San Lucas 10:37 - Ti Baro a Naimbag a Damag Biblia

³⁷ “Daydi nangngaasi kenkuana,” insungbat ti maestro iti Linteg. Kinuna ni Jesus, “Inka ngarud ket kasta met ti aramidem.”

Ti Biblia (1973)

³⁷ Ket isu kinunana: Daydi nangaramat kencuana iti asi. Idin kinuna ni Jesus kencuana: Incan ket aramidem met ti casta.

San Lucas 10:37 Iomraidhean Croise

Dagiti Proverbio 14:21

No kayatmo a naragsakka, kaasiam dagiti napanglaw; basol ti mangumsi kadakuada.

Oseas 6:6

Kalikagumak ti saan nga agbalbaliw nga ayatyo, saan a dagiti animal a puoranyo. Kaykayatko nga ammoendak dagiti tattaok ngem dagiti datonda.

Mikias 6:8

Saan! Inlawlawag kadakayo ti Apo no ania ti naimbag. Daytoy ti dawatenna kadatayo: aramidentayo ti nalinteg, ipakitatayo ti di agbalbaliw a panagayat, ken agtulnogtayo a sipapakumbaba iti Diostayo.

San Mateo 20:28

a kas iti Anak ti Tao a saan nga immay a paserbian no di ket tapno agserbi ken yawatna ti biagna a pangsubbot kadagiti adu a tattao.”

San Mateo 23:23

“Asikayo pay, dakayo a mamaestro iti Linteg ken dakayo a Fariseo! Aginsisingpetkayo! Itedyo ti apagkapullo dagiti rekrekado a mulayo kas iti yerbabuena, anis ken kumino, ngem diyo met tungpalen dagiti nasken a pannursuro ti Linteg a kas iti kinalinteg, kinamanangngaasi ken kinapudno. Dagitoy ti rebbengyo a tungpalen ket diyo liwayan dagiti dadduma.

San Lucas 10:36

Kinuna ngarud ni Jesus, “Iti panagkunam, siasino kadagiti tallo ti pudno a kaarruba daydi tao a sinaneb dagiti tulisan?”

San Lucas 10:38

Bayat ti panagdaliasat ni Jesus ken dagiti adalanna, dimtengda iti maysa a barrio. Sadiay, adda maysa a babai nga agnagan Marta a nangsangaili kenkuana iti balayna.

2 Taga-Corinto 8:9

Ammoyo ti parabur ni Apotayo a Jesu-Cristo: Idinto a nabaknang, nagbalin a napanglaw gapu kadakayo tapno pabaknangennakayo babaen iti kinapanglawna.

Taga-Efeso 5:2

Ti koma ayat ti mangiturong iti panagbiagyo, kas iti ayat nga impaay ni Cristo kadatayo babaen iti pannangtedna iti biagna gapu kadatayo, kas nabanglo a sagut ken daton a makaparagsak iti Dios.

1 Pedro 2:21

Daytoy ti nangayaban ti Dios kadakayo, agsipud ta nagsagaba ni Cristo gapu kadakayo ket nangibati iti pagulidanan tapno surotenyo ti tugotna.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.