San Lucas 10:30 - Ti Baro a Naimbag a Damag Biblia

³⁰ Simmungbat ni Jesus: “Adda maysa a tao a naggapu idiay Jerusalem ket sumalsalog a mapan idiay Jerico. Sinaneb dagiti tulisan, innalada amin nga adda kenkuana agraman badona, kinabkabilda sada pinanawan a dandanin matay.

Ti Biblia (1973)

³⁰ Ket ni Jesus simmungbat ken kinunana: Maysa a tao simmalog a naggapu iti Jerusalem a napan idiay Jerico, ket natulisan ket sinamsamda ti amin nga adda kencuana ken ginagarada ti sugat ket pinanawanda a nganngani matay.

San Lucas 10:30 Iomraidhean Croise

Dagiti Salmo 88:4

Naibusanakon iti pigsa; naibilangakon a natay a kas kadagiti dadduma.

Jeremias 51:52

Iti kasta, kunak a dumtengen ti tiempo a panangukomko kadagiti didiosen ti Babilonia. Agasugto dagiti nasugsugatan iti entero a daga.

Dungdung-aw 2:12

Umasugda kadagiti innada gapu iti bisin ken wawda. Mapasagda kadagiti kalsada a kasda la nasugatan. Main-inutda a matay iti saklot dagiti innada.

Ezekiel 30:24

Kalpasanna, papigsaekto dagiti takkiag ti ari ti Babilonia ket ipaiggemkonto kenkuana ti kampilanko. Ngem tukkolekto dagiti takkiag ti ari ti Egipto ket agasugto agingga a matay iti sangoanan ti kabusorna.

San Lucas 10:31

Nairana met a sumalsalog sadiay ti maysa a padi. Idi makitana daydi lalaki, linisianna ket intuloyna ti nagna.

San Lucas 18:31

Inyadayo ni Jesus dagiti sangapulo ket dua nga adalan ket kinunana kadakuada, “Denggenyo! Sumang-attay idiay Jerusalem, ket matungpalto sadiay ti amin nga insursurat dagiti profeta maipapan iti Anak ti Tao.

San Lucas 19:28

Kalpasan ti panangisao ni Jesus iti daytoy, nagtuloy a nagturong idiay Jerusalem.