San Lucas 11:13 - Ti Baro a Naimbag a Damag Biblia

¹³ No dakayo, idinto a dakeskayo, ammoyo ti mangted iti naimbag kadagiti annakyo, dinto ket ad-addan ti pannangted ti Ama sadi langit iti Espiritu Santo kadagiti agdawat kenkuana!”

Ti Biblia (1973)

¹³ No ngarud no dacayo, idinto a dakescayo, ammoyo ti mangted cadagiti nasayaat a sagsagut cadagiti annacyo, dinto aya nangnangrona ni Amayo a nailangitan a mangtedto ti Espiritu Santo cadagiti agdawat kencuana?

San Lucas 11:13 Iomraidhean Croise

Genesis 8:21

Nalang-ab ni Yahweh ti nabanglo nga ayamuom ti sakrifisio ket kinunana iti nakemna, “Pulos a diakton ilunod ti daga gapu iti aramid ti tao. Ammok a dakes ti panunotna manipud kinaubingna. Diakton dadaelen ti aniaman nga adda biagna a kas iti inaramidko.

Dagiti Salmo 51:5

Adtoy a naipasngayak iti kinadakes, ket iti basol nainawak.

Dagiti Proverbio 1:23

Ipangagdak no tubngarenkayo. Balakadankay iti naimbag, ket ipakaammok kadakayo ti adda kaniak a kinasirib.

Isaias 49:15

Iti kastoy, daytoy ti sungbat ti Apo, “Mabalin aya a lipatan ti ina ti bukodna nga anak? Dina aya ayaten ti maladaga nga impasngayna? Uray no malipatan ti ina ti anakna, ni kaanoman dikanto lipatan.

Ezekiel 36:27

Ikabilkonto ti bukodko nga espiritu kadakayo ikagumaak nga annurotenyo dagiti bilinko ken salimetmetanyo dagiti lintegko nga intedko kadakayo.

Joel 2:28

Kuna ti Apo: “Kalpasanna, ibuyatkonto ti Espirituk iti amin a tao. Ipakaammonto dagiti annakyo ti mensahek; agdarepdepto dagiti lallakayyo, ket agparmatanto dagiti lallaki nga agtutuboyo.

San Mateo 5:16

Masapul a kasta met ti panaglawag ti silawyo iti imatang dagiti tattao, tapno makitada dagiti naimbag nga aramidyo ket idaydayawda ni Amayo sadi langit.”

San Mateo 5:45

tapno agbalinkayo nga annak ni Amayo sadi langit. Ta padapada a pagraniagenna ti initna kadagiti naimbag ken kadagiti dakes a tattao. Mangted iti tudo kadagiti agaramid iti naimbag, kasta met kadagiti agaramid iti dakes.

San Mateo 6:14

“No pakawanenyo dagiti nakabasol kadakayo, pakawanennakayto met ni Amayo sadi langit.

San Mateo 6:30

No ti Dios kawesanna dagiti ruot iti tay-ak, ruot nga adda ita ket inton bigat maisungrod, saan aya a nangnangruna a kawesannakayo? Nagbassit ketdin ti pammatiyo!

San Mateo 6:32

Dagitoy ti ipangpangruna a biroken dagiti Hentil. Ammo ni Amayo sadi langit a masapulyo amin dagitoy.

San Mateo 7:11

No dakayo idinto a dakeskayo, ammoyo ti mangted iti naimbag kadagiti annakyo, dinto ket ad-addan ti pannangted ni Amayo sadi langit iti naimbag kadagiti agdawat kenkuana?

San Lucas 11:12

Wenno ikkanna aya iti manggagama no dumawat iti itlog?

San Lucas 11:2

Kinuna ni Jesus kadakuada, “No agkararagkayo, kastoy ti kunayo: ‘Amami, Madaydayaw koma ti nasantoan a naganmo; Umay koma ti Pagariam.

San Lucas 18:7

Ket dinto aya tulongan ti Dios dagiti tattaona nga umas-asug kenkuana iti aldaw ken rabii? Dinanto kadi dardarasen ti tumulong kadakuada?

San Juan 4:10

“No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

Dagiti Aramid 2:38

Kinuna kadakuada ni Pedro, “Agbabawikayo kadagiti basbasolyo. Pabuniagankayo iti nagan ni Jesu-Cristo tapno mapakawan dagiti basbasolyo ket awatenyonto ti sagut ti Espiritu Santo.

Taga-Roma 5:17

Agpayso a gapu iti basol ti maysa a tao, nagturay ni patay, ngem ad-adda pay a gapu iti inaramid ni Jesu-Cristo, agturay iti biag dagiti amin nga umawat iti nawadwad a parabur ken sagut ti kinalinteg.

Taga-Roma 7:18

Ammok a saan nga agnaed kaniak ti kabaelan nga agaramid iti naimbag—kayatko a sawen, ti kababalinko a kas tao. Nupay kayatko ti agaramid iti naimbag, diak latta maaramid.

Taga-Roma 8:32

Dina impaidam ti mismo nga Anakna, no di ket indatonna nga agpaay kadatayo amin! No impaayna ti Anakna kadatayo, dinto kadi sisasagana a mangted met kadatayo iti isuamin?

Tito 3:3

Ta maag, nasukir ken nayaw-awantayo met idi. Tinagabunatayo ti nadumaduma a kita ti tarigagay ken paggarteman. Nagbiagtayo iti dakes a panagem ken apal. Ginuradatayo dagiti sabsabali ket ginuratayo met ida.