammotayo a ti amin a linaon ti Linteg agpaayda kadagiti agbibiag iti babaen ti Linteg. Adda ti Linteg tapno sumardeng amin a pambar dagiti tattao ket idatagna ti entero a lubong tapno ukomen ti Dios.